Frjáls verslun - 01.03.1991, Blaðsíða 39

TÆKNINNIFLEYGIR FRAM
LITIÐ Á HELSTU NÝJUNGAR OG MÖGULEIKA ÝMISSA SKRIFSTOFUTÆKIA SEM
SELD ERU HÉR Á LANDI
Það er ekki svo langt síðan bréfaskriftir voru eina leiðin til tjá-
skipta manna á milli væru þeir staddir hver í sínu landinu. Aðeins
85 ár eru liðin síðan ritsíminn kom hingað til lands sem var bylting í
fjarskiptum. Fyrir þann tíma voru handskrifuð bréf erlendis frá
send með skipum sem komu ekki til landsins nema endrum og
sinnum. Ef fá þurfti vörur erlendis frá var eins gott að gera ráðstaf-
anir til að panta þær með margra mánaða fyrirvara. Núna tekur það
fullkomnustu myndrita (telefaxtæki) 7 sekúndur að senda fullskrif-
að A4 blað á milli landa.
Undir heitið „skrifstofutæki" flokk-
ast m.a. ritvélar, reiknivélar, ljósrit-
unarvélar, myndritar, boðkerfi, síma-
kerfi og tölvur. Á örfáum árum hafa
öll þessi tæki þróast í þá átt að vera
orðin fullkomnari, einfaldari í notkun,
fyrirferðarminni og hljóðlátari en um
leið ódýrari.
Til gamans má geta þess að það eru
aðeins tíu ár frá því fyrsti myndritinn
var fluttur hingað til lands. Þetta var
fyrirferðarmikið tæki og kostaði þá
tvær milljónir sem væri nú um tutt-
ugu milljónir. í dag kostar myndriti,
sem er enn fullkomnari og mun fyrir-
ferðarminni, 70.000-100.000 krónur.
TEXTI: SÓLVEIG BALDURSDÓTTIR MYNDIR: KRISTJÁN EINARSSON 0G GRÍMUR BJARNAS0N
Það er því á færi smærri sem stærri
fyrirtækja að taka þátt í kapphlaupinu.
Það er líka svo komið að fyrirtæki eru
ekki samkeppnisfær nema tileinka
sér það nýjasta í skrifstofutækjum því
hraði í viðskiptum er það sem gildir.
Tækninni fleygir svo ört fram að
það er varla fyrir venjulegt fólk að
fylgjast með þeim ósköpum. Á síðum
Frjálsrar verslunar gefst lesendum
nú kostur á að kynna sér helstu nýj-
ungar og möguleika ýmissa skrif-
stofutækja sem seld eru hér á landi.
Tölvum verða þó gerð skil síðar þar
sem þær eru, einar og sér, efni í heila
grein.
39