Frjáls verslun - 01.11.1999, Blaðsíða 67

NÆRMYND
Nafn: Margrét J ónsdóttir
Starf: Eigandi átta tískuverslana undir heitunum Vero
Moda, Jack & Jones og Only.
Aldur: 65 ára.
Fjölskylduhagir: Gift Árna Ingólfssyni
kvensjúkdómalækni. Þau eiga íjögur börn; Ingólf, Jón,
Mörtu og Helgu. Þær systur, Marta og Helga, reka
verslanirnar með móður sinni.
Foreldrar: Jón Lárusson, vélstjóri í Reykjavík, og kona
hans, Marta Hannesdóttir frá Vestmannaeyjum.
Áhugamál: Antíkhúsgöng og myndlist.
Stíllinn: Að sögn kunningja Margrétar er hún mikið fyrir að
hafa góða, heildstæða mynd af rekstrinum og er alltaf tilbúin
að grípa inn í ef á þarf að halda. Hún er sérlega kraftmikil kona
og helgar líf sitt algerlega starfinu. Hún gætir þess að eiga góð
samskipti við allt starfsfólk sitt. Hún er sögð mjög ákveðin og
ætlast til þess að allir leggi sitt af mörkum. Hún lætur sér ekki
nægja að vinna virka daga, helgarnar eru ekkert síður
vinnudagar hjá Margréti. Hún er sögð þurfa að hafa alltaf
eitthvað fyrir stafni, vera fljóthuga og einstaklega aðsópsmikil.
Vinirnir: Vinahópur Margrétar einkennist mjög af fólki sem
þau hjónin kynntust á námsárum Arna í Svíþjóð. Samtarfsfólk
Margrétar er einnig í nánasta vinahópi hennar. Þar skulu
nefndar Kristín Kjartansdóttir, Hjördís Hvanndal og Arndís
Guðmundsdóttir sem unnið hafa lengi með Margréti að
verslunarrekstrinum.
Stefnan: Fataverslunum á hennar vegum hefur íjölgað ört á
undanförnum árum en þó er þenslustefna ekki markmið.
Margrét og fjölskylda hennar leggja áherslu á að byggja
fyrirtækið upp á styrkum grunni. Það er enginn þrýstingur frá
hálfu Bestseller fyrirtækisins að opna fleiri verslanir. Stefna
þeirra er að hafa verslanir sínar á besta stað og þeim finnst
heilladrýgra að bíða í einhvern tíma eftir góðum stað en að
opna á þeim næstbesta. SO