Morgunblaðið - 16.01.2001, Blaðsíða 18

VIÐSKIPTI
18 ÞRIÐJUDAGUR 16. JANÚAR 2001 MORGUNBLAÐIÐ
HÚSASMIÐJAN hf., sem var í síð-
ustu viku tilnefnd markaðsfyrirtæki
ársins 2001 af ÍMARK, félagi ís-
lensks markaðsfólks, hefur fjárfest í
þremur fyrirtækjum í Eistlandi og
Lettlandi fyrir alls um 160 milljónir
króna, og eru umræddar fjárfesting-
ar í samræmi við yfirlýsta stefnu
félagsins um að hasla sér völl á er-
lendri grund. Jafnframt verða á
næstu mánuðum opnaðar tvær nýjar
Húsasmiðjuverslanir hérlendis sem
og ein Blómavalsverslun.
Í Eistlandi hefur Húsasmiðjan
fest kaup á helmingshlut í timbur-
framleiðslufyrirtækinu Natural SA.
Félagið var stofnað af þarlendum
frumkvöðlum árið 1991 og hefur
Húsasmiðjan átt farsæl viðskipti við
félagið um árabil. Hjá Natural SA
starfa nú um 70 manns. Samfara
kaupum Húsasmiðjunnar á helm-
ingshlut í félaginu verður tækjakost-
ur þess stórlega aukinn og endur-
bættur. Stærstum hluta þessarar
uppbygginar mun ljúka innan
tveggja mánaða og verður Natural
SA að þeim loknum án efa eitt full-
komnasta timburvinnslufyrirtæki
Eistlands. „Markmið þessara breyt-
inga er m.a. að auka verulega af-
kastagetu og vöruframboð Natural
SA og er stefnt að því að ársvelta
félagsins nái 1,5–2,0 milljörðum
króna á næstu þremur til fimm árum
með góðri arðsemi,“ segir í tikynn-
ingu frá Húsasmiðjunni.
Jafnframt hefur Húsasmiðjan fest
kaup á hlut í tveimur félögum í Lett-
landi í samstarfi við Gísla Reynisson,
en hann er í forsvari fyrir Nordic
Industries sem er í umsvifamiklum
viðskiptum í Lettlandi og víðar.
Annars vegar er um að ræða 42,5%
hlut í gluggaframleiðslufyrirtækinu
Ispan Baltics SA, en samhliða þeim
kaupum færir Húsasmiðjan glugga-
og hurðaframleiðslustarfsemi sína
til Lettlands og sameinar hana starf-
semi Ispan Baltics SA, sem fram-
leiðir nú þegar umtalsvert magn af
samsettu gleri og plastgluggum.
„Með því að færa glugga- og hurð-
aframleiðslu Húsasmiðjunnar til
Ispan Baltics SA næst fram umtals-
vert hagræði í framleiðslunni auk
þess sem mikil afkastageta fram-
leiðslutækjanna mun nýtast betur á
stærra markaðssvæði,“ segir í til-
kynningu Húsasmiðjunnar.
Hins vegar er um að ræða kaup á
fjórðungshlut í timbursölufyrirtæk-
inu Lako AB. Starfsemi félagsins
hefur undanfarin ár takmarkast við
sölustarfsemi sagaðs timburs og hef-
ur það m.a. haslað sér völl sem einn
af stærri útflytjendum Lettlands á
afmörkuðum sviðum trjávöru. Í kjöl-
far kaupa Húsasmiðjunnar er stefnt
að því að hefja þar fullvinnslu timb-
urs innan tíðar með það að markmiði
að auka arðsemi rekstrarins.
Í desember síðastliðnum keypti
Húsasmiðjan allt hlutaféð í rafiðn-
aðarfyrirtækinu Segli ehf., en inn-
flutningur og verslun með lampa- og
rafbúnað hefur verið veigamikill
þáttur í rekstri fyrirtækisins. Húsa-
smiðjan seldi starfsmönnum Seguls
þann hluta starfseminnar sem lýtur
að viðgerðarþjónustu og rafverk-
töku, en innan tíðar flytur heildsölu-
starfsemi Seguls til rafvörufyrirtæk-
isins Ískrafts sem er í eigu Húsa-
smiðjunnar.
