Frjáls verslun - 01.03.1991, Qupperneq 49

Nýja 6 strokka línuvélin (B 6304 F) er með tvo ofanáliggjandi kambása, 4
ventla á hverjum strokki, kveikju- og háspennuþráðalaust neistakerfi og
beina innspýtingu. Blokk og hedd eru úr álblöndu en strokkshlífar úr stáli.
Þessi 3ja lítra vél gefur 204 hestöfl við 6000 sn/mín. Tæknilega mun lítið
vera því til fyrirstöðu að auka afl vélarinnar í 275-300 hestöfl.
eftir því hve mikið ytri frágangur
Voivo bfla hefur breyst. Með hnitmið-
aðri nákvæmni hefur smáatriðum
verið breytt og hagrætt þannig að bfl-
arnir bera með sér sérstaka ímynd
gæða og glæsileika. Hápunkt þessara
vinnubragða má glöggt sjá í 960. Þótt
bfllinn sé látlaus í útliti er yfir honum
þetta sérkennilega yfirbragð glæsi-
leika sem næst með þrotlausu nostri
við fagurfræðileg smáatriði - hand-
bragð sem oft hefur þótt einkenna
Jaguar öðrum bflurn fremur. Sá, sem
á Volvo 960, getur því gengið út frá
því sem vísu að honum fylgi sú ímynd
sem 4 milljóna króna bfll getur skap-
að.
SIGURVERKIÐ
Samspil vélar og sjálfskiptingar í
Volvo 960 markar, að dómi undirrit-
aðs, kaflaskipti í hönnun evrópskra
bfla. í fyrsta skipti er evrópskur bfll
boðinn með sjálfskiptingu sem tekur
beinskiptum gírkassa fram á öllum
sviðum - jafnvel þótt vél sé með púst-
þjöppu. Það kemur því ekki á óvart að
Volvo 960 er ekki fáanlegur með
beinskiptum kassa. Samspil nýju
Volvo vélarinnar og tölvustýrðu sjálf-
skiptingarinnar er sigurverk sem á
sér fáar hliðstæður og mun þó eiga
eftir að fínslípa enn frekar.
Vélin er hönnuð hjá Volvo og fram-
leidd í sérstakri vélaverksmiðju fyrir-
tækisins í Skövde. Vélin ber sænskri
tækniþekkingu og tæknigetu verðugt
vitni og er, að dómi sérfræðinga,
sambærileg ef ekki fullkomnari en
þær 6 strokka línuvélar sem nú þykja
fremstar hjá bæði BMW og
Mercedes-Benz.
Þessi vél er að langmestu leyti úr
áli. Bygging vélarinnar er frábrugðin
því sem algengast er um þessar
mundir. Þrátt fyrir 6 strokka í línu er
hún stutt og fremur lág. Slagrýmið er
2,922 lítrar, hestöflin eru flest 204 við
6000 snúninga en hámarkstogið, og
það skiptir mestu máli, er hvorki
meira né minna en 267 Nm við 4300
snúninga. Þetta þýðir að krafturinn í
vélinni er talsvert meiri en hestaflata-
lan segir til um. Vegna þess hve togið
er mikið á lágum snúningshraða er
viðbragð bflsins, t.d. við botngjöf á 40
km hraða, lyginni líkast.
Samræmt vélstýrikerfi (Motronic
frá Bosch) og ný útfærsla á neista-
kerfi, m.a. engin kveikja og engir há-
spennuþræðir, eiga stóran þátt í ótrú-
legri sparneytni þessarar vélar. A
langkeyrslu undirritaðs í Svíþjóð
eyddi bfllinn, þrátt fyrir þjösnalegan
akstur á köflum, innan við 10 lítrum á
hundraðið. Eftir að hafa ekið þessum
efnismikla, kraftmikla og stóra bfl,
m.a. á yfir 200 km hraða á sérstakri
prófunarbraut Volvo í Hállered, finnst
undirrituðum sparneytni þessa öfluga
bfls sérstaklega merkileg. Hjá Volvo
fullyrða menn að forstjórar taki
sparneytnari bflinn framyfir, standi
valið um tvo bfla í sama verðflokki, og
það hafi með ímynd að gera - fólk sé í
vaxandi mæli farið að sýna umhverfis-
málum áhuga og orkusparnaður sé of-
arlega á blaði í því samhengi.
Nýja 6 strokka vélin frá Volvo er
sk. „græn vél“. Hún getur notað
blýlaust bensín jafnvel þótt oktantalan
sé einungis 91 og hún er búin forhituð-
um hvarfa (katalysator) sem hreinsar
afgasið.
Nýja tölvustýrða sjálfskiptingin er
mikil völundarsmíð. Hún er með 3
aðskilin prógrömm sem bflstjórinn
getur valið um með hnöppum: E
(Economy) er prógram sem notað er í
öllum venjulegum akstri, skipting á
milli gíra er mjúk og sjálfvirk læsing á
milli sveifaráss vélar og driföxuls í
skiptingu er notuð hvenær sem henni
verður við komið. I þessu prógrammi
hagar bfllinn sér eins og ætla má af
venjulegum sjálfskiptum bfl. S (Spor-
ty) er prógramm sem virðist vera
sérstaklega hannað fyrir hinn dæmi-
gerða sænska bflstjóra - og þá fyrst
og fremst til þess að sannfæra hann
um að sjálfskiptingin sé búinn að út-
rýma beinskipta kassanum í lúxusbfl-
um. Hvort það tekst er svo annað mál
en takist það ekki er ekki við sjálf-
skiptinguna að sakast - frekar lífseig-
um fordómum. Sé skiptingin stillt á S
bregst hún þannig við breytingu á inn-
gjöf að segja má að hægt sé að skipta
á milli gíra, upp eða niður, með hægri
fætinum.
I síðasta lagi er svo prógrammið W
(Winter) sem sænskir gárungar segja
standa fyrir „Women“. í þessari still-
ingu tekur sjálfskiptingin við stjórn
inngjafarinnar. Það skiptir engu hve
mikið er gefið inn því skiptingin
skammtar afl til hjólanna og kemur
þannig í veg fyrir að hjólin missi vegg-
rip. Sjálfvirk mismunardrifslæsing
hjálpar einnig til. Þessi búnaður virk-
ar þannig að á góðum negldum snjó-
dekkjum á að vera hægt að koma bfln-
um af stað í brattri brekku þrátt fyrir
flughálku. Eftir að hafa prófað bflinn
49