Frjáls verslun - 01.03.1997, Blaðsíða 62

Hann minnir á að 10-11 hafi á
sínum tíma verið fyrst { matvöruversl-
un til að fara út í vaktavinnu meðal
starfsfólks og gera sérsamninga við
VR en það síðarnefnda gerðist einmitt
í bynun þessa árs. Hann segir að 10-
11 vilji fá gott fólk tíl starfa og borgi
hærri laun en tíðkist. Enginn yfir-
maður sé ráðinn að utan heldur verði
starfsmenn að vinna sig upp. Launa-
jafnrétti sé algjört og bæði kvenmenn
og karlmenn hafi sömu möguleika á
yfirmannsstöðum. Það sé undir hæfni
hvers og eins komið hversu langt
hann nær.
„Verslunarstjóri í fyrirtækinu kem-
ur inn sem óbreyttur. Hann byrjar og
lærir, verður vaktstjóri og heldur svo
áfram. Hann þarf að fara gegnum
rútínuna áður en hann verður yfir-
maður. Þá veit hann kosti og galla
starfanna, hvernig hann á að taka á
móti sínu fólki og hvernig hlutirnir
voru þegar hann byijaði. Hver og einn
starfsmaður hefur mikla reynslu
innan fyrirtækisins. Við leggjum
ekkert frekar upp úr því að fólk hafi
unnið mikið í verslun áður. Við viljum
alveg eins fá fólk og kenna því,” segir
hann.
GÍFURLEG VELTUAUKNING
Rekstur 10-11 hefur gengið mjög
vel eins og þensla fyrirtækisins ber
með sér. Eins og fram kom í síðasta
tölublaði Frjálsrar verslunar jókst
velta fyrirtækisins um 31 prósent milli
árannal995-'96. Eiríkur segir að á
fyrsta ársíjórðungi þessa árs hafi
veltan aukist um 65 prósent miðað við
sama tíma í fyrra. Þessi tala hefur
hækkað við opnun tveggja verslana í
apríl og mun hækka enn frekar þegar
búið er að opna nýju verslanirnar í maí
og júní. Fyrirtækið verður því með
gífurlega veltuaukningu á þessu ári.
Eiríkur leggur áherslu á sjálfstæði
10-11 og segist hafa gert það frá
upphafi. Fyrirtækið megi ekki vera
háð bönkum eða birgjum. Það verði
að byggja sig upp algjörlega sjálfstætt
og megi ekki fara hraðar en það hafi
efni á á hverjum tíma. Fyrirtækið
verði að ganga vel og skila hagnaði
svo að hægt sé að byggja upp. „Við
byggjum fyrirtækið líka upp á því að
borga vörur fljótt og velta lagernum
hratt. Eg hef ekki trú á þvi að mörg
fyrirtæki í verslunarrekstri velti
lagernum jafn oft og 10-11 eða 48 til 52
sinnum á ári,” segir hann.
-En hvernig skyldi framtíðin líta út
hjá 10-11? Er endalaust hægt að opna
nýjar búðir?
„Menn töldu ekki ráðlegt hjá mér
að opna búð í kílómetra fjarlægð frá
annarri búð, eins og ég gerði í
Hafnarfirði, og óttuðust að veltan
myndi minnka og rekstrarkostnaður
aukast en það hefur komið í ljós að
búðin kemur algjörlega sem viðbót í
Hafnarfirði. Við ögruðum sjálfum
okkur í Grafarvogi og opnuðum aftur
búð í kílómetra fjarlægð frá okkar
eigin búð. Nýja búðin var líka algjör
viðbót. Þetta þýðir að það er mikið
pláss fyrir 10-11 verslanir á Stór-
Reykjavíkursvæðinu,” svarar hann.
10-11FERÚTÁLAND
Takmark Eiríks er að vera með
minnst 16 verslanir á Stór-Reykja-
víkursvæðinu innan tveggja ára. Áhug-
inn er þó ekki einskorðaður við höfúð-
borgarsvæðið. Eiríkur hefur mikinn
hug á þvi að færa sig út á landsbyggð-
ina og vill þá selja heimamönnum
rekstrarleyfi. Hann hefur farið á nám-
skeið í sölu rekstrarleyfa í Banda-
ríkjunum og setur markið hátt - 16
verslanir, sem eru reknar á nákvæm-
lega sama hátt og 10-11 á höfuðborg-
arsvæðinu. Fyrsta verslunin opnar
strax á næsta ári.
„Eg tel ekki rétt að reka sjálfur
verslanir úti á landi. Það er marga
heimamenn sem vantar betra skipulag
hjá sér og eru tilbúnir til að vinna eftir
þessum reglum. Þeir eiga verslunina
en fara algjörlega eftír okkar reglum,
okkar vöruvali, okkar útsöluverði og
fara gegnum okkar innkaupanet sem
þýðir að við sköffum þeim þessa
hugmyndafræði. Ég tel að það sé rétt-
ara að heimamenn eigi og reki þessar
búðir heldur en að það komi menn frá
Reykjavík tíl þess,” segir hann.
„Ég væri ekki að opna búðir ef neyt-
endurnir tækju ekki við okkur. Við
þurfum viðskiptavini tíl að þetta gangi
og bætí við búðum ef þeir vilja versla
við okkur. Ég veit ekki hvar við endum
en hugsunin er 16 búðir. Það getur
farið upp í 20 búðir. Við fáum
símhringingar víða að. Viðskipta-
vinirnir spyrja hvenær við komum upp
í Árbæ? Vesturbæinn? Breiðholtið? Það
er pressa á okkur að opna búðir í hverf-
unum og mér finnst það jákvætt. Það
sýnir að við erum á réttri braut,” segir
Eiríkur Sigurðsson hjá 10-11 að lokum.
ÉG ÁTTI REYNSLUNA
„Menn fá engan happdrættisvinning eða þess háttar. Ég átti reynsluna - það var það
eina sem ég átti - og það vissi ég. Svo á ég góða og duglega konu sem hefur reynst
mér mikil stoð og stytta. Hún hefur veitt mér styrk. ”
62