Frjáls verslun - 01.07.1989, Side 15

við færum út í athuganir á því,“ sagði Árni Vilhjálmsson
prófessor í Viðskipta- og hagfræðideild Háskóla íslands í
samtali við Frjálsa verslun.
ÍSLENDINGUM GENGURILLA AÐ VINNA SAMAN
„Hugsanlega er það eitthvað í eðli okkar íslendinga sem
gerir það að verkum að okkur gengur fremur illa að vinna
saman en samkvæmt minni reynslu höfum við átt frekar
erfitt með samstarf og samvinnu. Ég er sannfærður um að
okkur hefði orðið betur ágengt í atvinnulífinu hér á landi
hefði okkur almennt gengið betur að vinna með öðrum.
Atvinnurekstur í Japan er mikið til í höndum stórfyrirtækja
enda eru þeir orðlagðir fyrir að geta unnið vel saman.
Smáar einingar og smáfyrirtæki eru ríkur þáttur í íslensku
þjóðfélagi. Ein af skýringunum á því er auðvitað sú að við
byggjum alla útkjálka og annes þar sem halda þarf uppi
atvinnulífi og þjónustu við íbúa. Það er því allt morandi í
litlum smáfyrirtækjum um land allt. Mörg þeirra eru fjöl-
skyldufyrirtæki enda má kannski segja að fjölskylduformið
sé ákjósanlegt þegar um smáatvinnurekstur er að ræða,“
sagði Ámi.
FRÁ FJÖLSKYLDUFORMINU
Árni sagði að ef litið væri til stærri fyrirtækja hér á landi
eða þeirra sem væru meira áberandi í viðskiptum mætti
sjá hægfara þróun í átt frá fjölskylduforminu. Fjölskyldu-
fyrirtækin væru í auknum mæli að opna sig og leggja af
þær hömlur sem lagðar hafa verið á eigendur eða hluthafa
vegna ýmissa ástæðna. „Hitt er þó ljóst að sum fjölskyldu-
fyrirtæki á Islandi í dag em mjög stór í sniðum og mörg
hver í hópi hinna allra stærstu," sagði Árni.
En áður en lengra er haldið er ekki úr vegi að gera sér
grein fyrir því hvað hér er átt við með hugtakinu fjöl-
skyldufyrirtæki. Hugtakið er vissulega hægt að skilgreina
á ýmsa vegu en hér er átt við fyrirtæki þar sem eignaraðild
og rekstur gengur í ættir eða þar sem um samstarf fjöl-
15