Morgunblaðið - 29.03.2001, Blaðsíða 13

FRÉTTIR
MORGUNBLAÐIÐ FIMMTUDAGUR 29. MARS 2001 13
ÞÓRARINN V. Þórarinsson, for-
stjóri Landssímans, segir að Lands-
símanum hafi á síðasta ári orðið á þau
mistök að tilkynna Póst- og fjar-
skiptastofnun ekki með formlegum
hætti um þau stigvaxandi afsláttar-
kjör sem fyrirtækið byði stórum við-
skiptavinum sínum. Úr þessu hafi
verið bætt. Hann segir að það hafi
alls ekki verið ætlun Landssímans að
leyna þessum afslætti. Frá honum
hafi t.d. verið sagt á blaðamanna-
fundi í apríl á síðasta ári enda hafi
þetta verið liður í jöfnunaraðgerðum
til að vega upp áhrif hækkunar á
fastagjaldi.
Landssíminn sendi í gær bréf til
Póst- og fjarskiptastofnunar þar sem
ítrekað er að um mistök hafi verið að
ræða. Minnt er á þau nýju afslátt-
arkjör sem fyrirtækið kynnti stofn-
uninni 21. mars sl. Í bréfinu segir að
Síminn sé reiðubúinn til að upplýsa
um grundvöll þessara afsláttarkjara.
„Landssíminn ritaði Póst- og fjar-
skiptastofnun bréf fyrir liðlega viku
þar sem við gerðum stofnuninni
grein fyrir því að vegna mistaka hefði
ekki tilkynnt formlega um þennan
stigvaxandi magnafslátt sem ákveð-
inn var og tilkynntur. Við höfum gert
þetta um nokkra hríð, en vegna mis-
taka innan fyrirtækisins hefur ekki
verið gerð grein fyrir því með form-
lega réttum hætti.“
Þórarinn hafnaði því að þessi af-
sláttur hefði farið leynt af hálfu
Landssímans. „Á blaðamannafundi í
apríl í fyrra, sem haldinn var í
tengslum við afnotagjaldsbreytingu,
kom fram að við ætluðum að bjóða
stigvaxandi afslátt til fyrirtækja.
Þetta hefur því legið fyrir og við héld-
um að við hefðum tilkynnt þetta til
Póst- og fjarskiptastofnunar. Það
hefur því engin leynd hvílt yfir þessu
máli.“
Gagnrýnir afskipti
Samkeppnisstofnunar
Þórarinn sagði að afskipti Sam-
keppnisstofnunar af þessu máli væru
sérkennileg í ljósi þess að Landssím-
inn hefði þegar sent Póst- og fjar-
skiptastofnun formlegt bréf um mál-
ið. Samkeppnisstofnun hefði hins
vegar kosið að nota bréf Landssím-
ans til að benda Póst- og fjarskipta-
stofnun á hvað stæði í bréfinu.
„Þarna er um að ræða lestrarleið-
beiningar á milli opinberra stofnana
sem mér eru lítt skiljanlegar,“ sagði
Þórarinn. Þórarinn sagði að Lands-
síminn hefði átt í deilu við Sam-
keppnisstofnun um hvort Símanum
væri heimilt að veita stórum við-
skiptavinum afslátt með vaxandi um-
fangi viðskiptanna. Hann benti á að
segja mætti að slíkur afsláttur væri
viðskiptavenja í öllum heiminum.
„Við stöndum í deilum um þetta
mál og ég reikna með að þær deilur
endi fyrir Hæstarétti vegna þess að
ég trúi því ekki að Landssímanum sé
óheimilt að bjóða upp á sams konar
viðskipti sem keppinautar okkar
gera hér á landi og öll önnur fjar-
skiptafyrirtæki gera. Við erum þeirr-
ar skoðunar að Samkeppnisstofnun
hafi misbeitt valdi sínu í þessu máli.“
Þórarinn sagði að Samkeppnis-
stofnun hefði haldið því fram að í
þessu máli hefði Landssíminn látið
hjá líða að reikna út hvort stigvax-
andi afsláttur fæli í sér kostnaðarlegt
hagræði eða hvatningu til aukinnar
notkunar. Nú væri búið að vinna
þessa vinnu og lægi hún til grundvall-
ar öllum nýjum ákvörðunum Lands-
símans á þessu sviði.
„Það var einnig gagnrýnt á sínum
tíma í úrskurði Póst- og fjarskipta-
stofnunar að við værum ekki að bjóða
samskonar afsláttarkjör í öðrum
fjarskiptakerfum okkar en GSM-
kerfinu. Það erum við að bjóða núna.
