Frjáls verslun - 01.03.1991, Side 36

UMHVERFISMAL
STAÐREYNDIR UM SORPU
• Fyrirtækið byrjar móttöku úrgangsefna 26. aprfl 1991.
• Sorpflokkunarstöð þessi er risin í Gufunesi. Þangað fer allt
heimilissorp svo og rusl frá atvinnufyrirtækjum. Sorpið er
bundið í bagga og þeir urðaðir á Álfsnesi í Kjalarneshreppi.
• Fyrirtækið mun starfrækja átta gámastaði um allt höfuð-
borgarsvæðið. Almenningur fer þangað með ruslið úr bfl-
skúrnum eða geymslunni. Einnig er þar tekið við spilliefn-
um, t.d. lyfjaafgöngum, málningardósum, rafhlöðum o.fl.
• Allt sorp til stöðvarinnar í Gufunesi er vegið og móttökugj-
ald innheimt eftir þyngds farmsins. Það kostar minna að
losa sig við flokkað sorp!
• Sérstök spilliefnastöð mun starfrækt. Slíkum efnum verð-
ur safnað í fyrirtækjunum. Almenningur kemur með þau til
gámastaðanna. Spilliefnastöðin flytur efnin til eyðingar
erlendis.
• Um þriðjungur af öllu sorpi á höfuðborgarsvæðinu mun
fara til endurvinnslu. Sennilega mun það hlutfall fara
hækkandi á næstu árum.
• Stofnkostnaður við Sorpu er um 600 milljónir króna. Áætl-
aður reksturskostnaður nemur um 325 milljónum og söfn-
unarkostnaður sorps á öllu höfuðborgarsvæðinu 300-400
milljónum króna á ári.
• Starfsmenn fyrirtækisins í Gufunesi og á gámastöðunum
verða um 30 talsins en að auki munu nokkrir verktakar
starfa á þess vegum.
• Sorpa er í eigu átta sveitarfélaga á höfuðborgarsvæðinu er
spanna alltfrá Hafnarfirði til Kjalarness. Fyrirtækið þjónar
145 þúsund manns eða 57% þjóðarinnar.
• Framkvæmdastjóri Sorpu heitir Ögmundur Einarsson og
stöðvarstjórinn Ásmundur Reykdal. Skrifstofur fyrirtækis-
ins eru í Gufunesi og síminn er 91-676677.
• Markmið Sorpu eru: Hreint land — betra land!
ÁTTA GÁMASTAÐIR
Með starfsemi böggunarstöðvar
Sorpu í Gufunesi er þó ekki allt upp
talið. Nú er verið að hefja fram-
kvæmdir við átta gámastaði fyrirtæk-
isins víðs vegar um höfuðborgar-
svæðið. Sveitarfélögin hafa rekið
nokkra gámastaði en frá og með yfir-
töku Sorpu á þessum þætti, verður
hann efldur verulega. Stöðvarnar
verða afgirtar og opnar 12 tíma á dag.
Leiðbeinandi varsla verður á stöðun-
um og sundurgreining úrgangs aukin
frá því sem nú er.
Gámastaðirnir verða átta talsins
eins og áður sagði og staðsettir við 1)
Gylfaflöt, austan gömlu sorphaug-
anna í Gufunesi, 2) nærri hesthúsa-
byggð í Mosfellsbæ, 3) á Ártúns-
höfða, við Sævarhöfða, 4) í Selja-
hverfi, sunnan Breiðholtsbrautar, 5)
við Ánanaust, nálægt gatnamótum
Grandagarðs og Mýrarvegar, 6) við
Sléttuveg vestan Borgarspítala, 7)
við Dalveg í Kópavogi og 8) í Moldu-
hrauni, á mótum Garðabæjar og
Hafnarfjarðar.
Þeir, sem koma með sorp á gáma-
staðina, munu ekki þurfa að greiða
neitt fyrir losunina. Staðirnir eru
einkum ætlaðir almenningi og eftir-
leiðis mun ekki tekið á móti rusli af
háaloftinu eða úr bflskúrnum í Gufu-
nesi nema viðkomandi greiði fyrir
talsvert fé. Með sérstakri gjaldskrá
er almenningi beint frá flokkunarstöð-
inni í Gufunesi til gámastaðanna úti í
byggðinni.
Á gámastöðunum verður um að
ræða flokkun á tilfallandi sorpi í sex
flokka. Þannig verða aðgreindir gám-
ar fyrir timbur, málma, garðaúrgang,
steinefni og pappa. Loks verða gámar
fyrir það rusl sem ekki er hægt að
flokka í þessa þætti. Einnig verður
tekið á móti innpökkuðum dagblöðum
og öðrum prentmálspappír frá íbúun-
um.
Umhverfi gámastöðvanna verður
til fyrirmyndar svo og daglegur rekst-
ur þeirra. Þeir verða í eða við íbúðar-
hverfi og því lögð áhersla á snyrti-
mennsku. Um leið verða þeir mikil-
væg þjónusta við íbúa svæðisins.
Þess má geta að sveitárfélögin munu
hér eftir sem hingað til reka móttök-
ustaði fyrir jarðvegsúrgang o.fl.
36