Í mars næstkomandi verður opn-
uð Húsasmiðjuverslun í nýju hús-
næði Seguls á Fiskislóð 2–8 og í
versluninni verður lögð áhersla á að
þjóna núverandi viðskiptavinum
Seguls, auk þess sem verslunin mun
bjóða upp á heimilis- og bygging-
arvörur.
Á vormánuðum verður opnuð
Húsasmiðjuverslun á Egilsstöðum
og verður hún fyrsta verslun Húsa-
smiðjunnar á Austurlandi. Verslun
félagsins á Selfossi verður flutt í
nýtt húsnæði í maí og þar verður
jafnframt Blómavalsverslun, en
Húsasmiðjan keypti Blómaval í
fyrra.
Húsasmiðjan fékk nýverið úthlut-
að lóð á Vogabakka við Sundahöfn
undir þungavörulager sinn og þar
hyggst félagið reisa 6.500 fermetra
vöruhús sem búið verður fullkomn-
asta tæknibúnaði til slíkrar starf-
semi sem völ er á. Gert er ráð fyrir
að það verði tilbúið til notkunar á
haustmánuðum.
Húsasmiðjan fjárfestir
í Eystrasaltslöndum
ÍSLENSKI hugbúnaðarsjóðurinn
hf. hefur keypt rösklega 4% hlut í
Mint AB í Svíþjóð, sem hefur þró-
að greiðslumiðlunarkerfi sem gerir
GSM-farsímanotendum kleift að
greiða fyrir hvers konar vöru og
þjónustu í gegnum farsíma.
Þjónustan er ókeypis fyrir neyt-
andann og að auki mun hagkvæm-
ari kostur fyrir þjónustufyrirtæki
en kreditkort og debetkort.
Fyrirtækið opnaði fyrir þjónustu
sína í gær í Stokkhólmi og er þeg-
ar búið að gera samstarfssamninga
við fjölda fyrirtækja og verslana-
keðja í borginni. Í tilkynningu frá
Íslenska hugbúnaðarsjóðnum segir
að stefna Mint á næstunni sé að
auka þjónustuna með auknu vöru-
framboði og laða til sín samstarfs-
aðila í öðrum löndum Evrópu. M.a.
verði unnið að því á næstu mán-
uðum að leita samstarfsaðila á Ís-
landi í því skyni að bjóða upp á
þjónustuna fyrir íslenska neytend-
ur og fyrirtæki.
Telur mikla möguleika á að
ná alþjóðlegri útbreiðslu
Ledstiernan AB, sem er leiðandi
áhættufjárfestingarfyrirtæki í Sví-
þjóð með útibú í London og Hels-
inki, fjárfesti í Mint í maí í fyrra
og á í dag rösklega 40% í félaginu.
Ledstiernan er einnig stór hluthafi
í GoPro – Landsteinar Group.
„Íslenski hugbúnaðarsjóðurinn
hf. hefur miklar væntingar til Mint
og telur félagið eiga mikla mögu-
leika á að ná alþjóðlegri útbreiðslu
á greiðslumiðlunarlausn sinni.
Jafnframt má segja að hér sé um
að ræða fyrsta skref Íslenska hug-
búnaðarsjóðsins í að færa út kví-
arnar og hefja fjárfestingar í ein-
hverjum mæli erlendis. Í því
sambandi telur stjórn félagsins
mikilvægt að gott fjárfestingar-
samstarf er nú komið á með
Ledstiernan ásamt því sem unnið
er að því að byggja upp fjárfest-
ingarsamstarf við fleiri aðila er-
lendis,“ segir í tilkynningu Ís-
lenska hugbúnaðarsjóðsins.
