Morgunblaðið - 20.03.2001, Page 8

FRÉTTIR
8 ÞRIÐJUDAGUR 20. MARS 2001 MORGUNBLAÐIÐ
Námskeið í Norræna húsinu
Þjálfun í
dönsku talmáli
Kennsluráðgjafinn íNorræna húsinustendur um þess-
ar mundir fyrir námskeið-
um í þjálfun og skilningi í
dönsku talmáli, ætluðum
almenningi. Þegar er eitt
námskeið hafið og auka-
námskeið er í bígerð á
næstunni sem fólk getur
skráð sig á. Síðan verða
námskeið í lok apríl og í
maí sem einnig er hægt að
skrá sig á nú. Kennarar á
námskeiðunum eru þær
Erna Jessen og Kristín
Jóhannesdóttir. Kristín
var spurð hvernig þessi
námskeið væru uppbyggð.
„Lögð er áhersla á
þjálfun talmáls og
samtalsæfingar eru unnar
í tengslum við hlustunar-
verkefni. Þátttakendur vinna
saman í smáum hópum, oftast
tveir og tveir.“
– Hvað með námsefni?
„Við höfum lagt áherslu á að
vera með orðaforða sem reynist
hagnýtur fyrir fólk sem er á leið
til Danmerkur, orðaforða ætlað-
an ferðamanninum. Við erum því
að þjálfa þarna orðaforða sem
tengist daglegu lífi, að heilsa,
kveðja, spyrja um hluti í versl-
unum og veitingahúsum, spyrja
til vegar, kaupa miða í lestum og
leikhúsum o.s.frv., einnig að
þjálfa fólk í orðaskiptum viðvíkj-
andi gistingu á hótelum og á
tjaldstæðum, svo eitthvað sé
nefnt.“
– Dugar fólki ekki skyldunám í
dönsku í þessu skyni?
„Þeir sem eru á þessu nám-
skeiði geta allir lesið sér til gagns
dönsku og eru þokkalega færir í
að skrifa, þá vantar hins vegar
aukna þjálfun í að hlusta og tala –
skilja talað mál.“
– Hvers vegna var farið út í
þetta á vegum kennsluráðgjafa
Norræna hússins?
„Ég fann að það var þörf á
þessu. Fólk hringdi og spurði.
Það vildi ekki fara í langt nám.
Fólk vill koma, hittast oft, fá
mikla æfingu, einbeita sér að tali
og hlustun í eina og hálfa viku
sem hvert námskeið stendur. Það
kemur annan hvern dag og er í 80
mínútur í senn. Hver tími hefst
klukkan 17.10, þetta er ódýrt
námskeið ætlað almenningi.“
– Eru þetta heppileg námskeið
fyrir þá sem hyggja á nám í Dan-
mörku?
„Hyggi fólk á nám í Danmörku
og vilji það undirbúa sig vel fyrir
það þá kann að vera heppilegra
að fara á lengri námskeið, t.d. hjá
Endurmenntunarstofnun HÍ eða
í málaskólum. Við erum á þessum
námskeiðum að vinna með miklu
afmarkaðri orðaforða en engu að
síður fá nemendur mjög mikla
þjálfun.“
– Hvað með danskar bók-
menntir, er hugsanlegt að þið
verðið með námskeið í slíku?
„Við erum með fínt bókasafn
hér í Norræna húsinu
en það hafa ekki verið
uppi enn sem komið er
hugmyndir um sérstök
námskeið í tengslum
við bókmenntir.“
– Hvert er hlutverk
kennsluráðgjafa?
„Hlutverk hans er einkum að
styrkja stöðu norrænna tungu-
mála á Íslandi, miðla upplýsing-
um um íslenska tungu og menn-
ingu til norrænna landa og
upplýsingum um tungu og menn-
ingu hinna Norðurlandanna til Ís-
lands. Standa fyrir og leggja drög
að námskeiðum, fyrirlestrum og
ráðstefnum sem varða norræn
tungumál, norræna tungumála-
kennslu og norræna samvinnu.
Taka á móti nemendum, hafa
frumkvæði að og vinna að verk-
efnum sem nýtast við kennslu í
norrænum tungumálum og svara
margvíslegum fyrirspurnum.“
– Er þetta „gamalt“ starf?
„Kennsluráðgjafi hefur verið
hér starfandi í nokkur ár. Þetta
starf heyrir undir forstjóra Nor-
ræna hússins og ráðgjafanefnd
Norrænu ráðherranefndarinnar
ber ábyrgð á starfslýsingu
kennsluráðgjafans og innihaldi
starfsins.“
– Á kennsluráðgjafi frumkvæði
að ferðum á milli Norður-
landanna í námsskyni?
„Ég veiti upplýsingar um
hvaða leiðir eru færar fyrir fólk
sem vill læra norrænar tungur í
heimalöndum. Fyrir utan há-
skólanám eru t.d. í Danmörku
tungumálaskólar og þangað hafa
m.a. íslenskir kennarar getað sótt
endurmenntun fyrir milligöngu
kennsluráðgjafans.“
– En hefur þú milligöngu um
að fá hingað til lands norræna
kennara?
