Morgunblaðið - 03.01.2001, Page 4

FRÉTTIR
4 MIÐVIKUDAGUR 3. JANÚAR 2001 MORGUNBLAÐIÐ
ALDAMÓTABARN fæddist
klukkan tvær mínútur yfir sex á
nýársnótt á Sjúkrahúsinu á Akra-
nesi. Þetta fyrsta barn ársins er
hraustur 14 marka og 52 senti-
metra langur drengur. Foreldrar
litla guttans eru þau Lára Elín
Guðbrandsdóttir, 26 ára, og
Gunnar Bergmann Stein-
grímsson, 27 ára. Fyrir á Lára sex
ára dóttur, Alexöndru Hlíf Jóels-
dóttur, sem tekur nýfengnu hlut-
verki stóru systur vel og hlakkar
mikið til að fá litla bróður heim.
„Þetta er mjög skemmtilegt en
ekkert öðruvísi eða síðra en ef
hann hefði fæðst 30. desember
eins og hann átti að gera,“ sagði
Lára spurð hvernig væri að hafa
eignast aldamótabarn. Lára við-
urkenndi reyndar að líklega ætti
sonurinn eftir að vera þakklátur
mömmu sinni seinna meir enda
þætti mörgum leiðinlegt að eiga
afmæli svo seint á árinu.
Hún segir það ekki hafa verið
neitt kappsmál að „fresta“ fæð-
ingunni fram yfir nýár enda væri
slíkt illmögulegt, börnin bara
kæmu í heiminn þegar þeim
þóknaðist sjálfum. Sú var enda
raunin með aldamótadrenginn
sem flýtti sér eins og mest hann
mátti í heiminn og tók fæðingin
aðeins 7 mínútur.
Þrátt fyrir kappsemi þess
stutta að komast í heiminn hefur
hann verið sallarólegur síðan, „er
alveg eins og ljós, hann bara
drekkur og sefur,“ sagði Lára og
móðurstoltið leyndi sér ekki.
Fjölskyldan býr á Akranesi en
Lára og Gunnar stunda bæði nám
við Háskóla Íslands. Lára er á
þriðja ári í félagsfræði og Gunnar
á sínu fyrsta í tölvunarfræði.
Hinn nýbakaði faðir er mennt-
aður sjúkraliði og hegðaði sér af-
ar fagmannlega við fæðinguna að
sögn Láru.
Fyrsta barn
í Reykjavík mínútu síðar
Fyrsta barn ársins í Reykjavík
fæddist aðeins mínútu á eftir
drengnum á Akranesi eða klukk-
an 6:03. Það var stór sextán
marka drengur sem kom í heim-
inn á fæðingardeild Landspít-
alans. „Það mætti halda að það
hefði verið eitthvert kapphlaup í
gangi,“ sagði aldamótabarnsmóð-
irin um þennan örstutta mun á
fæðingu fyrstu barna ársins.
Morgunblaðið/JG
Lára, Alexandra, Gunnar og aldamótadrengurinn sem hefur ekki
verið nefndur.
Fæðingin tók að-
eins sjö mínútur
VESTMANNAEYJAFERJAN Herj-
ólfur sigldi fyrsta sinni milli Eyja
og lands í gærmorgun undir
merkjum Samskipa, sem tóku við
rekstri ferjunnar um áramótin.
Það var Guðjón Hjörleifsson bæj-
arstjóri sem varð þess heiðurs að-
njótandi að losa landfestar Herjólfs
klukkan 8:15 í gærmorgun er skip-
ið hélt til Þorlákshafnar.
Björgvin Arnaldsson, rekstr-
arstjóri skipsins, segir Sam-
skipamenn bæði spennta og bjart-
sýna á reksturinn. Hann segir að
þeir hafi ýmsar hugmyndir um
breytingar á honum, m.a. hafi þeir
sótt um leyfi fyrir vínveitingum um
borð í skipinu.
Nánast sama áhöfn áfram
Það eru Samskip og Flutninga-
miðlun Vestmannaeyja, dótturfyr-
irtæki Samskipa, sem standa að
rekstri ferjunnar. Hefur nánast öll
áhöfn skipsins verið ráðin áfram.
Þá hefur hinn nýi rekstraraðili yf-
irtekið byggingar Herjólfs hf. í
Vestmannaeyjum og notar áfram
sömu símanúmer og áður svo Eyja-
menn ættu að verða lítt varir við að
annað fyrirtæki rekur nú ferjuna.
