Frjáls verslun - 01.12.1976, Blaðsíða 16

Hús Jóns Sigurðssonar:
Miðstöð fyrir félagsstarf
íslendinga í Höfn
Talið að í Danmörku séu um 5000 Islendingar
Fróðum mönnum telst til að allt í allt séu íslendingar og fólk af íslenzku bergi brotið um 5000 tals-
ins í Danmörku en vitaskuld rennur íslenzkt bl óð í æðum miklu fleiri ef farið væri að rekja ættir
manna hundrað ár eða meira aftur í tímann. Me nningarmiðstöð Islendinga í Höfn er nú í húsi Jóns
Sigurðssonar við Ostervoldgade, en Karl Sæmundssen, kaupmaður, gaf íslenzka ríkinu húsið
fyrir um það bil áratug. Þetta hús nefnist nú ,.Det islandske kulturhus.“
Séra Jóhann Hlíðar fyrir framan hús Jóns Sigurðssonar.
í húsinu hafa íslendingafé-
lagið og félag ísl. námsmanna í
Höfn samkomustað í kjallara
og á 1. hæð. Á 2. hæðinni er
svo íbúð fyrir íslenzka fræði-
menn. sem koma til rannsókn-
arstarfa og dvalar í Kaup-
mannahöfn í nokkra mánuði en
á 3. hæðinni er íbúð Jcns Sig-
urðssonar, þar sem nú er eins
konar minjasafn um hann með
bréfum og myndum og eftirlík-
ingum af húsgögnum Jóns, sem
varðveitt eru í Þjóðminjasafn-
inu á íslandi. Á efstu hæð húss-
ins er svo íbúð íslenzka sendi-
ráðsprestsins í Kaupmannahöfn
en því embætti gegnir nú séra
Jóhann Hlíðar.
ÍSLENDINGAFAGNAÐIR
Séra Jóhann sýndi okkur að-
stöðuna í húsi Jóns Sigurðsson-
ar og sagði okkur frá því helzta,
sem þar fer fram. Námsmenn i
Kaupmannahöfn hafa þar opið
hús, þar sem horft er á sjón-
varp og lesin blöð að heiman.
Auk þess eru haldnar samkom-
ur eftir því sem tilefni gefst og
íslenzkir fyrirlesarar fengnir
til að flytja þar erindi. Árlegir
fagnaðir eru svo nokkrir haldn-
ir, þar á meðal Rússagildi fyrir
nýliða í hópnum, 1. des. hátíð
og svo þorrablót. Stendur náms-
mannafélagið að þessum sam-
komum með íslendingafélaginu
en í stjórn þess síðarnefnda eru
nú aðallega stúdentar. fslend-
ingafélagið sendir nokkrum
sinnum á ári út bréf til félags-
manna með fréttum af starf-
seminni og eru það um 1000
bréf, sem þannig eru send út.
Þá gengst félagið fyrir hópferð-
um til fslands,
Við rákumst á fjölrituð
dreifiblöð námsmannafélagsins,
þar sem það var að boða til
samkomu'halds og virtist aðal-
dagskráratriðið eiga að vera
kvikmynd, sem tekin var i sum-
ar í Rebild á Jótlandi, þegar
þar var minnzt 200 ára afmælis
Bandaríkjanna. Nokkrir dansk-
ir villimenn réðust í Indíána-
búningum inn á samkomugesti
og tókst að spilla þessari frið-
sömu samkomu. Kvikmynd var
að sjálfsögðu gerð um þetta
uppátæki af óróaseggjunum
sjálfum og ætluðu íslenzkir
námsmenn í Höfn að dásama
uppátækið á samkomu hjá sér.
Það var Ólafur Bjarnason
prófessor, sem bjó í fræði-
mannsíbúðinni í haust en á sl.
vori barst 21 umsókn um dvöl
þar. Fræðimennirnir af íslandi
dveljast þarna í 3 mánuði og
næstir koma þangað Þór Magn-
ússon, þjóðminjavörður og Páll
A, Pálsson, yfirdýralæknir.
VEGALAUSIR LANDAR
Nú eru 13 ár síðan embætti
sendiráðsprestsins í Kaup-
mannahöfn var stofnað og er
séra Jóhann Hlíðar þriðji prest-
urinn, sem því gegnir. Messa er
fyrir íslendinga mánaðarlega í
Sánkti Pálskirkju í Adelgade
og eftir messu er kaffi í Jóns-
húsi. Þá annast presturinn
hjónavígslur, skírnir og jarðar-
farir og aðstoðar sjúklinga eða
aðra íslendinga, sem eiga í
tímabundnum erfiðleikum í
Kaupmannahöfn. Er nokkuð
um það að presturinn þurfi að
sinna íslendingum, sem lent
hafa í fangelsi fyrir afbrot og
einnig er það ekki óalgengt, að
menn kaupi farmiða aðra leið
til Kaupmannahafnar í fylleríi
heima á íslandi, og standi svo
uppi slyppir og snauðir eftir
fáeina daga og vilji þá komast
heim aftur. Oft er leitað til
prestsins, þegar þannig stendur
á.
16
FV 12 1976