Morgunblaðið - 19.04.2001, Blaðsíða 60

HESTAR
60 FIMMTUDAGUR 19. APRÍL 2001 MORGUNBLAÐIÐ
SÝNINGIN verður að þessu sinni
með ítölsku og spænsku yfirbragði
en aðeins verður boðið upp á tvær
sýningar að þessu sinni, föstudags-
og laugardagskvöldið. Þetta ítalsk-
spænska yfirbragð felst í því að
fyrir báðar sýningarnar verður
tveggja tíma kynning á spænskum
og ítölskum mat og vínum. Þá
verður leikin tónlist frá þessum
löndum undir sýningaratriðunum
og allar skreytingar í þessum dúr.
Fyrir utan hinar hefðbundnu
hestasýningar verður boðið upp á
einstakt happdrætti á báðum sýn-
ingum þar sem ágóðinn mun renna
til styrktar íslenska landsliðinu
sem keppa mun á heimsmeistara-
mótinu í Austurríki í sumar. Segir
Hafliði það einstakt fyrir þær sak-
ir að þarna sé boðið upp á 32 fola-
tolla hjá mörgum af fremstu stóð-
hestum landsins og verður dregið
um sextán þeirra á föstudagssýn-
ingunni og verða það tollar hjá eft-
irsóttari hestunum. Margir þess-
ara stóðhesta eru að verða
fullbókaðir svo þarna getur verið
um einstætt tækifæri fyrir áhuga-
menn um hrossarækt að komast
með hryssur sínar í tæri við þá
bestu.
Nýr knapi á Hugin
Meðal þeirra stóðhesta sem hér
um ræðir má nefna Hugin frá
Haga sem er hæstdæmdur kyn-
bótahrossa fyrir hæfileika og stóð
efstur á landsmótinu í flokki stóð-
hesta sex vetra og eldri. En það
verður nú gott betur en það því
Huginn mun koma fram á sýning-
unum og nú verður nýr knapi við
stjórnvölinn því Atli Guðmundsson
fær nú að spreyta sig á þessum
kattfima gæðingi. Atli sem var er-
lendis yfir páskana sagðist í gær
hafa prófað hestinn einu sinni og
myndi fara á bak honum aftur í
kvöld (í gærkvöldi) þegar hann
kæmi til landsins. Sagði Atli ekk-
ert launungarmál að hér færi
geysigóður hestur en vissulega
væri fyrirvarinn stuttur.
Af öðrum vinningum má nefna
folatolla hjá Keili frá Miðsitju,
Randveri frá Nýjabæ, Sæ frá
Bakkakoti, Kraflari frá Miðsitju,
Óði frá Brún, Kjarki frá Egils-
stöðum, Óskari Hrafni frá Brún,
Suðra frá Holtsmúla, Loga frá
Skarði, Ljósvaka frá Akureyri og
Glaumi frá Auðsholtshjáleigu.
Á laugardagskvöldið verða
dregnir út folatollar hjá Ham frá
Þóroddsstöðum, Skorra frá Gunn-
arsholti, Andvara frá Skáney,
Geisla frá Sælukoti, Smára frá
Skagaströnd, Prinsi frá Úlfljóts-
vatni, Frakki frá Mýnesi, Flygli
frá Vestri-Leirárgörðum, Gauti frá
Reykjavík, Bjarti frá Kópavogi,
Hegra frá Glæsibæ, Adam frá Ás-
mundarstöðum, Snerri frá Bæ,
Kjarna frá Árgerði, Aski frá Kana-
stöðum og Fonti frá Feti. Miðinn í
happdrættinu mun kosta 1.000
krónur og eins og áður sagði renn-
ur ágóðinn til landsliðsins.
Töltmeistarar í léttri sveiflu
Af öðrum atriðum má nefna að
þeir Sveinn Ragnarsson núverandi
Íslandsmeistari í tölti og Hans
Kjerúlf fyrrverandi Íslandsmeist-
ari mæta með gæðinga sína þá
Hring frá Húsey og Laufa frá
Kollaleiru. Afkvæmi Krásar frá
Laugarvatni verða sýnd og má þar
nefna þau Frama og Rás frá Ragn-
heiðarstöðum. Þarna koma fram
ungir og vel ættaðir folar sem ekki
hafa áður komið fyrir sjónir al-
mennings eins og Fontur frá Feti
sem er undan Vigdísi frá Feti og
Roða frá Múla, grár foli undan
Hlökk frá Hólum og Skorra frá
Blönduósi, topphestur segja þeir
félagar. Sær frá Bakkakoti og Ósk-
ar Hrafn frá Brún verða þarna
einnig.