Herjólfur siglir undir
merkjum Samskipa
Morgunblaðið/Sigurgeir
Guðjón Hjörleifsson, bæjarstjóri í Vestmannaeyjum, losaði landfestarnar þegar Herjólfur sigldi sína fyrstu ferð
til Þorlákshafnar undir merkjum Samskipa.
FJÖLMARGIR öryrkjar komu í
þjónustumiðstöð Tryggingastofnun-
ar ríkisins í gær eða höfðu samband
símleiðis til að leita eftir leiðréttingu
á bótum í samræmi við dóm Hæsta-
réttar.
Karl Steinar Guðnason, forstjóri
Tryggingastofnunar, sagði að mikið
álag hefði verið á stofnuninni. Marg-
ir hefðu verið reiðir og sárir og það
hefði bitnað á starfsfólki stofnunar-
innar. Hins vegar væri ógerlegt að
greiða óskertar bætur fyrr en nýjar
reglur um bæturnar hefðu tekið
gildi. Ragnar Aðalsteinsson, lögmað-
ur Öryrkjabandalagsins, hefur gagn-
rýnt viðbrögð Tryggingastofnunar
við dómi Hæstaréttar og sagt að
dómurinn snúist um stofnunina en
ekki stjórnvöld. Aðspurður um þetta
segist Karl Steinar ekki líta þannig á
málin.
„Tryggingastofnun er ekki sjálf-
stætt stjórnvald. Stofnunin hefur
ekki úr eigin sjóðum að spila, heldur
hefur hún aðeins aðgang að ríkis-
sjóði eftir því sem markað er á fjár-
lögum. Af þessum sökum er augljós-
lega ekki hægt að greiða út bætur
nema fyrir liggi skýrar og ákveðnar
reglur um fyrirkomulag þess,“ sagði
hann.
Karl Steinar viðurkennir að
Tryggingastofnun sé á milli steins og
sleggju í þessu máli sem þjónustu-
stofnun við almenning. Hann kveðst
ekki vita hvenær ráðgjafanefnd rík-
isstjórnarinnar um viðbrögð við
dómi Hæstaréttar muni ljúka störf-
um. „Ég veit að ráðherra vill að það
verði sem fyrst. Það viljum við vit-
anlega líka.“
Mikið álag í þjónustumið-
stöð Tryggingastofnunar
Framlögin eru skilyrt því að þau
renni til greiðslu kennaralauna en
tónlistarskólarnir eru sjálfseignar-
stofnanir. Formaður fræðsluráðs
Reykjavíkur, Sigrún Magnúsdóttir,
undrast þessa kvörtun skólans og
bendir á að umsókn frá honum um
styrk bíði afgreiðslu í fræðsluráði,
auk þess sem skólinn taki þátt í til-
raunaverkefni á vegum borgarinnar.
Hún telur jafnframt mikilvægt að
niðurstaða fáist í ágreiningnum með
úrskurði Samkeppnisstofnunar eða
umboðsmanns Alþingis. Kjartan
Eggertsson, skólastjóri Tónskóla
Hörpunnar, sagði í samtali við Morg-
unblaðið að þrátt fyrir ítrekaðar til-
raunir frá því að skólinn tók til starfa
hefðu borgaryfirvöld neitað honum
um fjárframlög til jafns við sambæri-
lega tónlistarskóla. Í Tónskóla
Hörpunnar voru 70 nemendur á
haustönn og að sögn Kjartans verða
þeir fleiri á vorönn „þrátt fyrir bág-
an efnahag“ eins og hann orðaði það.
Fimm kennarar starfa við skólann.
Hann sagði framlög borgarinnar
skipta gríðarlegu máli fyrir skólana.
Þeir fengju allt frá 100 upp í 300 þús-
und kr. á ári fyrir hvern nemanda.
Námsgjöld í skólunum væru á ári um
50–60 þúsund krónur.
Unnið eftir stefnumörkun
borgarinnar frá árinu 1999
„Kvörtun mín er tilraun til að láta
kanna hvort þetta sé réttlætanlegt,
lögum samkvæmt, að mismuna
stofnunum og börnum í borginni á
þennan hátt. Ég á engra annarra
kosta völ. Ef úrskurðurinn verður
mér neikvæður þá veit ég hvar ég
stend,“ sagði Kjartan.
