Morgunblaðið - 20.03.2001, Qupperneq 10

FLOKKSÞING FRAMSÓKNARFLOKKSINS
10 ÞRIÐJUDAGUR 20. MARS 2001 MORGUNBLAÐIÐ
ALLS tóku 693 fulltrúar þátt í störf-
um þingsins, að sögn Egils Heiðars
Gíslasonar, framkvæmdastjóra
flokksins. Þinginu var formlega slitið
síðdegis á sunnudag en það hafði þá
staðið yfir frá því á föstudagsmorg-
un.
Halldór Ásgrímsson var endur-
kjörinn formaður Framsóknar-
flokksins með 86% atkvæða á flokks-
þingi á sunnudag. Alls greiddu 604
atkvæði, auðir seðlar voru 42 og 2
ógildir. Halldór fékk 517 atkvæði,
eða 92,3% gildra atkvæða, en Guðni
Ágústsson fékk 12 atkvæði.
Sex aðrir fengu atkvæði í for-
mannskjörinu. Karl Hreiðarsson
fékk 5 atkvæði, Hjálmar Árnason og
Páll Pétursson fengu 4 atkvæði,
Ólafur Örn Haraldsson, Kristinn H.
Gunnarsson fengu 3 atkvæði, Jónína
Bjartmarz og Steingrímur Her-
mannsson fengu 2 atkvæði hvort.
Halldór Ásgrímsson sagði, eftir að
kjörinu var lýst, að hann mæti það
traust sem honum væri sýnt ákaf-
lega mikils og myndi gera sitt ýtr-
asta til að standa undir því. Hann var
einnig afar ánægður með flokksþing-
ið í heild sinni og sagði það án efa
vera það glæsilegasta á sínum
stjórnmálaferli.
„Ég er afskaplega ánægður með
þetta flokksþing,“ sagði Halldór við
Morgunblaðið. „Mikill kraftur hefur
einkennt það og það er mikil og al-
menn ánægja með framkvæmd þess.
Þetta er sterkasta og glæsilegasta
flokksþing Framsóknarflokksins
eftir að ég fór að starfa fyrir flokk-
inn. Ég tel að þetta flokksþing eigi
eftir að skila okkur vel fram á veg.“
Halldór sagðist hafa fundið fyrir
mikilli samkennd meðal flokks-
manna og þingfulltrúar væru stoltari
nú af því að vera framsóknarmenn
en hann hefði áður fundið.
Halldór taldi að enginn gengi sár
af velli eftir kosningar, en nefndi sér-
staklega að bæði Jónína Bjartmarz
og Hjálmar Árnason hefðu fengið
ágæta kosningu, enda þótt þau hefðu
ekki borið sigur úr býtum og eins
nefndi hann að Ólafur Örn Haralds-
son hefði áunnið sér virðingu margra
með öflugri framgöngu þrátt fyrir
nokkurn mótbyr. „Hann hefur verið
mjög duglegur en í kosningum sem
þessum verður baráttan oft á milli
tveggja einstaklinga og aðrir eiga
því erfitt uppdráttar. Ég hef hins
vegar fundið að Ólafur Örn hefur
mjög aukið álit sitt og hróður innan
flokksins,“ sagði Halldór.
Hann bætti því við að hann væri
sérstaklega ánægður með afdráttar-
lausan stuðning flokksmanna við
hans störf. Um þá sem ekki kusu
hann til formennsku áfram, sagði
hann hins vegar að aldrei gætu allir
verið sáttir og þannig yrði það ef-
laust áfram. „Formaður þarf oft að
taka á álitaefnum og það eru ekki all-
ir alltaf sáttir við það.“
Fjölmargar málefnanefndir voru
við störf á þinginu og skiluðu álitum
sínum og ályktunum eftir umræðu.
Spannst mismikil umræða um störf
nefndanna, en í sumum tilvikum var
hart tekist á um endanlegt orðalag
og innihald, t.d. í málefnum mennta-
málanefndar um Ríkisútvarpið og
fjármögnun og ábyrgð ríkisvaldsins
á grunnmenntun. Almenn má þó
segja að samstaða hafi einkennt
störf þingsins og talsvert jákvæði.
Í ályktun þingsins um menntun og
menningu segir að hlutverk skóla-
kerfisins sé að bæta menntunarstig
þjóðarinnar á öllum sviðum mann-
lífs. Vel menntuð þjóð hafi alla burði
til að auka velsæld sína með þeim
mannauði sem vaxi upp í heilbrigðu
skólastarfi og skili sér síðan til fram-
fara fyrir þjóðina alla. Halda beri
fast í þá meginhugsun að nám ungs
fólks sé öllum opið, óháð efnahag og
stöðu.
