Frjáls verslun - 01.03.1991, Qupperneq 54

IMYND
að allir starfsmennirnir taki þátt í því
átaki. Forsvarsmenn fyrirtækja eru
nefnilega farnir að gera sér grein fyrir
því að klæðnaður starfsfólksins skipt-
ir oft jafn miklu máli fyrir ímynd fyrir-
tækisins og innréttingar skrifstof-
anna. Það þarf að vera heildarsvipur
yfir því sem viðskiptavinurinn sér
þegar hann kemur inn í fyrirtækið. Ég
hef t.d. unnið töluvert með starfsfólki
íslandsbanka en forsvarsmenn bank-
ans fengu ungan fatahönnuð, Guð-
rúnu Hrund Sigurðardóttur, til að
hanna einkennisklæðnað á starfs-
menninna. í því tilfelli var hönnuð
fleiri en ein tegund af klæðnaði, þ.e.
dragtir, skokkar, kjólar, samfesting-
ar, jakkaföt og blússur og skyrtur í
ýmsum útgáfum og unnið var út frá
merki fyrirtækisins, þ.e. bláu, grænu
og gulu. Það er einmitt svo mikilvægt
að gera ráð fyrir að sama sniðið klæð-
ir ekki alla því fólk er svo mismunandi
í vextinum. Það er samt hægt að hafa
heildarsvip á einkennisklæðnaðinum
eins og hefur tekist í tilfelli íslands-
banka. Mitt hlutverk er að ráðleggja
fólki hvaða snið fari því best og hvaða
fylgihlutir passi með.“
SAMRÆMDIR LITIR
Ásbjörn Björnsson í fataverksmiðj-
unni Fasa er sammála Önnu um að
fatnaður starfsfólks þurfi að vera í
samræmi við heildarímynd fyrirtæk-
isins. Fasa hefur starfað í sjö ár og
segir Ásbjörn að hlutverk þeirra hafi
breyst töluvert frá upphafi og séu þeir
nú með eigin saumastofu og 25 manns
í vinnu. „Við höfum sérhæft okkur í
einkennisklæðnaði og starfsmanna-
búningum en tökum líka að okkur að
sauma fyrir einstaklinga," segir Ás-
björn. „Við saumum mikið fyrir
banka, hótel, ferðaskrifstofur, Póst
og síma, Flugleiðir o.fl. Yfirleitt eru
verkefnin unnin þannig að við erum
fengin til að koma á vinnustaðina og
hitta fólkið sem við eigum að sauma á í
því umhverfi sem það vinnur í. Síðan
fæðast hugmyndirnar í samráði við
fulltrúa frá starfsfólkinu. Tekið er tillit
til lita á innréttingum, lita í merkjum
fyrirtækjanna o.s.frv. Það er orðin
algeng sjón að sjá sömu liti í innrétt-
ingum, fatnaði starfsfólksins, möpp-
um, sem unnið er með, og litum á
veggjum. Allt þetta miðar að því að
gera ímynd fyrirtækisins sem nútíma-
legasta og sem mest traustvekjandi.
Annar kostur við samræmdan klæðn-
að starfsmanna á stórum vinnustöð-
um er án efa sá að hann kemur í veg
fyrir meting í klæðaburði meðal
starfsfólks. Aðstæður eru svo mis-
munandi hjá hverjum og einum. Sum-
ir geta leyft sér að mæta í nýjum föt-
um nánast daglega sem skapar leiðin-
legan anda ef samstarfsmanneskjan
getur það alls ekki,“ segir Ásbjörn að
lokum.

I f'*'i

kótel
SELFOSS
Eyrarvegi 2, sími 98-22500
Leigjum út, allt
að 400 manna
sali fyrir
ráðstefnur,
fundi og
árshátíðir.
Aðstaðan er
fyrsta flokks og
við leggjum
metnað okkar í
góðan mat og
lipra þjónustu.
54