Vestlendingar munu mæta með
athygliverð hross að sögn Hafliða
og kynna væntanlegt fjórðungs-
mót. Félag tamningamanna mun
bjóða upp á atriði á faglegu nót-
unum eins og þeir félagar orðuðu
það. Tíu bestu skeiðreiðarmenn
ársins munu láta skeiða í gengum
höllina. „Ekkert stökkflandur,
heldur skeiðsprettir eins og þeir
gerast bestir,“ skaut Vignir inn í.
Þá munu gullprinsessurnar Freyja
Amble, Sylvía Sigurbjörnsdóttir og
Karen Líndal Marteinsdóttir sýna
listir sínar á færleikum sínum.
Sýningarnar eiga hvor um sig að
taka tvo tíma að hléum meðtöldum
og hefjast báðar klukkan 21 en
höllin verður opnuð klukkan 19 og
mun þá hefjast matar- og vínkynn-
ing. Þá munu strákarnir á Borg-
inni mæta og taka lagið á báðum
sýningum og í Fáksheimilinu verða
dansleikir bæði kvöldin þar sem
Skriðjöklarnir endurvaktir leika
fyrir dansi ásamt hljómsveitinni
Sputnik þar sem sjálfur evróvisj-
ónsöngvari okkar Íslendinga mun
sjá um sönginn. Forsala aðgöngu-
miða á sýninguna mun hefjast í
dag klukkan 18 í Reiðhöllinni.
Þeir félagar kváðust þess full-
vissir að þeim tækist að fylla höll-
ina á föstudag. „Aðeins verður
boðið upp á tvær sýningar og lagt
ívið meira í þá fyrri þannig að nú
er um að gera að vera snar í snún-
ingum og tryggja sér miða á föstu-
dagssýninguna áður en þeir seljast
upp,“ sagði Hafliði brattur að
vanda.
Morgunblaðið/Valdimar
Þeim leiðist ekki sýningarstjórunum þótt starfið sé bæði erfitt og tíma-
frekt sem og launin lág, reyndar engin að þeirra sögn. En hér gleðjast
þeir með Súsönnu Ólafsdóttur sem var að sýna þeim tvo gæðinga.
Höllin fyllt
á föstudag
„Við ætlum að gera það sem áður hefur ekki
tekist; sem sagt að fylla Reiðhöllina í
Víðidal á föstudagskvöldið af mannskap,“
segja þeir félagar og sýningarstjórar
á væntanlegum Hestadögum 2001 Hafliði
Halldórsson og Vignir Jónasson
þegar Valdimar Kristinsson mætti í höllina
á annan í páskum þar sem þeir völdu
hross til sýningarinnar.
SÁTT og samlyndi virðist ríkja hjá
hrossaræktarmönnum um þessar
mundir ef marka má nýafstaðinn að-
alfund Félags hrossabænda. For-
maðurinn Kristinn Guðnason hlaut
rússneska kosningu á friðsömum
fundi þar sem fundarmenn voru sam-
mála um að beina því til landbúnaðar-
ráðuneytisins, framleiðnisjóðs og
annarra hlutaðeigandi aðila að leggja
fé til rannsókna á frystingu sæðis
þannig að ná megi tökum á þessari
aðferð við geymslu sæðis. Sömuleiðis
var samþykkt að fara þess á leit að
gerð verði könnun á áhrifum útflutn-
ings sæðis á lífhrossamarkaðinn.
Sigurbjörg Þorsteinsdóttir og Vil-
hjálmur Svansson sérfræðingar á
Keldum fluttu erindi um sumarex-
emsrannsókn þá sem er í gangi á Til-
raunastöðinni.
Markaðsmálin voru rædd talsvert
á fundinum og voru fundarmenn
nokkuð sammála um að sameiginlegt
markaðsstarf hagsmunaaðila í hesta-
mennskunni skilaði sér nokkuð vel
þótt skoðanir væru skiptar um hverj-
ir ættu að leggja fé til starfsins eða
hvar ætti að leita eftir fjármagni.
