Frjáls verslun - 01.07.1976, Blaðsíða 59

Sigur-
báran
kom
drekk-
hlaðin
eftir 3
sólar-
hringa á
veiðum.
verndunarsjónarmiðið ráðið,
sagði hann, heldur hreppapóli-
tík, því þarna er ekki um neinn
smáfisk að ræða eða uppeldis-
stöðvar. Þarna er einfaldlega
verið að mismuma mönnum.
— Ég er illa svikinn ef út-
vegsbændafélagið hér í Eyjum
tekur þessum breytingum þegj-
andi og hljóðalaust.
Hann lauk máli sínu á að
segja að augljóst væri að ekk-
ert annað en sýndarmennska
réði í þessum blessaða sjávar-
útvegi.
Þá voru humarkarlarnir held-
ur óhressir, en það var vegna
lélegrar vertíðar og stöðugrar
ótíðar.
Þó batt einn skipstjórinn
vonir við að úr myndi rætast,
það er að segja ef Hornfirðing-
arnir væru ekki búnir að fylla
kvótann, þegar veðrið loksins
lagaðist.
Hjá Fiskiðjunni.
— Við erum að sleikja sár
okkar eftir gosið og fá þau til
að gróa, en það tekur örugglega
nokkur ár og þegar þau eru gró-
in þá fyrst hljótum við að huga
að framtíðarhugmyndunum,
sagði Guðmundur Karlsson
framkvæmdastjóri Fiskiðjunn-
ar er blaðamaður FV ræddi við
hann.
— Þetta gos kemur til með
að tefja eðlilega framþróun um
5—10 ár.
Um sumarvertíðina sagði
Guðmundur að Fiskiðjan væri
búin að taka á móti 2200 tonn-
um frá 15. maí.
— Sumarvertíðin er óvenju
góð og mikil upplyfting fyrir
bæjarfélagið og einstakling-
ana, en fyrirtækin hafa ekki
verulegan ágóða út úr henni.
Það liggur í að verri fiskur
kemur að landi og vinnslukostn-
aðurinn er meiri eins og núna
þegar unnið er til klukkan 10
á hverju kvöldi.
Við teljum það gott að standa
á jöfnu og geta haldið rekstrin-
um gangandi.
Aflamagnið á vetrarvertíðinni.
Samkvæmt tölum sem FV
aflaði sér hjá vigtarmanninum
um heildaraflann á vertíðinni
í vetur var landað í Eyjum
22.433 tonnum til 15. maí, en á
sama tíma í fyrra var landað
21.342 tonn.
Sú stöð sem tók á móti mesta
fiskinum var Fiskiðjan með
6495 tonn, þá ísfélagið 6440
tonn og þriðja hæst var
Vinnslustöðin með 6279 tonn.
Aðrar stöðvar voru með mun
minna.
Einn togari, Vestmannaey,
landar í Eyjum og er hans hlut-
ur í heildaraflanum 924 tonn.
í haust mun bætast við flota
Vestmannaeyinga nýr togari, en
það eru Vinnslustöðin, Fiskiðj-
an og ísfélagið, sem eru að
kaupa hann frá Póllandi. Hon-
um hefur verið gefið nafnið
Klakkur VE, en gárungar eru
búnir að gefa honum nýtt nafn
og vilja kalla hann Bagga VE.
I fiskvinnslustöðvunum er mik-
il vinna og unnið fram eftir á
kvöldin.
FV 7 1976
59