Sigrún Magnúsdóttir sagði við
Morgunblaðið að úttekt hefði farið
fram á málefnum tónlistarskóla í
borginni vorið 1999 og í kjölfarið
hefði borgarstjórn Reykjavíkur sam-
þykkt stefnumörkun sem unnið hef-
ur verið eftir síðan. Þá hefði ekki ver-
ið talið að hægt væri að auka
framlögin og fjölga tónlistarskólum í
Reykjavík heldur frekar að miðla
framlögunum jafnar út í borgar-
hverfin. Þar er miðað við að tónlist-
arskólar starfi í öllum hverfum og að
baki hverjum skóla séu 1.500-2.000
grunnskólanemendur eða um 10.000
íbúar.
Sigrún minnti á að á fundi sínum
um miðjan desember sl. hefði
fræðsluráð samþykkt að láta fara
fram tilraun í tveimur skólum í
Breiðholti með því að veita nemend-
um forskóla ókeypis tónlistarnám.
Hún sagði Tónskóla Hörpunnar vera
meðal þeirra sem tækju þátt í verk-
efninu sem verktakar. Þá sagðist
hún hafa gert skólastjóra Hörpunnar
grein fyrir því á sínum tíma að hverj-
um og einum gæti ekki dottið í hug
að stofna tónlistarskóla sem þar með
væri orðinn ávísun á styrk frá borg-
inni, hlutirnir gengju ekki þannig
fyrir sig.
„Við erum öll af vilja gerð. Ég veit
ekki betur en að Tónskóli Hörpunn-
ar sé meðal umsækjenda um styrki
þeirra sem ekki fá fast framlag en
fræðsluráð ákveður styrkina í febrú-
ar. Nýir skólar hafa fengið þessa
styrki og hafa þurft að sanna sig áð-
ur en þeir komast á fast framlag auk
þess að hafa starfsleyfi frá mennta-
málaráðuneytinu. Þetta er alveg eðli-
legur farvegur,“ sagði Sigrún.
Tónskóli kvartar við Samkeppnisstofnun og umboðsmann Alþingis
Telur borgina mismuna
tónlistarskólum í styrkjum
TÓNSKÓLI Hörpunnar, sem starfað hefur í Grafarvogi í Reykjavík und-
anfarið eitt og hálft ár, hefur sent kvörtun til Samkeppnisstofnunar og um-
boðsmanns Alþingis vegna þess sem skólastjóri skólans nefnir „háttalag
Reykjavíkurborgar að mismuna tónlistarskólum í fjárhagsáætlun borgarinn-
ar“. Tónskóli Hörpunnar er ekki meðal þeirra 15 tónlistarskóla í Reykjavík
sem verið hafa á föstum fjárlögum undanfarin ár, sem fyrir árið 2001 nema
alls 420 milljónum króna.
Fyrsta barnið fæddist á Akranesi
ÍSLANDSPÓSTUR hefur frest
fram á föstudag til að greina frá
því hvað fór úrskeiðis við dreif-
ingu böggla hjá fyrirtækinu fyrir
jólin. Gústav Arnar, forstöðu-
maður Póst- og fjarskiptastofn-
unar, sagði að Sturla Böðvarsson
samgönguráðherra hefði sent
stofnuninni bréf í gærmorgun,
þar sem farið hefði verið fram á
rannsókn hennar í málinu.
Gústav sagðist hafa sent bréf-
ið áfram til Íslandspósts og að
fyrirtækið hefði frest fram á
föstudag til að svara því. Hann
sagði að rannsóknin myndi því
ekki hefjast formlega fyrr en
svör hefðu borist.
Farið yfir tölur
og upplýsingar
Tryggvi Þorsteinsson, fram-
kvæmdastjóri flutningamála hjá
Íslandspósti, sagði að bréfinu
yrði svarað og að nú væri verið
að fara yfir tölur og upplýsingar
sem sneru að þessu máli. Hann
sagði að búið væri að taka saman
um 20 mál þar sem sendingar
hefðu eyðilagst og að fólki yrðu
greiddar bætur í samræmi við
tjón sitt. Hann sagði að enn væri
ekki búið að greiða neinar bætur
og því lægi ekki fyrir hversu
tjónið væri mikið í peningum tal-
ið.
Að sögn Tryggva er þjónustan
hjá Íslandspósti nú komin í jafn-
vægi eftir miklar annir um hátíð-
irnar.
Samgöngu-
ráðherra
lætur
rannsaka
Íslandspóst
Um 20 póstsend-
ingar eyðilögðust