Frjáls verslun - 01.09.1999, Blaðsíða 23

FORSÍÐUGREIN
Belgía: www.islande.be.
Stokkhólmur: www.islandemb.se
Washington: www.iceland.org
Heimasíður nokkurra sendiráða
Þjónustlifólk Hvorki þjónustufólk né matreiðslumenn eru á
launum hjá íslenska ríkinu ytra vegna starfa við sendiráð eða fyr-
ir starfsmenn sendiráða. Kjör sendiherra miðast við að þeir geti
borgað fyrir heimilisaðstoð af reglubundnum launum sínum og
staðarupppbótum til þess að halda sendiherrabústöðum í því
horfi að bjóða megi fyrirvaralítið heim gestum, háum og lágum.
Enda ekki vanþörf á, þar sem halda þarf andliti landsins út á við
í lagi og hætt við að sendiherra sem býr við lélegar aðstæður gefi
ekki góða mynd af landi sínu. Fyrr hefur verið vikið að því að
áætlað er að hátt í fjórðungur af staðaruppbótum sendiherra fari
í að greiða laun þjónustufólks og matreiðslumanna vegna veislna
á heimilum sendiherranna. Hjá öðrum þjóðum er almenna regl-
an hins vegar sú að sendiráðin greiða laun þjónustufólks og mat-
reiðslumanna en ekki sendiherrar.
Sendiráð í 11 löndum íslendingar halda úti ell-
efu sendiráðum erlendis og eru þau í eftirtöldum
löndum: Bandaríkjunum, Frakklandi, Danmörku,
Bretlandi, Finnlandi, Kina, Rússlandi, Noregi, Sví-
þjóð, Þýskalandi og Belgíu. Sendiherrastarf Svav-
ars Gestssonar í Kanada er frábrugðið að því leyti
að starfsemin þar er útiþú frá sendiráði Islands í
Bandaríkjunum. Þetta eru þau lönd sem Islending-
ar skipta mest við. A undanförnum árum hefur ver-
ið þrýst á að Islendingar opni sendiráð í Japan
vegna mikilla viðskiptahagsmuna þar. Viðskipti Is-
lendinga og Japana eru t.d. mun meiri en viðskipti
Islendinga og Kínverja. Þess utan eru fastanefndir
hjá Sameinuðu þjóðunum í New York, hjá Atlants-
hafsbandalaginu í Brussel, Vestur-Evrópusam-
bandinu, hjá alþjóðastofnunum í Genf, hjá OECD í
París, menningamálastofnun Sameinuðu þjóðanna
og hjá Evrópuráðinu ásamt fleirum.
Sendiráð íslands i Washington Umdæmi sendi-
ráða Islands erlendis geta verið óhemju stór og
starfið viðamikið. Tökum sendiráðið í Washington
í Bandaríkjunum sem dæmi. Utan Bandaríkjanna
nær það til Kanada, Mexíkó, Brasilíu, Argentínu,
Chile, Perú, Kólumbíu, Urúgvæ, Venesúela og
Kosta Ríka. Helstu verkefni: Diplómatísk samskipti
við umdæmisríkin, varnar- og öryggismál, ræðisstörf, menning-
armál, landkynningar- og upplýsingastarf, viðskiptamál, sam-
skipti við ræðismenn, samskipti við íslendinga í Bandaríkjunum
og Kanada. Svo hljóðar textinn á heimasíðu utanríkisráðuneytis-
ins varðandi sendiráð okkar í Washington. Þar starfa að jafnaði 8
manns sem eftir fremsta megni aðstoða þá sem til sendiráðsins
leita. Svipaðan texta er að finna fyrir önnur sendiráð okkar.
Margir vilja til útlanda Mikil eftirsókn er eftir störfum erlend-
is í utanríkisþjónustunni. Færri komast að en vilja. Hvort það eru
launin eða eitthvað annað sem veldur því að stöður í utanríkis-
þjónustunni eru svo vinsælar skal ósagt látið. En víst er að marga
dreymir um starfa erlendis og vera nær nafla alheimsins - þótt
hann hljóti auðvitað alltaf að vera á íslandi, ekki satt? 33
S
Kortið sem einfaldar
allan rekstur á
bílnum þínum
23