Grunnmenntun fjármögnuð og
á ábyrgð hins opinbera
Þá er kveðið á um að skólagjöld
verði ekki tekin upp í skólum á veg-
um ríkis og sveitarfélaga, mögu-
leikar fatlaðra og öryrkja til fram-
haldsnáms verði til jafns við aðra,
fallskattur verði lagður af og staða
nýbúabarna í leik- og grunnskólum
verði styrkt.
Nokkuð var tekist á um það atriði
að öll grunnmenntun verði áfram
fjármögnuð og á ábyrgð hins opin-
bera. Bæjarfulltrúi Framsóknar-
flokksins í Hafnarfirði stóð sem
kunnugt er að útboði á rekstri og
umsjón grunnskóla í Áslandshverfi í
Hafnarfirði nýverið ásamt sjálfstæð-
ismönnum í meirihluta bæjarráðs og
kom sú ákvörðun nokkuð til umræðu
á flokksþinginu, bæði innan nefnd-
arinnar og við umræður um ályktun
hennar. Ágreiningur var í nefndinni
um hvort halda ætti umræddu
ákvæði inni og fór svo að samþykkt
var að fella það út í atkvæðagreiðslu
nefndarmanna. Hins vegar sættu
nokkrir nefndarmenn sig ekki við þá
niðurstöðu og báru upp tillögu fyrir
fundinum sjálfum um að halda
ákvæðinu inni á ályktuninni. Það var
síðan samþykkt með meginþorra at-
kvæða og því ljóst að ekki er eining
um áformin í Hafnarfirði meðal
framsóknarmanna.
Flokksmenn vilja
menntamálaráðuneytið
Allfjörugar umræður urðu um
menntamál á þinginu og heyrðust
m.a. raddir um að Framsóknarflokk-
urinn eigi að leggja áherslu á að fá
ráðuneyti menntamála við aðsteðj-
andi uppstokkun í ríkisstjórninni,
eins og það var orðað. Var þeim vel
tekið af þingfulltrúum. Sömuleiðis
kom fram hörð gagnrýni á það fyr-
irkomulag að framsóknarmenn eigi
engan fulltrúa í stjórn LÍN, Lána-
sjóðs íslenskra námsmanna. Ólafur
Örn Haraldsson alþingismaður lagði
m.a. áherslu á þetta og sömuleiðis
Hjálmar Árnason alþingismaður.
Dagný Jónsdóttir, formaður
menntamálanefndar þingsins og ný-
ráðinn framkvæmdastjóri Stúdenta-
ráðs, sagði það „fáránlegt að Sjálf-
stæðisflokkurinn hefði hreinan
meirihluta í stjórn lánasjóðsins“ og
sagði mjög brýnt að Framsóknar-
flokkurinn fengi meira um þennan
málaflokk að segja.
Þeir sem mæltu fyrir ályktun um
rannsóknir og þróun á sviði mennta-
mála létu þess getið að þar hefði
menntamálaráðherra eins og í svo
mörgu öðru dregið lappirnar og því
þyrfti að efla og treysta rannsókna-
umhverfið á Íslandi og tryggja sam-
keppnishæfni þess. Einnig væri lögð
áhersla á að rannsóknir í héraði yrðu
auknar með því að styrkja stoðir
rannsóknastofnana á landsbyggðinni
og að gengið yrði frá rannsóknar-
samningum við háskóla í landinu á
kjörtímabilinu.
Hvað málefni LÍN áhrærir er lögð
á það áhersla í ályktun þingsins að
styrkja- og lánakerfið verði eflt til
þess að tryggja ungu fólki raunveru-
legt jafnrétti til náms. Samhliða því
verði möguleikar kannaðir á styrkja-
kerfi samhliða námslánakerfinu, líkt
og gert er á hinum Norðurlöndun-
um. Nefndi framsögumaður að í
þessum efnum væru Íslendingar
mörgum áratugum á eftir hinum
Norðurlöndunum.
Halldór Ásgrímsson endurkjörinn formaður á 26. flokksþingi Framsóknarflokksins
Morgunblaðið/Kristinn
Þrír forystumenn Framsóknarflokksins til næstu tveggja ára. Guðni Ágústsson varaformaður smellir kossi á
kinn Sivjar Friðleifsdóttur ritara, en Halldór Ásgrímsson formaður brosir breitt.
Glæsilegasta flokks-
þingið á mínum ferli
Flokksþing Fram-
sóknarflokksins,
sem lauk síðdegis á
sunnudag á Hótel
Sögu, var hið fjöl-
mennasta frá stofn-
un flokksins. Björn
Ingi Hrafnsson
fylgdist með þing-
haldinu og kjöri í
helstu embætti í for-
ystu flokksins og
greinir hér frá
helstu ályktunum
þingsins og ræðir
við þá sem í sviðs-
ljósinu stóðu.
