Frjáls verslun - 01.08.1976, Blaðsíða 55

Jóhann J. Jónsson, kaupmaður, Ólafsvík
„Legg áherslu á góðar vörur,
sem nýtast best hjá
húsmæðrunum46
Vaxandi straumur viðskiptavina frá stöðum utan Olafsvíkur
Þegar blaðamaður FV var staddur í Olafsvík fyrir skömmu lagði hann leið sína í verzlunina
Hvamm í því augnamiði að spjalla við eigandann Jóliann J. Jónsson. Þar var margt um manninn
enda rétt fyrir Iokun á föstudegi. Það vakti athygli hve allt var snyrtilegt og mátti sjá vottorð
uppi á vegg frá heilbrigðisnefnd að verzlunin hefði staðist allar kröfur um hreinlæti við síðustu
skoðun. Jóhann var önnum kafinn við afgreiðslu ásamt starfsfólki sínu, en gat gefið sér tíma til
viðtals.
— Ég kynntist verzlun og
fékk minn skóla hjá Axel Sig-
urgeirssyni í Barmahlíð 8 í
Reykjavík, en þar starfaði ég í
8 ár. Svo var það fyrir áeggj-
an og aðstoð hans að ég byrjaði
verzlunarrekstur hér í Ólafs-
vík. Einnig fékk ég ómetan-
lega aðstoð hjá fósturföður mín-
um, Baldri Guðbrandssyni, við
byggingu fyrstu verzlunarinn-
ar. Svo var það 1973 að ég
byrjaði á nýju verzlunarhúsi
eða því sem við erum staddir
í. Ástæðan var fyrst og fremst
sú að gamla húsið var orðið
of lítið og missti ég af viðskipt-
um þess vegna. Til þess að
geta fylgst með og haldið í horf-
inu var orðið mjög tímabært
að stækka því vöruflokkunum
fjölgaði og einnig var aðstaðan
fyrir starfsfólkið og bílastæði
orðin ófullnægjandi. Það hitt-
ist svo þannig á að verzlunin
gat hafið rekstur í nýja hús-
næðinu á 17 ára afmælisdegi
verzlunarinnar 23. nóvember
1974.
NÝJA VERZLUNIN GENGUR
VEL
— Nýja verzlunin hefur dafn-
að mjög vel, enda mun að-
gengilegri fyrir viðskiptavinina
og býður upp á fleiri vöru-
flokka. Þá er andinn hjá starfs-
fólkinu mjög góður. Ég hef ver-
ið heppinn með starfsfólk og
það verið hjá mér í tiltölulega
langan tíma og er það ómetan-
legt að þurfa ekki að vera
alltaf að skipta um. Viðskipta-
vinunum finnst gott, ef alltaf
er sama fólkið. Þeir finna inn
á það ef þeir fá góða þjónustu
og koma inn í aðlaðandi verzl-
un, enda kemur fólk hingað ut-
an frá Hellissandi í innkaupa-
ferðir og finnst mér það aukast.
VAKANDI YFIR VÖRU-
VERÐINU
Við verðum að vera vakandi
yfir vöruverði sérstaklega á
innfluttum vörum. Maður verð-
ur að vera víða innundir hjá
heildsölum til að fá vörur úr
sendingum, sem eru á hagstæðu
verði. Þó er það ekki algilt. Það
hefur verið min reynsla að
áherzlu beri að leggja á góðar
vörur, sem nýtast best hjá hús-
mæðrum. Það er staðreynd að
þær sniðganga ódýrar vörur ef
þær njóta ekki vinsælda á mat-
borði fjölskyldunnar. Ég hef
auðvitað hugsað um vörumark-
aðsfyrirkomulagið eins og er
fyrir sunnan en aldrei áttað
mig á því og segja mér margir
að þetta sé leiðinda verzlunar-
máti. Það hlýtur að vera al-
heilbrigðast að vera réttur á
því verði sem á að vera en
ekki niðri á einni vöru og uppi
á annari.
— Ég álít, sagði Jóhann að
lokum, að mikilvægast sé að
maður hafi ánægju af starfinu,
þá fleytir það manni langt þeg-
ar upp er staðið.
FV 8 1976
53