Íslenski hugbúnaðarsjóðurinn kaupir 4% hlut í Mint AB
Leitað verður sam-
starfsaðila á Íslandi
BASISBANK, fyrsti danski bankinn
sem starfar eingöngu á Netinu, hef-
ur hætt við að hefja starfsemi í Nor-
egi. Áætlanir um það voru komnar
vel á veg og höfðu fimmtán starfs-
menn verið ráðnir. Segir Jakob
Dahl, framkvæmdastjóri Basisbank,
ástæðuna fyrst og fremst þá að
bankinn hafi viljað einbeita sér að
danska markaðnum. Íslandsbanki er
stærsti einstaki hluthafi Basisbank.
Basisbank hóf starfsemi sína 4.
september sl. og eru um 20.000 not-
endur skráðir. Dahl segir það þre-
falt fleiri en forráðamenn bankans
hafi gert sér vonir um. Til stóð að
opna netbanka í Noregi og var und-
irbúningurinn hafinn. „Ég veit að
það hljómar einkennilega en ástæða
þess að við ákváðum að halda ekki
áfram var velgengni okkar hér í
Danmörku. Okkur hefur gengið bet-
ur en við þorðum að vona og það
hefur orðið til þess að við viljum
þróa starfsemina í Danmörku, t.d.
fara inn á hlutabréfamarkaðinn og
bjóða upp á tryggingar,“ segir Dahl.
Forráðamenn Basisbank hafa
verið harðlega gagnrýndir í Noregi
fyrir að hætta við, í Dagens Nær-
ingsliv sagði að verkefnið væri al-
gerlega misheppnað. Dahl segir það
óréttmæta gagnrýni, ekki sé hægt
að tala um slíkt þar sem engir við-
skiptavinir hafi verið skráðir. „Þetta
var verkefni sem við vorum rétt að
hefja. Við könnuðum stöðuna og
komumst að því að við teldum ekki
rétt að opna í Noregi nú. Það er
rétti tímapunkturinn að hætta við,
hefðum við gert það síðar hefði verið
hægt að tala um misheppnað verk-
efni. Engir viðskiptamenn bíða
skaða af og við reynum nú eftir
bestu getu að finna lausn fyrir þá
fimmtán sem við höfðum ráðið.
Stofnfé bankans er um 110 milljónir
danskra kr., rúmur 1,1 milljarður
ísl. kr. Þar af leggur Íslandsbanki
FBA 41 milljón dkr. til, Vertex Man-
agement í Singapore 22 milljónir og
afgangurinn eru danskir fjárfestar,
þó ekki bankar.
Basisbank er ekki skráður á
danska hlutabréfamarkaðinn og enn
liggja ekki fyrir neinar tölur um af-
komu að sögn Dahls. 47 manns
starfa hjá bankanum í fullu starfi.
Basisbank er skráður eins og hver
annar banki í Danmörku en á meðal
þess sem forráðamenn hans könn-
uðu í Noregi var hvort hægt væri að
skrá hann sem hefðbundið banka-
útibú eða sem starfsemi á milli
landa. Í síðarnefnda tilvikinu þarf að
uppfylla færri kröfur um fjölda
starfsmanna í landinu sem starfsem-
in er skráð í. Dahl segir skráningu
netbanka flókið mál svo og mögu-
leikana á því að fólk utan Danmerk-
ur geti nýtt sér þjónustu slíkra
banka.
Basisbank hættir við
að opna útibú í Noregi
Kaupmannahöfn. Morgunblaðið.
LANDIÐ
AÐ lokinni þrettándabrennu og flug-
eldasýningu bauð Íþróttabandalag
Akraness öllum bæjarbúum í
íþróttamiðstöðina að Jaðarsbökkum
til að fygljast með kjöri „íþrótta-
manns Akraness 2000“.
Árið 2000 hlutu Akurnesingar 23
Íslandsmeistaratitla og tvo deildar-
meistaratitla. Einnig vann Stefán
Gísli Örlygsson, deildaflokksmót
STÍ, en Íþróttafélag Akraness er
ekki búið að fá staðfestingu á því
hvort það telst Íslandsmeistari eður
ei.
