Ársrit Ræktunarfélags Norðurlands - 01.01.1985, Side 67

brýtur niður tíamín (Brvítamín). Þetta og ef til vill aðrir
þættir orsaka það að tíamín geymist illa í meltum. Þessi
þáttur er sérstaklega mikilvægur við fóðrun hænsna og loð-
dýra. Ríbóflavín, pyrídoxín og níasín virðast varðveitast
nokkuð vel, en B12-vítamín eitthvað verr.
4. FÓÐRUN
Hér verður leitast við að gera grein fyrir nokkrum þáttum í
sambandi við notkun á meltum handa mismunandi búfjár-
tegundum.
Þrjú mikilvæg atriði þarf að hafa í huga við framleiðslu á
meltum og meltugjöf:
1. Mjög súrar meltur (pH 2-3) framleiddar með ólífrænum
sýrum þarf að afsýra áður en þær eru notaðar.
2. Meltur geta haft áhrif á átgetu og vöxt ef þær eru not-
aðar í miklum mæli. Þær ætti því eingöngu að nota til að
fullnægja próteinþörfum skepnanna, og í mörgum tilvikum
með öðrum próteingjöfum.
3. Meltur geta haft slæm áhrif á bragðgæði afurða ef þær
innihalda mikla fitu. Það er því í flestum tilfellum ráðlegt að
fjarlægja megnið af fitunni á framleiðslustigi, en það eykur
stöðugleika framleiðslunnar.
4.1. Jórturdýr.
4.1.1. Ungviði.
Ungkálfar og lömb ættu í raun að flokkast með einmaga
dýrum. Meltur hafa verið reyndar erlendis handa þessum
gripum með nokkuð góðum árangri. Þetta hefur komið fram
bæði í enskum og norskum rannsóknum. Hér er þó yfirleitt
um sérmeðhöndlaðar meltur að ræða eða meltuhluta. Mikil-
vægt er að meltur til þessara nota brotni sem mest niður og
helst að sérstakir hvatar séu notaðir, í stað náttúrulegra hvata
úr innyflum. Þannig getur melta gerð með einni tegund hvata
haft mikið hærra næringargildi en ef önnur tegund er notuð.
69