Ársrit Ræktunarfélags Norðurlands - 01.01.1985, Page 10

unun af söng og var fyrr á árum góður söngmaður og leikari;
alltaf hlýr í viðmóti og gaf sér oftast tíma til að spjalla.
Sigurður hlaut margháttaða viðurkenningu fyrir störf sin og
mat þau að verðleikum, vænst mun honum þó hafa þótt er
danskir dýralæknar gerðu hann að heiðursfélaga sínum.
Sigurður var brautryðjandi um margt sem varðaði heil-
brigðismál búfjár og starfsemi dýralækna, og ritstörf hans
hafa merkt heimildargildi. Á starfsæfi Sigurðar urðu stór-
felldar breytingar á nær öllum sviðum þjóðlífsins. Með starfi
sínu að félagsmálum leitaðist hann við að greiða fyrir þeirri
þróun eftir megni. Þótt hann yrði oft að taka þátt í lausn á
viðkvæmum og umdeildum málum, naut hann hvarvetna
vinsælda.
Honum var gefin sú fágæta list að varðveita gleði sína,
góðvild og gamansemi til hinstu stundar.
SAMDRÁTTUR í LANDBÚNAÐI
Á þessu vori hófst Ræktunarfélag Norðurlands handa
um allmikla könnun á framleiðsluaðstöðu einstakra
jarða á félagssvæðinu. Verða allir bændur á Norður-
landi heimsóttir og reynt að fá fram þeirra viðhorf og
áætlanir um búskapinn í framtíðinni. Reynt verður
síðan að láta aðstöðuna og viðhorf heimamanna
grundvalla, svo sem kostur er og hafa áhrif á ákvarð-
anatöku um framleiðslumálin á næstu árum, í stað þess
að láta skeika að sköpuðu.
Þess er vænst að bændur taki erindrekum Ræktun-
arfélagsins vel og veiti þeim þær upplýsingar sem þörf er
á, svo hægt verði á grundvelli þeirra að treysta búsetu
manna í hinum dreifðu byggðum á Norðurlandi.
12