Frjáls verslun - 01.07.1976, Síða 45

,,Ég tel hvorki von né vit til þess a'ð rekstur alls okkar stóra fiski-
flota geti verið arðbær við ríkjandi ástand fiskstofnanna við
landið,“ segir forstjóri Þjóðhagsstofnunar.
ingu fiskstofnanna við landið
er hins vegar ekki eingöngu
líffræðilegt spursmál. Við verð-
um að vega og meta efnahags-
legan ávinning og kostnað, sem
fylgir hugsanlegum friðunarað-
gerðum. Þannig koma efnahags-
legu sjónarmiðin inn í mynd-
ina. Endanlegar ákvarðanir
hljóta hins vegar að vera stjórn-
málalegs eðlis, en þar koma
eflaust enn fleiri atriði til
greina, ekki sízt hvaða áhættu
menn vilja taka í þessu efni.
Ég tel afar mikilvægt að góð
samvinna sé milli fiskifræðinga
og hagfræðinga og reyndar sér-
fræðinga á fleiri sviðum til þess
að meta skynsamlega þær leið-
ir, sem um er að velja í fisk-
veiðimálum á næstu árum.
Slíkt samstarf fer nú fram —
og hefur reyndar gert í nokk-
ur ár milli Hafrannsóknarstofn-
unar og Þjóðhagsstofnunar.
Árlegum skýrslum okkar um
þjóðarbúskapinn hafa síðustu
ár fylgt álit sérfræðinga Haf-
rannsóknastofnunar á aflahorf-
um komandi ára. Vitaskuld er
nú sérstaklega brýn þörf á sam-
vinnu af þessu tagi.
F.V.: — Hver eru aðalverk-
efni Þjóðhagsstofnunar og hvað
starfa margir hjá henni?
J. S.: — Ég held að þessari
spurningu sé bezt svarað með
því að vitna í lögin um stofn-
unina, en þar segir, að verkefni
Þjóðhagsstofnunar sé að fylgj-
ast með árferði cg afkomu þjóð-
arbúsins, vinna að hagrannsókn-
um og vera ríkisstjórn og Al-
þingi til ráðuneytis í efnahags-
málum. í lögunum er verkefn-
inu gerð nánari skil með upp-
talningu þar sem segir:
„Meðal verkefna Þjóðhags-
stofnunarinnar eru þessi:
1) Að færa þjóðhagsreikninga.
2) Að semja þjóðhagsspár og
-áætlanir.
3) Að semja og birta opinber-
lega tvisvar á ári, vor og
haust, yfirlitsskýrslur um
þróun þjóðarbúskaparins og
horfur í þeim efnum, þar á
meðal um framleiðslu,
neyzlu, fjárfestingu, við-
skipta- og greiðslujöfnuð,
verðlag og kaupgjald, at-
vinnu og tekjur almennings.
afkomu atvinnuvega og fjár-
mál hins opinbera. Auk þess
skal stofnunin koma niður-
stöðum athugana sinna á ein-
stökum þáttum efnahags-
mála fyrir almennings sjón-
ir, eftir því sem kostur er.
4) Að annast hagfræðilegar at-
huganir og skýrslugerð um
efnahagsmál fyrir ríkis-
stjórnina og alþjóðastofnan-
ir á sviði efnahagsmála, eft-
ir því sem ríkisstjórnin
ákveður, og fyrir Seðla-
banka íslands og Fram-
kvæmdastofnun ríkisins, eft-
ir því sem um semst.
5) Að láta alþingismönnum og
nefndum Alþingis í té upp-
lýsingar og skýrslur um
efnahagsmál.
6) Að veita aðilum vinnumark-
aðarins upplýsingar um
efnahagsmál og annast fyr-
ir þá hagfræðilegar athugan-
ir, eftir því sem um semst.“
Meðal sérstakra verkefna má
nefna, að forstjóri Þjóðhags-
stofnunar, eða fulltrúi hans, er
oddamaður í yfirnefnd Verð-
lagsráðs sjávarútvegs við fisk-
verðsákvarðanir, sem ágrein-
ingur er um. Þessu starfi hef-
ur fylgt margvísleg upplýs-
ingastarfsemi og athugun á af-
komu sjávarútvegs. Reyndar
gefur stofnunin út sérstakar
skýrslur — atvinnuvegaskýrsl-
ur — um rekstur helztu at-
vinnuvega. Stofnunin hefur það
verkefni að semja tekjuáætlun
fjárlagafrumvarps, en því verki
hefur fylgt margháttað starf
við athuganir á skattamálum og
fjármálum. Þá er stofnunin lög-
um samkvæmt umsagnaraðili
um rafmagnsverðákvarðanir
Landsvirkjunar og Rafmagns-
veitna ríkisins. Stofnunin tek-
ur mikinn þátt í samskiptum
við alþjóðastofnanir á sviði
efnahagsmála, einkum við
OECD og Alþjóðagjaldeyrissjóð-
inn. Þjónustustörf við gerð
kjarasamninga hafa og einatt
orðið umfangsmikil. Með lög-
unum er lögð sérstök áherzla
á upplýsingaþjónustu um efna-
hagsmál fyrir þá mörgu aðila
og stofnanir, sem- um þessi mál
fjalla í okkar fjölþætta þjóð-
félagi. En stofnunin á einnig að
vinna að rannsóknum, þótt
stundum reynist erfitt að finna
þeim tíma í dagsins önn.
Svo ég víki að starfsliði Þjóð-
hagsstofnunar, þá eru fastir
starfsmenn um þessar mundir
19, en auk þess vinna nokkrir
viðskipta- og hagfræðinemar i
námsleyfum og viðskipta- og
hagfræðingar við framhalds-
nám jafnan hjá stofnuninni við
ýmis störf, bæði á sviði skýrslu-
gerðar og rannsókna. Líklega
nemur vinna lausráðinna
manna um 45 starfsmánuðum
á þessu ári, þ. e. svarar til nær
4 starfsmanna.
FV 7 1976
45