GUÐNI Ágústsson landbúnaðar-
ráðherra var kjörinn varaformaður
Framsóknarflokksins og Siv Frið-
leifsdóttir ritari flokksins. Þau
Guðni og Siv höfðu bæði nokkra
yfirburði í kosningum til þessara
tveggja embætta.
Alls greiddu 603 atkvæði í vara-
formannskjörinu og tvö atkvæði
voru ógild. Guðni fékk 380 atkvæði
eða eða 63,1% atkvæða. Jónína
Bjartmarz alþingismaður fékk 184
atkvæði eða 30,5% atkvæða en
Ólafur Örn Haraldsson fékk 30 at-
kvæði eða 5%.
Guðni sagði í samtali við Morg-
unblaðið eftir að niðurstaðan lá
fyrir að hann væri mjög sáttur við
niðurstöðuna, enda teldi hann
mjög mikilvægt að varaformaður
nyti afgerandi stuðnings flokks-
manna. Bar hann um leið lof á
keppinauta sína og sagði þau öll
ákveðin í að slíðra nú sverðin og
sigla skútunni saman til næstu
hafnar.
Jónína Bjartmarz sagðist líta á
úrslitin sem ákveðna traustsyfir-
lýsingu við sig. Hún viðurkenndi
að helst hefði hún viljað sigra í
kjörinu, en benti á að hún væri
rétt að byrja í flokksstarfinu.
„Ég er tiltölulega ný í flokknum,
en Guðni er gamalreyndur. Ég lái
framsóknarmönnum ekki þótt þeir
horfi til þess. En ég lít á þetta sem
stuðningsyfirlýsingu og ég er ekki
hætt, þótt svona hafi farið,“ sagði
Jónína.
Ólafur Örn Haraldsson sagði að
Guðni hefði sem varaformaður
hlotið góða kosningu og það væri
mikilvægt vegarnesti fyrir svo
veigamikið embætti.
Ólafur Örn sagði einnig að sér
væri vel ljóst að 30 atkvæði væru
mjög fá atkvæði. Hann þyrfti þess
vegna að setjast niður og skoða
málin í rólegheitum.
„Ég lenti á milli tveggja fylk-
inga sem báðar héldu fast fram
sínu fólki og mátu það svo að at-
kvæði greidd mér væri áhætta fyr-
ir þeirra fylkingu. Það er hluti af
skýringunni, en nú liggur ekki
annað fyrir en að halda áfram
störfum í þinginu,“ sagði hann.
Í kosningu um embætti ritara
greiddu alls 548 manns atkvæði og
voru 6 seðlar auðir. Siv Friðleifs-
dóttir umhverfisráðherra fékk 332
atkvæði eða 61,3% gildra atkvæða
en Hjálmar Árnason alþingismað-
ur fékk 205 atkvæði eða 37,8% at-
kvæða. Einnig fengu Jónína Bjart-
marz,
Guðni Ágústsson og Sigurður
Eyþórsson atkvæði í kjörinu.
Siv ávarpaði flokksþingið eftir
kosninguna og sagði að afar mik-
ilvægt að Framsóknarflokkurinn
efldi sitt innra starf vegna þeirrar
stöðu sem uppi væri í stjórnmál-
um.
„Sjálfstæðisflokkurinn er allt of
stór, raunar hættulega stór og
hann má alls ekki verða öflugri;
það er hættulegt lýðræðinu á Ís-
landi. Vinstri-Grænir eru afl sem
ég tel að hafi ekkert erindi núna í
íslenskri pólitík og það er okkar
hlutverk að halda þeim niðri. Þetta
mun okkur takast ef við eflum
okkar starf,“ sagði hún.
Siv bætti því við í samtali við
Morgunblaðið að með nýjum lög-
um væri embætti ritara gert
valdameira og til að mynda yrði
hún nú formaður landsstjórnar.
Sig fýsti að takast á við flokks-
starfið og fyrir lægi að efla mjög
ímynd flokksins og starfsemi. „Nú
er Framsóknarflokkurinn komin í
sókn og við ætlum að sýna hvað í
okkur býr,“ sagði hún.
Hjálmar Árnason sagði að fram-
sóknarmenn hefðu valið forustu
sem þeir tryðu að væri samhent og
leiddi flokkinn til sóknar. Hann
sagðist vera býsna ánægður með
þann stuðning sem hann hlaut.
Kosningar til embætta varaformanns og ritara
Guðni og Siv sigruðu
með yfirburðum
Morgunblaðið/Kristinn
Langar biðraðir mynduðust í
hliðarsölum við Súlnasal Hótels
Sögu þegar þinggestir kusu til
embætta formanns, varafor-
manns og ritara. Ekki voru allir
í röðinni með atkvæðisrétt, eins
og sést á myndinni.