Frjáls verslun - 01.03.1997, Blaðsíða 6

RITSTJORNARGREIN
LEIKSVIÐIÐ ER LEIÐTOGANS!
Þótt Verkamannaflokkurinn hafi sigrad í nýafstöðnum
kosningum í Bretlandi var frekar um sigur sterks leið-
toga að ræða en flokks. Vissulega voru Bretar orðnir
þreyttir á átján ára valdasetu íhaldsflokksins en þeir
skiptu fyrst og fremst um foringja vegna þess að þeim
leist betur á Blair en Major. Þeir tóku sterkan leiðtoga
fram yfir málefni - þ.e. ágætan árangur Majors í efna-
hagsmálum. Major var einfaldlega of lit-
laus. Slíkt var yfirburðafylgi Tony Blairs
þegar kosningaslagurinn hófst að hann
gætti þess eingöngu að tala ekki af sér í
baráttunni. Hann lagði þess vegna
áherslu á að hann væri leiðtogi nýs
Verkamannaflokks sem ætlaði ekki að
kúvenda stefnu íhaldsflokksins - og snúa
klukkunni við - heldur gera gott betra.
Með sigri Tony Blairs og hins nýja Verka-
mannaflokks hefur endanlega verið
gengið frá hugtökunum vinstri og hægri í
stjórnmálum!!
Bilið milli flestra stórflokka um allan heim er að
minnka. Flestir flokkar leggja áherslu á svipaða hluti.
Þeir vilja draga úr ríkisafskiptum og efla einkageirann.
Sífellt fleiri eru að átta sig á að aukin atvinna liggur í
gegnum umsvif fyrirtækja - og að arðsemi þeirra er
forsenda aukinna umsvifa. Fyrirtæki sem tapa segja
frekar upp fólki en þau sem hagnast. Þess vegna snúast
kosningar núna fyrst og fremst um sterka leiðtoga
fremur en málefni - þau eru orðin það keimlík hjá flest-
um flokkum. Sigurvegarar kosninga eru núna þeir sem
hafa fallegustu framkomuna, flytja bestu ræðuna og
eru mest heillandi - æ minna máli skiptir hvar í flokki
þeir standa. Stjómmál eru núna leiksvið leiðtogans!!
Þótt Tony Blair eigi algerlega eftir að sanna sig í
embætti eru miklar líkur á að hann sitji sem forsætis-
ráðherra næstu tvö kjörtímabilin, næstu tíu árin. Slík-
an byr fékk hann í kosningunum. Hann þarf beinlínis að
klúðra málum eftirminnilega til að undan honum fjari.
Eða þá að íhaldsflokkurinn eignist foringja að hætti
Thatchers. Vert er að minna á að með minnkandi ríkis-
afskiptmn dregur úr völdum og áhrifum stjómmálafor-
ingja. Af því leiðir að kjósendur beina kastljósi sínu
meira að hæfileikum þeirra sem leiðtoga en ella.
Hér á landi hafa hugmyndir manna um
sameiginlegt framboð „vinstri flokk-
anna“ gegn Sjálfstæðisflokknum magn-
ast eftir sigur Tony Blairs. Hins vegar er
hæpið að ætla að Framsóknarflokkur fari
í bandalag með Alþýðuflokki og Alþýðu-
bandalagi gegn Sjálfstæðisflokknum
nema þá aðeins að metnaður Halldórs Ás-
grímssonar standi til þess að verða for-
sætisráðherra í slíku bandalagi. Hitt er
líklegra að þessi ríkisstjóm Davíðs Odds-
sonar sitji áfram til ársins 2003. Rökin
em ekki síst þau að Davíð er, líkt og Tony
Blair, hinn sterki leiðtogi. Það er orðinn tiltölulega
lítill munur á málefnum D-, B- og jafnvel G-lista í
stjómmálum. Að minnsta kosti er sá munur alltaf að
minnka. Það er einna helst að A-listi skeri sig úr í
málefnum Hins vegar er nokkur munur á leiðtogum
þessara flokka. Davíð er ennþá sá karlinn í brúnni sem
fiskar mest - hvað sem síðar verður.
Minnisstætt er þegar Davíð Oddsson stýrði Sjálf-
stæðisflokknum í kosningum árið 1991. Þá var það spá
flestra að hann hefði ekkert að gera í foringja hinna
flokkanna, eins og Steingrím Hermannsson, Jón Bald-
vin Hannibalsson og Ólaf Ragnar Grímsson. Núna em
Steingrímur og Ólafur Ragnar hættir í pólitík og Jón
Baldvin að kveðja hana. Það er breytt leiksvið.
Jón G. Hauksson
Stofnuð 1939
Sérrit um viðskipta-, efnahags- og atvinnumál — 58. árgangur
RITSTJÓRI OG ÁBYRGÐARMAÐUR: Jón G. Hauksson — AUGLÝSINGASTJÓRI: Sjöfn Sigurgeirsdóttir —
BLAÐAMAÐUR: PáU Ásgeir Ásgeirsson - LJÓSMYNDARI: Geir Ólafsson - ÚTGEFANDI: Talnakönnun hf. - SKRIFSTOFA OG
AFGREIÐSLA: Borgartún 23,105 Reykjavík, sími 561-7575, fax 561-8646 — RITSTJÓRN: Sími 561-7575. — AUGLÝSINGAR: Sími 561-7575
ÁSKRIFTARVERÐ: 2.895 kr. fyrir 1.-5. tbl. -10% lægra áskriftarverð ef greitt er með kreditkorti. LAUSASÖLUVERÐ: 699 kr.
DREIFING í bókaverslanir og sölutuma á Stór-Reykjavíkursvæðinu annast fyrirtækið Sala og dreifing, sími GSM 89-23334.
UMBROT: Ágústa Ragnarsdóttir - FILMUVINNA, PRENTUN OG BÓKBAND: Prentsmiðjan Grafik hf. - LITGREININGAR:
Prentmyndastofan hf. — ÖU réttindi áskilin varðandi efni og myndir.
6