Við teljum að við höfum komið á móts
við öll þau sjónarmið sem Póst- og
fjarskiptastofnun hefur sett fram.“
Boðið upp á afslátt í
millilandasímtölum
Þórarinn sagði að Landssíminn
hefði í apríl 1999 ákveðið að bjóða
stigvaxandi afslátt í millilandasímtöl-
um. Síminn hefði núna tilkynnt form-
lega afslátt í NMT-kerfinu, GSM-
kerfinu og í fastlínusímtölum innan-
lands.
Hann sagði að Landssíminn byði
miklu fjölbreyttari gjaldskrár en áð-
ur. Landssíminn hefði kynnt Póst- og
fjarskiptastofnun nýja gjaldskrá í öll-
um fjarskiptakerfum fyrirtækisins.
Gjaldskrárbreytingin hefði verið
mjög lengi í undirbúningi og stefnt
væri að því að hún tæki gildi 1. apríl
nk.
Þórarinn sagðist ekki eiga von á að
Póst- og fjarskiptastofnun færi að
hafa afskipti af þeirri gjaldskrártil-
lögu sem nú lægi fyrir. „Við sjáum
engar forsendur til þess að yfirvöld
færu að standa í vegi fyrir því að við
kæmum á móts við okkar viðskipta-
menn með stigvaxandi afslætti með
vaxandi notkun. Það þekkja það allir
að ef menn kaupa mikið magn njóta
þeir þess í kjörum. Ef það ætti að
banna Símanum að gera það er verið
að draga úr möguleikum okkar til að
koma á móts við viðskiptavini okkar.
Það getur ekki verið hlutverk sam-
keppnisyfirvalda að standa að því.“
Þórarinn sagðist skynja vaxandi
kröfu frá stærri viðskiptavinum Sím-
ans um afslátt af þjónustunni í sam-
ræmi við umfang viðskiptanna. Því
mætti heldur ekki gleyma að afslátt-
urinn væri til þess fallinn að auka
notkun fjarskiptakerfanna og þar
með nýtingu þeirra. Hann sagði að
Landssíminn áformaði á næstunni að
ganga lengra í því að bjóða viðskipta-
vinum mismunandi viðskiptaskil-
mála.
Forstjóri Landssímans segir að mistök hafi verið gerð varðandi afsláttarkjör í innanlandssímtölum
Hafa tilkynnt form-
lega um afslátt í öllum
fjarskiptakerfum
SAMNINGUR um heildarhönnun
vegna byggingar nýrra nem-
endagarða á lóð Menntaskólans á
Akureyri hefur verið undirritaður
en rekstrarfélagið Lundur sem
reisir bygginguna hefur samið við
Arkitekta- og verkfræðiskrifstofu
Hauks á Akureyri um verkefnið.
Í hinum nýju nemendagörðum
sem reistir verða austan við gömlu
heimavistina verða 120 tveggja
manna herbergi, hvert um 30 fer-
metrar að stærð. Tengigangur
verður á milli bygginganna en
endurbætur verða gerðar á mötu-
neyti og setustofu í gömlu vistinni
og íbúar beggja vistanna munu
nýta þá aðstöðu.
Nemendagarðarnir verða um
4.800 fermetrar að stærð og er
ætlunin að bjóða verkið út nú á
næstunni þannig að vinna geti haf-
ist í vor. Stefnt er að því að upp-
steypu verði lokið fyrir veturinn
en markmiðið er að taka húsið í
notkun 17. júní árið 2002.
Stjórn Íbúðalánasjóðs hefur
samþykkt að lána Lundi 536 millj-
ónir króna vegna framkvæmdanna
og þá leggja Akureyrarbær og
ríkissjóður fram 10% bygging-
arverðs hvor en heildarkostnaður
við smíði nemendagarðanna er
áætlaður um 620 milljónir króna.
Samið hefur verið við Flugleiða-
hótel hf. um leiguafnot af öllum
húsunum til ársins 2012 en þar
verða rekin sumargistihús líkt og
verið hefur í gömlu heimavistinni.
Skólameistarar framhaldsskól-
anna á Akureyri, MA og Verk-
menntaskólans á Akureyri, hafa
einnig gert með sér samkomulag
um nýtingu dvalarrýmisins á nem-
endagörðunum en samkvæmt því
munu nemendur MA hafa forgang
að núverandi heimavist en nem-
endur beggja skólanna hafa jafn-
an rétt til húsnæðis í nýjum nem-
endagörðum.
Nýir nemendagarðar á lóð Menntaskólans á Akureyri fyrir 240 nema
Morgunblaðið/Kristján
Tryggvi Gíslason, skólameistari MA, Haukur Haraldsson og Fanney Hauksdóttir frá Arkitekta- og verk-
fræðistofu Hauks og Jón Ellert Lárusson, verkefnastjóri Rekstrarfélagsins Lundar, skrifuðu undir samninginn.
