Ársrit Ræktunarfélags Norðurlands - 01.01.1978, Side 104

voru lagðir fram fjölritaðir og vísast til þeirra um niður-
stöður. Reikningarnir voru endurskoðarir og áritaðir án
athugasemda af Birni Þórðarsyni og Eggert Davíðssyni
kjörnum endurskoðendum félagsins.
4. Bjarni E. Guðleifsson, tilraunastjóri á Möðruvöllum gerði
stutta grein fyrir starfi Tilraunastöðvarinnar. Segja má að
sú hefð hafi komist á að skýrt sé frá starfi Tilraunastöðv-
arinnar á ársfundi Ræktunarfélagsins. Á Möðruvöllum er
unnið að ýmsum tilraunum á sviði búfjár og jarðræktar.
Dreifðar tilraunir á búum bænda, hefur Tilraunastöðin
einnig unnið við, en úr þeim þætti starfseminnar taldi
Bjarni líklegt að nokkuð myndi draga á næstunni, en farið
yrði þess í stað út meðal bænda með þekktar niðurstöður í
sýnisreitum.
Þá hófust umræður um skýrslur og reikninga:
Teitur Björnsson þakkaði Jóhannesi og Þórarni fyrir
störf þeirra og leiðbeiningar. Ræddi um áburðartíma og
spurðist fyrir um hraða efnabreytinga í túnum með hlið-
sjón af því hvað ört þyrfti að taka jarðvegssýni. Jóhannes
Sigvaldason svaraði og taldi að efnainnihald breyttist ekki
ört með tímanum þar sem eðlilega væri á borið. Við þær
aðstæður væri nóg að taka sýni á ca. iO ára fresti.
Ari Teitsson ræddi um fóðrun og heysýnatöku. Taldi að
fóðurblöndur gæfu ekki mikið svigrúm til fóðurbreytinga.
Þá ræddi Ari um rannsóknarstarfsemina almennt og taldi
að aukning rannsóknarstarfsmanna yrði nær eingöngu á
Keldnaholti.
Helgi Jónasson tók undir þakkir til Jóhannesar og Þór-
arins. Ræddi um töku heysýna og skýringu á því að sýna-
taka hefði minnkað í Suður-Þingeyjarsýslu. Spurði um
niðurstöður selenrannsókna. Taldi að niðurstöður rann-
sókna þyrftu að komast sem fyrst til bænda.
Aðalbjörn Benediktsson ræddi um frostþol túngrasa.
Taldi nauðsyn að auka rannsóknir og leita að þolnum
grösum.
106