Formaðurinn sagði að fjárhags-
staða FH væri að komast í gott lag
eftir ýmiskonar hagræðingu og sam-
drátt í starfseminni. Þá sagði hann að
vel hefði verið unnið í öflun markaða
á hrossakjöti og nýlega hefði verið
skrifað undir samning við fyrirtæki í
Belgíu sem heitir Multimeet sem
væru stærstir í sölu á hrossakjöti í
heiminum. Þessi samningur gerði
það að verkum að nú væri hægt að
farga um 100 hrossum á viku og sú
tala gæti farið hækkandi. Kristinn
upplýsti að allt kjötið sem þeir
keyptu væri unnið hér á landi sem yki
tvímælalaust vægi samningsins. Verð
á hrossakjöti hefur hækkað heldur
við þessa breyttu stöðu og nú fengju
menn um 10 þúsund krónur fyrir
hrossið og taldi Kristinn líklegt að
það ætti enn eftir að hækka. Þá væri
unnið að því að koma folaldakjöti á
markað erlendis.
Sagði Kristinn að þessi breytta
staða ætti að auðvelda mönnum mjög
að losa sig við óarðbær hross og vildi
hann hvetja menn bæði til sjávar og
sveita að ganga einarðlega fram í að
fækka hrossum. Aðspurður um það
hvort hann þyrfti ekki að fækka
hrossum sjálfur sagðist hann hafa
fellt 80 hross á síðasta ári og það sem
af væri þessu ári hefði þegar fargað
28 hrossum og hann væri ennþá að
brýna hnífinn. „Ég þarf að fækka
meira,“ sagði formaður Félags
hrossabænda.
Sátt og samlyndi
hjá hrossabændum
FÁKSMENN héldu á föstudag og
laugardag sitt árlega nýhestamót
þar sem keppt er í fjór- og fimm-
gangi, en auk þess var keppt í tölti,
slaktaumatölti og gæðingaskeiði
þar sem mótið var um leið hluti af
alþjóðlegri dómararáðstefnu og
haldið í samvinnu við Hestaíþrótta-
dómarafélagið.
Í töltinu var keppt í þremur
flokkum og má nú sjá þess merki
að verið er að laða nýtt fólk í
keppni því í flokki III eru nöfn sem
óþekkt eru á vettvangi keppnis-
mennskunnar. Sú styrkleikaflokk-
un sem reynd hefur verið til þess
virðist ekki hafa gengið nógu langt
til að lokka ný andlit í hópinn en
svo virðist sem Fáksmenn séu að
rata inn á rétta braut. Mótið tókst
vel í alla staði enda veður og að-
stæður góðar. Þá eru Fáksmenn
einnig iðnir við að bjóða upp á opin
mót en líklegt er að í framtíðinni
muni lokuð félagsmót heyra sög-
unni til.
Á laugardagskvöldið var haldið
svokallað kvennatölt í Reiðhöllinni
í Glaðheimum í Kópavogi og eins
og nafnið ber með sér voru ein-
göngu konur meðal keppenda.
Þátttaka var sérlega góð og ágæt
mæting í „brekkuna“ þótt ekki hafi
þar verið setið hvert sæti.
Geysir í Rangárvallasýslu hélt
sitt síðasta vetrarmót og lauk þar
með stigakeppni vetrarins. Nú var
í fyrsta skipti boðið upp á ung-
hrossakeppni þar sem hross fædd
1996 komu fram.
Smári í Hreppum hélt sitt seinna
punktamót eins og þeir kalla það.
Þar var jafnframt valinn gæðingur
vetrarins sem var Sunna frá Vorsa-
bæ I en eigandi og knapi var Unn-
ur Lísa Schram.
Morgunblaðið/Valdimar
Sigurreifar áhugakonur, f.v.: Oddrún á Náttfara, Gréta á Kolgrímu, Hulda á Dimmu,
Þórunn á Gæfu, Freyja á Kópi og Vigdís á Jarlhettu.
Nýhestamót og kvennatölt
Þær eru sigursælar, Birgitta og
Birta frá Hvolsvelli, en þær sigr-
uðu í opnum flokki.