Íþróttamaður Akraness var kjör-
inn Birgir Leifur Hafþórsson, kylf-
ingur úr Golfklúbbnum Leyni (84)
stig en fast á hæla hans fylgdu Kol-
brún Ýr Kristjánsdóttir, sundkona
úr Sundfélagi Akraness (82 stig) og í
þriðja sæti lenti Gunnlaugur Jóns-
son, knattspyrnumaður úr Knatt-
spyrnufélagi Akraness (47 stig). Kol-
brún náði frábærum árangri á árinu
og á Íslandsmótinu í 25 metra laug
varð hún Íslandsmeistari í 6 grein-
um. Kolbrún var stigahæsta sund-
kona mótsins auk þess að vera með
stigahæsta sund í kvennaflokki.
Gunnlaugur var valinn af íþrótta-
fréttamönnum DV, besti leikmaður
Landssímadeildarinnar árið 2000.
Helgi Daníelsson afhenti Birgi
Leifi síðan Friðþjófsbikarinn sem
gefinn var til minningar um Friðþjóf
Danílesson af systkinum og móður.
Tilnefndir voru 11 aðilar en íþrótta-
félög innan Íþróttabandalags Akra-
ness eru 14 talsins.
Birgir Leifur stundar golfkeppni
að mestu erlendis en hann bar sigur
úr býtum í meistaramóti GL og er
því klúbbmeistari GL árið 2000.
Hann náði besta árangri íslensks
kyflings frá upphafi á úrtökumóti
fyrir evrópsku mótaröðina í haust og
hefur nú aðgang að nokkrum mótum
á Evróputúrnum 2001 auk fasts sæt-
is á áskorendamótaröðinni. Samtök
íþróttafréttamanna tilnefndu Birgi
Leif sem kylfing ársins á Íslandi árið
2000 og hann lenti í 5. sæti í kjöri
íþróttamanns Íslands.
Birgir
Leifur
íþrótta-
maður
Akraness
Birgir Leifur Hafþórsson,
íþróttamaður Akraness.
Stykkishólmi - Fyrirtækið Dekk
og smur hefur starfað í Stykkis-
hólmi í tæp 7 ár og hefur dafnað
vel á þessum árum. Eins og nafnið
gefur til kynna hefur aðalstarfsem-
in verið aðveita dekkjaþjónustu og
smur. Í haust keypti fyrirtækið
húsnæði í samliggjandi húsi og
opnaði þar bifreiðaverkstæði sl.
föstudag.
Keypt hafa verið fullkomin tæki
til bifreiðaviðgerða, m.a. tæki til að
bilanagreina bifreiðar og gera þær
athuganir sem nauðsynlegar eru
þegar nýir bílar eru yfirfarnir. Auk
almennra bílaviðgerða er reiknað
með að fyrirtækið geti þjónustað
fyrir allmörg bifreiðaumboð varð-
andi að yfirfara nýja bíla svo að
bifreiðaeigendur þurfi ekki lengur
að fara langan veg með bílana í eft-
irlit. Dekk og smur mun einnig
annast endurskoðun fyrir Frum-
herja. Til starfa hefur verið ráðinn
Reynir Halldórsson bifvélavirki en
hann er nýfluttur í bæinn með fjöl-
skyldu sína.
Eigendur Dekkja og smurs eru
hjónin Magndís Alexandersdóttir
og Sigurþór Hjörleifsson ásamt
sonum þeirra. Þau eru mjög sam-
hent í rekstri fyrirtækins og hafa
skapað sér gott orð fyrir góða
þjónustu og snyrtimennsku.
Nýtt bifreiðaverkstæði
opnar í Stykkishólmi
Morgunblaðið/Gunnlaugur Árnason
Dekk og smur í Stykkishólmi hefur fært út kvíarnar og bætt bíla-
viðgerðum við þjónustu sína. Á myndinni eru Reynir Halldórsson bif-
vélavirki sem mun annast bílaviðgerðirnar og Sigurþór Hjörleifsson,
eigandi fyrirtækisins.