Frjáls verslun - 01.07.1989, Page 21

Haraldur með þremur sona sinna.
Sturlaugsdóttir, á einnig sæti í stjóminni. „Oftar en ekki
hafa mikilvægir fundir verið haldnir í eldhúsinu hjá móður
okkar og hefur heimili hennar staðið opið fyrir gesti fyrir-
tækisins,“ sagði Haraldur. Dóttursonur Haraldar Böðvar-
ssonar á 25% í fyrirtækinu en hann rekur fasteignasölu á
Akranesi.
Haraldur sagðist halda að aldrei hafi neitt annað komið
til greina en að Sturlaugur faðir hans hæfi störf hjá fyrir-
tækinu við hlið föður síns. „Afi og pabbi áttu sitt hvorn
helminginn í fyrirtækinu og unnu saman í um 30 ár eða þar
til að afi lést árið 1967. Faðir minn var ekki lengi einn í
fyritækinu eftir að afi dó því ég hóf störf við hlið hans árið
1970, þá aðeins tvítugur að aldri. Við unnum mjög náið
saman og deildum sama skrifstofuherberginu en það var
mér ómetanlegur lærdómur.
ÆTLAÐIALLTAF í FYRIRTÆKIÐ
Það má eiginlega segja að ég hafi hafið störf hjá fyrir-
tækinu eilítið fyrr en ég ætlaði mér. Ég var í verslunar-
skóla í Englandi og hafði hugsað mér að dvelja þar í nokkur
ár en Haraldur afi lagði hart að mér að koma heim og vildi
að ég hæfi nám við Samvinnuskólann að Bifröst. Ég held
að hann hafi óttast að ég myndi ekki snúa heim aftur ef ég
flengdist í Englandi. Ég fór að ráðum afa míns og sé ekki
eftir því. Hins vegar var það alltaf ljóst í mínum huga hvert
ég stefndi. Ég ætlaði mér alltaf að starfa hjá Haraldi Böðv-
arssyni og Co. Frá því að ég man eftir mér hefur hugurinn
verið bundinn við útgerðina og ég var þeirri stundu fegn-
astur er ég komst úr skóla og gat farið að einbeita mér að
útgerðinni.
Faðir minn dó aðeins sex árum eftir að ég hóf störf hjá
fyrirtækinu og því var það mjög dýrmætt fyrir mig að hafa
starfað við hlið hans í nokkur ár. Það var eindreginn vilji
allra í fjölskyldunni að fyrirtækið héldi áfram að dafna og að
það héldist innan fjölskyldunnar þrátt fyrir brotthvarf afa
og föður míns.
Það var mikið átak fyrir mig að standa einn uppi með alla
ábyrgð á fyrirtækinu aðeins 26 ára gamall. Auðvitað var ég
innst inni hræddur um að fara með allt til fjandans. En það
var annað hvort að duga eða drepast og með stuðningi
frábærs samstarfsfólks tókst mér að halda í horfinu. Árið
1978 hófst síðan markviss uppbygging hjá fyrirtækinu sem
nú er búin í bili, en þegar hún stóð sem hæst komu bræður
21