Ársrit Ræktunarfélags Norðurlands - 01.01.1978, Qupperneq 9
tíma. Næstu árin er enda starfsemi Rf. næsta lítil, en þessi ár
fara þó fram allmiklar umræður í stjórn og meðal áhuga-
manna um Rf., að endurvekja eitthvert starf, sem stefndi í
þá átt sem tilgangur félagsins hafði verið frá upphafi. Ár-
angur þessarra umþenkinga og afrakstur varð sá, að lögum og
starfsháttum félagsins er breytt á aðalfundi 1952, sem þá var
haldinn 21. júní.
Helstu nýmæli hinna nýju laga voru þau, að með þeim er
félagið gert að sambandi búnaðarsambandanna í Norðlend-
inafjórðungi, og eru þau aðalfélagar þess. Fulltrúar á aðal-
fund skulu vera búnaðarþingsfulltrúar sambandanna og auk
þess einn fulltrúi kosinn árlega af aðalfundi viðkomandi
búnaðarsambands. Hætt var að skrá ævifélaga, en þær ævi-
félagadeildir er enn voru við líði skyldu mega senda fulltrúa á
aðalfund. Lengst af síðan hefur ævifélagadeildin á Akureyri
verið sú eina sem eitthvað hefur komið við sögu, en sú deild
hefur raunar verið allfjölmenn fram til þessa og þó starfsemi
hennar hafi engin verið hefur Rf. átt þar marga beina og
óbeina stuðningsmenn. Sú skipan, sem hér hefur verið rakin
og upp var tekin með lagabreytingum 1952, er enn við líði og
hefur að ég hygg reynst mjög vel og átt sinn þátt í því að gera
Rf. aftur á ný virkt, gera það að þeim tengilið milli búnaðar-
sambandanna sem til var stofnað, að gera það að þeirri
stofnun sem það nú er orðið.
Jafnframt því að lögum félagsins var breytt á árinu 1952,
var ákveðið að breyta riti félagsins, Ársritinu, auka þá útgáfu
að mun og hefja herferð í fræðslu um landbúnað bæði á
námsskeiðum, í skólum og víðar.
ÞÁTTASKIL 1963.
Fljótlega eftir að Tilraunaráði jarðræktar var leigt land og
hús Rf. (1. jan. 1947) fóru að heyrast raddir um að selja þessar
eignir. Þannig er bókað í stjórnarfundargerð frá 9. nóv. 1950:
„I tilefni af ábendingu endurskoðenda um að stjórnin taki til
yfirvegunar nýjan starfsgrundvöll fyrir félagið og hvað skuli
gera við eignir þess, ef félagið yrði lagt niður, þá vill stjórnin
11