Frjáls verslun - 01.03.1991, Qupperneq 33

Ögmundur Einarsson, til vinstri, ásamt Ásmundi Reykdal stöðvarstjóra: „Fyrirtækin
verða að leita leiða til að iækka flutningskostnað á sorpi, m.a.með því að nota
pressugáma og bæta skipulag flutninganna.“
einstæð í sinni röð. „Við fórum víða til
að kynna okkur stöðvar af þessu tagi
og öfluðum okkur fróðleiks sem hefur
verið hafður að leiðarljósi við tækni-
lega útfærslu stöðvarinnar í Gufu-
nesi. Stöðin er 5600 fermetrar að
stærð eða um þriðjungur af stærð
Flugstöðvarinnar í Keflavík. Fyrir ut-
an sjálft stöðvarhúsið er svo verið að
leggja síðustu hönd á 150 fermetra
sérhannaða byggingu, en þar verður
tekið á móti spilliefnum, þau flokkuð
og innpökkuð til flutnings í brennslu
erlendis," sagði Ögmundur í samtali
við Frjálsa verslun.
Ögmundur lagði mikla áherslu á að
allt umhverfi flokkunarstöðvarinnar í
Gufunesi yrði til mikillar fyrirmyndar.
„Við gerum okkur grein fyrir því að
einmitt á svona stað þarf að búa þann-
ig um hnútana að umhverfisspjöll
verði lítil og að fyllstu snyrtimennsku
sé gætt. Umhverfis stöðvarhúsið
verður plantað þúsundum trjáp-
lantna, allt frárennslisvatn vegna þrifa
mun fara í gegnum þrefalt hreinsikerfi
og sama gildir um þann vökva sem
verður pressaður úr sorpinu.“
EINFÖLD FLOKKUN
í grófum dráttum má skipta ferlinu í
sorpflokkunarstöðinni í þrjá megin-
þætti. Annars vegar er um að ræða
meðhöndlun á óflokkuðu sorpi, þ.e.
því sem hent er í venjulegar rusla-
tunnur. Hins vegar kemur sorp til
stöðvarinnar sem fer í flokkun eftir
því hvort hægt er að endurvinna það
eða koma til losunar annars staðar en
á urðunarstaðnum á Álfsnesi. — Lít-
um nánar á.
í fyrsta lagi munu sorpbílar með
óflokkuðu sorpi sturta því í sérstök
síló þar sem það verður tætt niður og
pressað í vírbundna 700-800 kg.
bagga. Rúmmál úrgangsins verður
aðeins um 10% af upphaflegu rúmmáli
eftir þessa meðhöndlun. Baggarnir
verða gerðir með sérstökum vélbún-
aði og kemur mannshöndin hvergi
nærri. Að meðaltali munu baggarnir
staldra við í 2 tíma áður en þeim er
ekið á urðunarstað á Álfsnesi.
í öðru lagi verður um að ræða
óflokkað sorp úr gámum, t.d. frá
fyrirtækjum. Það verður grófflokkað
með sérstökum vélbúnaði í nokkra
meginflokka og fara t.d. málmar í
endurvinnslu til Stálfélagsins, múr-
brotum og steypuafgöngum verður
ekið í landfyllingar, vökvar af ýmsu
tagi fara í spilliefnahús, tréhúsgögn í
kurlunarvél o.s.frv.
í þriðja lagi verður svo tekið á móti
öllum timburafgöngum í flokkunar-
stöðinni, en talið er að til falli árlega
15-20 þúsund tonn af þeim úrgangi.
Samið hefur verið við Jámblendi-
verksmiðjuna á Grundartanga um að
taka við kurluðum við frá Sorpu og má
búast við að um 70% þess, sem til
fellur, nýtist þar sem kolefnisgjafi.
Sannarlega stórt skref til spamaðar á
innfluttu hráefni og um leið veigamik-
ið spor til eflingar endurvinnslu í land-
inu.
Loks skal svo nefnt spilliefnahúsið,
en þar verður tekið á móti efnum sem
ekki má urða né losa í sjó samkvæmt
nýrri mengunarreglugerð. Sér Sorpa
um eyðingu þessa úrgangs á öruggan
hátt. Sérstök kynning á helstu teg-
undum spilliefna er í undirbúningi. Al-
menningur mun geta komið þeim til
gámastöðva úti í hverfunum en hvað
fyrirtækin áhrærir er ætlunin að
Sorpa skipuleggi sérstaka söfnun
spilliefna sem þar falla til.
Einnig mun sorpflokkunarstöðin í
Gufunesi taka á móti trúnaðarskjölum
til eyðingar svo og holræsaúrgangi
sem fer til sérstakrar hreinsunar í þar
til gerðum búnaði.
VÍÐA HÆGT AD SPARA
Nú er ljóst að með tilkomu Sorpu
mun gert stórátak í þágu umhverfis-
verndar. En það kostar peninga.
Meginkostnaðurinn, sem af þessu
leiðir, mun falla á sveitarfélögin sem
eiga fyrirtækið en einnig á fyrirtæki
svæðisins, sem þurfa eftirleiðis að
greiða fyrir losun samkvæmt sér-
stakri gjaldskrá.
Samkvæmt nýrri gjaldskrá kostar
12.684 kr að losa farm af heimilissorpi
af meðalstórum sorpbíl. Sveitarfélög-
in greiða þann kostnað og innheimta
hann svo af íbúunum, annaðhvort í
almennum gjöldum þeirra eða með
álagningu sérstaks sorpgjalds.
Sérstök gjaldskrá er fyrir óflokkað-
an iðnaðar- og framleiðsluúrgang. Til
að losa slíka farma í stöðinni þarf að
greiða frá 11-30 þúsund krónur eftir
þunga farmsins. Loks er svo mun
lægri gjaldskrá fyrir flokkaðan iðnað-
arúrgang og endurvinnanleg eða selj-