Frjáls verslun - 01.07.1989, Qupperneq 5

RITSTJÓRNARGREIN
VIÐ ÞURFUM FLEIRIÁLVER
Margt bendir nú til þess að samningar geti
tekist á næstunni um mikla stækkun álverksm-
iðjunnar í Straumsvík. Stóriðjunefnd hefur unn-
ið árum saman undir forystu Jóhannesar Nordals
að því að ná hagstæðum samningum við erlend
stóriðjufyrirtæki um stækkun álverksmiðjunn-
ar í Straumsvík eða byggingu nýrrar. Svo virðist
sem endanlegur frágangur samninga sé á næsta
leiti og að um sé að ræða stækkun álversins fyrir
um 25 milljarða króna. Að auki þyrfti þá að ráð-
ast í virkjunarfjárfestingar fyrir 8-10 milljarða
króna til viðbótar þeim virkjunum sem eru nú í
smíðum.
Þetta eru hinar bestu fréttir og er vonandi að
takast megi að ljúka samningum sem fyrst þann-
ig að unnt verði að hefjast handa um undirbúning
og framkvæmdir áður en langt um líður. Fregnir
herma einnig að erlend stóriðjufyrirtæki hafi
áhuga á frekari fjárfestingum hér á landi á næst-
unni. Rætt hefur verið um byggingu nýrra álvera
sem hugsanlega gætu risið á Grundartanga, við
Eyjafjörð eða á Austfjörðum. Svo virðist sem
aðstæður á heimsmarkaði séu okkur hagstæðar
um þessar mundir og er óskandi að þær leiði til
stórhuga fjárfestinga í stóriðju á Islandi.
Við þurfum á stóriðju og erlendum fjárfesting-
um að halda hér á landi og það sem allra fyrst.
Það er deifð og doði yfir öllu athafnalífi okkar um
þessar mundir, atvinnuleysi gerir vart við sig,
kaupmáttur fólks fer minnkandi, afkoma fyrir-
tækja er slæm og landinu er stjórnað af einhverri
slökustu ríkisstjórn allra tíma. Enda ríkir svart-
sýni meðal fólks. Það vantar vítamín inn í efna-
hagskerfið. Það vantar nýtt fjármagn og fjárfest-
ingar sem koma hjólum atvinnulífsins til að
snúast að nýju af krafti. Við getum ekki ætlast til
þess að sjávarútvegurinn leggi þjóðarbúinu
meira til en þegar er og ekki er að vænta aflvaka
sem munar um annars staðar en frá útlöndum.
Islendingar hafa verið feimnir við erlent fjár-
magn og stóriðju og þjóðin klofnaði í pólitískar
fylkingar vegna þessara mála á sínum tíma. Auð-
vitað verður að taka á þessum málum af fullri
skynseini og það verður af fara að öllu með gát.
En reynsla okkar af Alverinu í Straumsvík og
Járnblendifélaginu á Grundartanga er góð og við
eigum að halda ótrauð áfram á sömu braut.
Það vantar aflvaka til að auka íslendingum
bjartsýni og þrek. Með þeim verður kreppan rek-
in burtu úr þjóðarsálinni.
Stofnuð 1939
Sérrit um viðskipta-, efnahags- og atvinnumál
RITSTJÓRI OG ÁBYRGÐARMAÐUR: Helgi Magnússon — RITSTJÓRNARFULLTRÚI: Valþór Hlöðversson —
AUGLÝSINGASTJÓRAR: Sjöfn Sigurgeirsdóttir og Kristrín Eggertsdóttir — LJÓSMYNDARAR: Grúnur Bjamason, Gunnar
Gunnarsson, og Kristján Einarsson — UTGEFANDI: Frjálst framtak hf. — Tímaritið er gefið út í samvinnu við samtök í verslun og viðskiptum —
SKRIFSTOFA OG AFGREIÐSLA: Ármúli 18, sími 82300, Auglýsingasími 31661 — RITSTJÓRN: Bíldshöfði 18, sími 685380 —
STJÓRNARFORMAÐUR: Magnús Hreggviðsson — AÐALRITSTJÓRI: Steinar J. Lúðvíksson — FRAMKVÆMDASTJÓRI: Halldóra
Viktorsdóttir - ÁSKRIFTARVERÐ: 2.280 kr. (380 kr. á eintak) - LAUSASÖLUVERÐ: 429 kr. - SETNING, TÖLVUUMBROT,
PRENTUN OG BÓKBAND: Prentstofa G. Benediktssonar — LITGREININGAR: Prentmyndastofan lif.
Öll réttindi áskilin varðandi efni og myndir
5