Ársrit Ræktunarfélags Norðurlands - 01.01.1978, Page 30

húspláss og ekki var gengið frá samningum milli eignaraðila
þannig að það er ekki fyrr en á aðalfundi 1973 sem formlega er
gengið frá stofnun Búnaðarbókasafnsins og aðilar þá Rækt-
unarfélag Norðurlands, Búnaðarsamband Eyjafjarðar, Til-
raunastöðin á Akureyri seinna á Möðruvöllum og Samband
Nautgriparæktarfélaga í Eyjafirði. Síðast talda félagið var þó
sameinað Búnaðarsambandinu 1977 og féll þá niður sem
sjálfstæður aðili að safninu.
Búnaðarbókasafnið er til húsa á efstu hæð í Glerárgötu 36,
hefur þar nóg rúm og góða aðstöðu sem enst gæti enn um sinn
og safnið þar með átt þátt í því að bændur og búalið í Eyja-
firði og Norðurlandi öllu fengju betri ráð og haldmeiri, en ella
væri.
LOKAORÐ
I inngangsorðum þessara punkta úr sögu Rf. síðasta aldar-
fjórðung, er þess getið að víst geti verið að þetta félag sé orðið
grátt á bjarta og þungt á fæti, en ef betur er að gáð er
tilgangur Rf. samkvæmt lögum þess enn eftir 75 ár í reynd sá
sami og var þegar félagið var stofnað. í þrem höfuðgreinum
þetta: 1) Að styðja alls konar tilraunir og framfarir í land-
búnaði á Norðurlandi. 2) Að útbreiða meðal almennings
þekkingu á öllu því, er að landbúnaði lýtur og líkindi eru til
að geti komið að gagni. 3) Að vera tengiliður milli búnaðar-
sambandanna á Norðurlandi. Siðasti liður var að vísu ekki í
elstu lögum, en þannig starfaði félagið alltaf í reynd.
A þeim tímum, sem þetta er ritað, í upphafi árs 1979,
rúmum 75 árum eftir að bjartsýnir aldamótamenn hrinda Rf.
á flot, hefur að margra dómi syrt í álinn í íslenskum land-
búnaði. Meira er framleitt af kindakjöti, smjöri og osti en
neytt er af landsmönnum og erfitt að selja útlendingum |)essa
vöru á því verði sem nauðsyn er talin að fá fyrir hana. Sam-
staða bænda til lausnar þessa vanda hefur ekki verið sem
skyldi, og forráðamenn þeirra bæði úr eigin stétt, sem og úr
fremstu víglínu þeirra sem á kaupi eru frá því opinbera, hafa
ekki fundið þá lausn sem samstaða hefur orðið um og hægt
32