Frjáls verslun - 01.03.1997, Blaðsíða 30

ALLIR ÞEKKISETT MARKMIÐ
„Það er náttúrlega grundvallaratriði í stjórnun að allir hafi skilning á markmiðinu og
að fólkið, sem á að sjá um framkvæmd verksins, sé með á nótunum - og sé sátt.“
Maríanna mcð tveimur starfsfélögum sínum hjá TV-Danmark - Kanal 2.
Maríanna. „Stöðin er rekin sem fyrir-
tæki sem skila á góðum hagnaði.“
Með tilkomu TV-Danmark getur
meirihluti Dana nú valið á milli flög-
urra sjónvarpsstöða: Danska ríkissjón-
varpsins (sem rekur tvær rásir),TV 2,
TV 3 og svo TV-Danmark. Auk þess-
ara fjögurra eru nokkrar litlar stöðvar.
Landshlutastöðvarnar sjö, sem standa
að TV-Danmark, samsenda, eins og
kallað er, þannig að dreifingin fer í
gegnum gervihnött á milli stöðvanna.
Lagabreyting, sem gerð var í Dan-
mörku á síðasta ári, opnaði fyrir þenn-
an möguleika sem á ensku kallast
„networking”. Það er Kanal 2, stöð
Maríönnu, sem sendir út efiiið á net-
inu til hinna stöðvanna og sér um sam-
sendinguna.
HREIN BYLTING Á NÆSTUNNI
í SJÓNVARPSVINNSLU
Maríanna segir það sjaldan hafa
verið jafii spennandi að vinna við sjón-
varp og einmitt nú. Tækninni fleygi
svo ört fram og bjóði upp á svo spenn-
andi hluti. Hún segir hreina byltingu
standa fyrir dyrum í vinnslu sjón-
varpsefnis með tilkomu „digital”
tækninnar, hins stafræna sjónvarps.
Tæknin muni gjörbreyta starfsaðferð-
um við sjónvarpsgerð. Stór hluti hinn-
ar hefðbundnu vinnukeðju fellur út.
Með þessu móti geti fréttamenn, til
dæmis, sjálfir gengið frá efninu í mun
ríkari mæli en áður. Þessi tækni gjör-
breyti ekki aðeins fréttaframleiðslunni
heldur geri hana mun ódýrari og losi
þannig fé til annarrar framleiðslu.
Fréttir og íþróttir, sem Maríanna kallar
að hluta „einnota sjónvarpsefni” hafi
fram að þessu verið dýrir dagskrárliðir
í framleiðslu. Það muni breytast og því
verði kannski meiri peningar eftir til
annarrar innlendrar dagskrárgerðar,
eða „fjölnota” efnis, sem hægt er að
sýna oftar en einu sinni.
„Alveg frá upphafi sjónvarpsút-
sendinga hefur verið sagt að sjónvarpið
sé fQölmiðill framtíðarinnar. Þessi full-
yrðing hefur kannski aldrei verið réttari
en einmitt núna, sérstaklega þegar við
horfum á þá þróun sem kemur til með
að eiga sér stað í sambandi við sam-
runa sjónvarps, Internetsins og ann-
arra upplýsingamiðlunarforma. Sjón-
varpsrásum og öðrum boðleiðum á
eftir að fjölga gífurlega. Öll upplýsinga-
leit, í hvaða formi sem hún er, verður
miklu auðveldari en nú er og einnig
miklu betri.”
Maríanna segir að þegar hún líti
fram yfir aldamótin sjái hún fyrir sér að
sjónvarpsnotandinn sitji heima hjá sér
fyrir framan tölvuna og panti sér sjón-
varpsefni nákvæmlega eftir eigin
óskum um það hvenær hann vilji horfa
á það. Þá þurfi menn ekki stöðugt að
vera að fylgjast dagskránni í blöðum.
ÁKVARÐANATÖKUFERLIÐ í DÖNSKUM
FYRIRTÆKJUM EINSTAKT
En hvernig líst Maríönnu á framtíð
íslensks sjónvarps? Hvert stefnir?
„íslenskt sjónvarp er í raun mjög
gott. íslendingar eiga mjög hæft fólk á
sjónvarpsstöðvunum. Vandamálið er
bara það að íslenska markaðssvæðið er
svo lítið. Það er ekki pláss fyrir mikla
samkeppni. Það vantar líka réttu verk-
færin á íslandi til þess að hægt sé að
nota miðlana á réttan hátt. Það vantar
þann möguleika að geta haft stöðugar
áhorfsmælingar í gangi í sjónvarpi. Það
er eina leiðin til þess að reka sjónvarp í
dag á viðskiptagrundvelli. Það þarf að
mæla horfun og taka ákvarðanir út frá
því. Það hjálpar mjög til að efla sam-
vinnu markaðarins og sjónvarpsstöðv-
anna þannig að hægt sé að framleiða
það efiii sem fólkið vill sjá. Það þarf að
endurskipuleggja það hvernig fjár-
magnið er notað í íslensku sjónvarpi.”
Maríanna hefur nú starfað í Dan-
mörku í sjö ár og kynnst dönsku
viðskiptaumhverfi og stjórnunarhátt-
um vel. Hver skyldi munurinn vera á
Islandi og Danmörku að þessu leyti?
„Þegar ég kom hingað út fyrst átti
ég mjög erfitt með að skilja eitt atriði
sem er mjög fastgróið í danskri menn-
ingu og stjórnun. Það er hugtakið
„próblem” sem þeir nota alltaf þegar
mál eru skoðuð. Próblem í skilningi
Dana þýðir í raun viðfangsefni en ekki
vandamál. Munurínn á Islendingum
og Dönum stjórnunarlega séð er sá að
Danirnir eru þjálfaðir í því sem heitir
“próblemstilling” allt frá barnaskóla,
það er að segja, að skoða mál frá sem
flestum hliðum. Það er aldrei tekin
ákvörðun um viðfangsefnið fyrr en
búið er að skoða það frá öllum hliðum,
hvaða afleiðingar ákvörðunin getur
haft. Þegar hins vegar er búið að velja
einhveija leið þá standa allir að baki
ákvörðuninni. Það eru margir kallaðir
til til þess að koma með skoðanir sínar
þannig að það fer í þetta mikill tími.
Það, sem síðan gerist er að þegar
ákvörðunin er tekin þá er hún fram-
kvæmd og allir hafa skilning á mark-
miðinu. Og það er náttúrlega grund-
vallaratriði í stjórnun að hafa fólkið,
sem á að sjá um framkvæmdina, með
á nótunum og sátt,” segir Maríanna að
lokum.
30