Frjáls verslun - 01.08.1995, Page 44

Hlutabréfavísitala VÍB. „Dalurinn djúpi“ var 14. janúar 1994. Þá náði hlutabréfavísitalan lágmarki eftir stöðuga
lækkun frá um miðju ári 1991.
Hlutabréfamarkaðurinn:
HAMPIÐJUBRÉFIN HÆKKA
MEST FRÁ „DALNUM DJÚPA“
Hlutabréf í Hamþiðjunni hafa hækkað mest í verði á
hlutabréfamarkaði frá því hlutabréfavísitala VÍB náði lágmarki
14. janúar 1994. Hækkunin nálgast þreföldun
Hjárfesting í hlutabréfum er af
flestum talin vera langtíma-
fjárfesting. Oft er það þó svo
að fjárfestar kaupa og selja hlutabréf
með skammtímasjónarmið í huga.
Þeir reyna að kaupa hlutabréf þegar
verðið er lægst og selja þegar það er í
hámarki. Slík kaupmennska hefur
gjaman verið nefnd spákaup-
mennska.
íslenski hlutabréfamarkaðurinn er
ungur að ámm og sveiflur á honum
spanna ekki yfir langt tímabil. Fyrsta
hlutabréfavísitalan, sem birt var á ís-
landi, var hlutabréfavísitala VÍB.
Byrjað var að skrá hana reglulega í
byrjun ársins 1987. Þess vegna er
stuðst við hana hér í þessari grein.
Þegar VÍB-hlutabréfavísitalan er
skoðuð sést að hún hækkaði samfellt
fyrstu árin, eða allt fram á seinni hluta
ársins 1991. Þá kom vendipunktur,
hún byrjaði að lækka. Hún lækkaði
síðan nær stöðugt fram í janúar 1994.
Að vísu kom kippur upp um miðjan
desember 1993 en hann fjaraði tiltölu-
lega fljótt út. Vísitalan náði lágmarki
hinn 14. janúar 1994. Þann dag var
„dalur“ vísitölunnar lægstur. Síðan
hefur leiðin legið til „fjalla", upp á við.
Og hlutabréfavísitalan er enn að
hækka.
Miðað við þá hugsun spákaup-
manna að kaupa hlutabréf þegar verð-
ið er í lágmarki og selja aftur þegar
verðið er í hámarki er fróðlegt að
skoða hækkun hlutabréfa í fyrirtækj-
um á íslenska hlutabréfamarkaðnum
frá því hlutabréfavísitala VÍB náði lág-
44