Ársrit Ræktunarfélags Norðurlands - 01.01.1978, Page 63

Vik.uf' f«-á bur)t
Mynd /. Myndin sýnir hvermg m]ólkurmagn, fituprósenta oy prótemprósenta mjólkur-
innar breytist, þegar á mjólkurskeiðid líður (úr bókinni Principles of Dary Science).
anna. Af slíkum umhverfisþáttum eru aldur kúnna og burð-
artími þeirra best þekktir. í þriðja lagi er um að ræða áhrif
þess hvar á mjólkurskeiðinu kýrin mjólkar. Á mynd 1 eru þau
áhrif sýnd samkvæmt erlendum rannsóknum. Þar kemur í ljós
að ef frá eru skildir fyrstu dagarnir eftir burðinn þá fer
prósentumagn fitu og próteins í mjólk vaxandi eftir því sem á
mjólkurskeiðið líður. Mjólkursykurinn breytist aftur á móti
fremur eins og mjólkurmagnið. Broddmjólkin hefur verulega
sérstöðu í efnasamsetningu. Þurrefnismagn hennar er yfir
20% og er það eins og áður er nefnt sérstaklega próteinmagnið
sem er svo miklu meira en í venjulegri nýmjólk og munar þar
mestu um mótefnin.
Aldur kúnna hefur ákveðin áhrif á efnamagn í mjólk og eru
þau áhrif á þann veg að fituprósenta lækkar með aldri kúnna.
Þessi áhrif eru þó yfirleitt mjög lítil og samkvæmt hérlendum
rannsóknum eru þau varla nema rúmt 0,1 prósentustig. Það
er þó þekkt að hjá einstaka kúm virðast verða miklar breyt-
ingar í mjólkurmyndun, þegar þær eldast, þannig að fitu-
prósenta í mjólk verður mjög lág miðað við það sem áður var.
Ur erlendum rannsóknum er þekkt að burðarmánuður
kúnna virðist hafa ákveðin áhrif á fituprósentu mjólkurinnar.
65