Samið um
heildar-
hönnun
verkefn-
isins
verið minni en í sama mánuði í
fyrra og útlit væri fyrir að útgáfan
í mars yrði töluvert minni en í
fyrra, en útgáfan í marsmánuði
síðustu tvö ár hefði verið mikil.
28 milljarða
lánveitingar í fyrra
Innkomnar umsóknir um hús-
bréfalán voru 800 í febrúar í ár en
857 í sama mánuði í fyrra. Í janú-
armánuði voru þær 643 í ár en 549
sama mánuð í fyrra.
Hins vegar varð mikil fjölgun
umsókna í marsmánuði í fyrra
þegar umsóknir voru 1.070 talsins
ÚTLIT er fyrir að útgáfa húsbréfa
í mars verði töluvert minni en í
sama mánuði í fyrra og er það í
samræmi við þróunina í febrúar-
mánuði.
Hins vegar var útgáfa húsbréfa í
janúar í ár meiri en í sama mánuði
í fyrra.
„Það er svona frekar samdrátt-
ur, virðist vera, og sérstaklega í
samanburði við síðasta ár,“ sagði
Sigurður Geirsson hjá Íbúðalána-
sjóði.
Hann sagði að útgáfan í janúar í
ár hefði verið meiri en í fyrra.
Hins vegar hefði útgáfan í febrúar
og enn meiri í marsmánuði árið
1999 þegar umsóknir voru 1.365
talsins.
Allt árið í fyrra bárust Íbúða-
lánasjóði 9.347 umsóknir um hús-
bréfalán en 9.793 árið 1999.
Umsóknir hafa aldrei verið jafn-
margar og þá frá upptöku hús-
bréfakerfisins síðla árs 1989.
Umsóknirnar í fyrra leiddu til
9.283 samþykktra lánveitinga sam-
tals að upphæð rúmlega 28 millj-
arðar kr.
Langstærstur hluti lánveiting-
anna er vegna kaupa á notuðu hús-
næði eða tæp 70% og rúm 27%
vegna nýbygginga.
Þá er tæplega hálft annað pró-
sent lánveitingar vegna endurbóta
á húsnæði og rúm 2% er vegna
lánveitinga til byggingaraðila.
Minni húsbréfaútgáfa
en á sama tíma í fyrra



 
!""#$%###
'(
)
*
+
,
-
.
/
0
'
(
1)( 1)0 1). 1), 1)* 1((


 Stærstur hluti lána er til
kaupa á notuðu húsnæði SAMNINGAVIÐRÆÐUR standa
nú yfir við kúbversku hljómsveitina
Buena Vista Social Club um að halda
aðra tónleika hér á landi en eins og
kunnugt er seldust miðar á tónleika
hennar í Laugardalshöll hinn 30.
apríl næstkomandi upp á innan við
tveimur klukkustundum síðastliðinn
mánudag.
Að sögn Kára Sturlusonar tón-
leikahaldara er hann nokkuð bjart-
sýnn á að hægt verði að koma á öðr-
um tónleikum áður en hljómsveitin
yfirgefur land og þjóð. „Strax á
mánudag þegar ljóst var að áhuginn
væri svona mikill drifum við okkur í
að reyna að koma á öðrum tónleik-
um.“ Kári segir stefnt að því að þeir
verði haldnir síðdegis 1. maí á frídegi
verkalýðsins.
Hann segir þó að taka verði tillit
til þess að hljómsveitarmeðlimir séu
aldrað fólk og sjái þeir sér ekki fært
að halda seinni tónleikana sé það
sökum þess að þeir þurfi að hvíla sig
fyrir tónleika sem þeir halda í Skot-
landi 2. maí, en ekki vegna þess að
þeir vilji ekki spila fyrir Íslendinga.
„Þvert á móti voru þeir himinlifandi
yfir því hversu vel gekk að selja á
tónleikana og voru dolfallnir yfir
móttökunum á þessari eyju hér úti í
ballarhafi. Þannig að þeir ætluðu að
reyna að gera hvað þeir gætu.“
Í MINNINGU
Bhawönu Gur-
ung, sex ára
stúlkunnar, sem
lést í sundlauginni
í Grindavík 23.
mars sl., hefur
Grindavíkurbær
stofnað reikning
nr. 882 í Sparisjóði Grindavíkur.
Að ósk foreldra Bhawönu verður
peningum þeim sem safnast varið til
aðstoðar við fátæk börn í Nepal, fæð-
ingarlandi hinnar látnu.
Minningar-
sjóður Bhaw-
önu Gurung
Aukatónleikar
BuenaVista Social
Club mögulegir
Dolfallnir
yfir mót-
tökunum
♦ ♦ ♦