„Ekki nema þeir séu fyrirles-
arar á námskeiðum á mínum veg-
um. Við erum ekki með kennara-
skipti. Á þessu skólaári hefur
íslenskum og norrænum grunn-
og framhaldsskólakennurum og
leiðbeinendum staðið til boða að
koma með nemendur sína hingað
í Norræna húsið og þar geta þeir
valið um nokkrar mis-
munandi kynningar
eftir aldri nemend-
anna. Framhaldsskóla-
nemendum og nem-
endum í valáföngum
grunnskóla er t.d. boð-
ið upp á kynningu þar sem fjallað
er um starfsemi Norræna húss-
ins, norræna samvinnu og tildrög
þess að húsið var stofnað. Grunn-
skólanemendum er boðið að vinna
verkefni sem tengist lestri nor-
rænna dagblaða og nemendum
sjötta bekkjar er boðið upp á
heimsókn sem hentar vel í lok
umfjöllunar um Norðurlönd.“
Kristín Jóhannesdóttir
 Kristín Jóhannesdóttir fædd-
ist 2. mars 1966 í Reykjavík. Hún
lauk stúdentsprófi frá Versl-
unarskóla Íslands 1986 og B.ed.-
prófi frá Kennaraháskóla Íslands
1989. Síðan hefur hún starfað
sem dönsku- og enskukennari við
Ölduselsskóla í Breiðholti en
vinnur nú sem kennsluráðgjafi í
Norræna húsinu. Hún hefur sam-
ið námsefni í dönsku fyrir tíunda
og sjöunda bekk fyrir
Námsgagnastofnun. Kristín á
eina dóttur, Önnu Fríðu Gísla-
dóttur.
Unnið með
orðaforða
sem gagnast
ferðamönnum
ÁSGEIR Thoroddsen, formaður
Lögmannafélags Íslands, tekur í
grein í nýju tölublaði Lögmanna-
blaðsins undir þau sjónarmið að þörf
sé á konum í Hæstarétt því túlkun
þeirra á lögum geti í vissum tilfellum
verið önnur en karla. Sömu rök eigi
við um lögmenn því þeirra reynslu-
og þekkingarheimur þurfi að komast
að við úrlausn mála. „Skal fullyrt að
sá heimur er stundum ólíkur þeim
sem starfsmenn hins opinbera hrær-
ast í,“ segir í grein Ásgeirs og fram
kemur að aðeins einn núverandi dóm-
ara búi yfir slíkri reynslu.
Í upphafi greinar sinnar óskar Ás-
geir Ingibjörgu Benediktsdóttur fyr-
ir hönd lögmanna til hamingju með
skipun í embætti hæstaréttardóm-
ara; segir hana lögmönnum að góðu
kunna sem vandvirkur og afkasta-
mikill dómari og reynsla hennar eigi
eftir að nýtast vel á nýjum vinnustað.
Stjórn félagsins hafi ályktað að Ingi-
björg væri vel að embættinu komin
en engu að síður hefðu lögmenn kosið
að í Hæstarétt veldist nú dómari sem
byggi yfir reynslu sem sjálfstætt
starfandi lögmaður.
Ásgeir rekur að á síðustu 30 árum
hafi verið skipaðir 24 hæstaréttar-
dómarar. Sex þeirra hafi komið úr
röðum sjálfstætt starfandi lög-
manna,10 úr röðum dómara, 6 úr Há-
skóla Íslands og 2 úr embættis-
mannageiranum.
„Þegar litið er til þessa 30 ára tíma-
bils má álykta að ráðherrar hafi reynt
að gæta jafnvægis. Í síðustu 6 skiptin
eða frá 1991 hefur hins vegar enginn
lögmaður verið valinn eða ekki síðan
Gunnar M. Guðmundsson var skip-
aður. Er nú svo komið að aðeins einn
dómara við réttinn, Guðrún Erlends-
dóttir, verður talinn búa að reynslu
sem sjálfstætt starfandi lögmaður en
hún var skipuð 1986,“ segir í grein-
inni.
Formaður LMFÍ um Hæstarétt
Einn núverandi
dómara með reynslu
af lögmennsku
Solla hin sextánda ríður ekki feitum hesti frá Vatnsmýrarorustunni.
Inga Jóna
leiði lista
Sjálfstæð-
ismanna
INGA Jóna Þórðardóttir, oddviti
minnihlutans í borgarstjórn, fékk í
skoðanakönnun DV, sem birt var í
gær, flest atkvæði þeirra sem tóku
afstöðu til spurningar um hver ætti
að leiða lista Sjálfstæðisflokksins í
borgarstjórnarkosningum næsta ár.
Þá vilja flestir Reykvíkingar að nú-
verandi borgarstjóri gegni embætt-
inu áfram samkvæmt könnun Gallup
fyrir RÚV.
Inga Jóna fékk 47,8% atkvæða úr
hópi þeirra sem svöruðu, óháð hvaða
flokki þeir fylgdu og Björn Bjarna-
son 27,2%. Úrtakið var 600 manns í
Reykjavík. Í könnun sem Gallup
gerði fyrir Ríkisútvarpið kom fram
að miklu fleiri Reykvíkingar vilja að
Ingibjörg Sólrún Gísladóttir verði
borgarstjóri eftir næstu borgar-
stjórnarkosningar en Björn Bjarna-
son menntamálaráðherra eða Inga
Jóna Þórðardóttir. Úrtakið var 800
mann af öllu landinu og sögðust 28%
vilja Björn en 72% Ingibjörgu. Um
27% sögðust vilja Ingu Jónu en um
73% sögðust velja Ingibjörgu.