Morgunblaðið - 19.04.2001, Blaðsíða 11

FRÉTTIR
MORGUNBLAÐIÐ FIMMTUDAGUR 19. APRÍL 2001 11
Lýðræði - hugsjón og veruleiki
Fjórða valdið
Þriðji fundur í fundaröð Samfylkingarinnar um lýðræðismál
í Norræna húsinu laugardaginn 21. apríl kl. 11-14.
Dagskrá:
1. Ávarp, Bryndís Hlöðversdóttir,
formaður þingflokks Samfylkingarinnar.
2. Hlutverk fjölmiðla í lýðræðisþjóðfélagi
Herdís Þorgeirsdóttir, fjölmiðlafræðingur, fjallar um lögskipað
hlutverk fjölmiðla í lýðræðissamfélagi og nauðsyn þess að tryggja
raunverulegt frelsi þeirra.
3. Fjölmiðlar - staða þeirra í íslensku samfélagi
Þór Jónsson, fréttamaður og varaformaður BÍ, fjallar um stöðu
fjölmiðla í íslensku samfélagi.
4. Eignarhald og ritstjórnarstefna
Þorbjörn Broddason, prófessor í félagsfræði,
fjallar um eignarhald á fjölmiðlum.
Brynhildur Þórarinsdóttir, ritstjóri, stýrir umræðum í pallborði að
loknum framsögum.
Allir velkomnir
www.samfylking.is
NÍU eyjar og hólmar á Breiðafirði í
eigu Stykkishólmsbæjar verða aug-
lýstar til sölu um næstu helgi og
verða seldar ef viðunandi tilboð fást.
Eyjarnar hafa fram að þessu verið
leigðar til fjögurra ára i senn og hafa
leigjendur notað þær til eggja- og
fuglatekju og til beitar. Engin hús
eru í eyjunum. Eyjarnar og hólm-
arnir eru Þórishólmi, Þormóðseyjar-
klettur, Leiðólfsey, Siglugrímur,
Ljótunshólmi, Loðinshólmi, Freðin-
skeggi, Tindsker og Hvítabjarnarey.
Óli Jón Gunnarsson, bæjarstjóri
Stykkishólmsbæjar, segist ekki geta
gefið upp söluverð, það ráðist af
þeim tilboðum sem hugsanlega ber-
ist.

        






 

  


   

    
  


 ! "     #
Níu eyjar til sölu
NAUTIÐ Guttormur, sem býr í
Húsdýragarðinum í Laugardal í
Reykjavík, hefur nú slegið þyngd-
armet sitt enn og aftur.
Samkvæmt upplýsingum frá
starfsmönnum Húsdýragarðsins
hefur Guttormur verið upp á sitt
besta með vorinu og er nú orðinn
942 kg. Hann hefur nú þyngst um 32
kg á tæpum þremur mánuðum og er
að því best er vitað stærsta og
þyngsta íslenska naut á Íslandi.
Guttormur er ættaður frá Eystri-
Sólheimum í Vestur-Skaftafells-
sýslu. Ekki er vitað hver faðir hans
er en móðir hans hét Auðhumla.
Móðir Auðhumlu varð 13 vetra göm-
ul sem er vel yfir meðalaldri ís-
lenskra kúa.
Þess má til gamans geta að frétta-
stofa Útvarps greindi frá því í þrjú-
fréttum gær að Guttormur hefði ver-
ið veginn. Barst fjöldi fyrirspurna
vegna fréttarinnar og áréttaði
fréttastofan í fjögurfréttum að Gutt-
ormur hefði ekki verið felldur held-
ur veginn og reynst vera 924 kíló.
Morgunblaðið/Ásdís
Guttormur
slær eigið
þyngdarmet
HANNES Karlsson, deildarstjóri
Nettóverslana, segir að Nettó hafi
nokkrum sinnum haft samband við
Flúðasveppi og það sé því rangt hjá
framkvæmdastjóra Flúðasveppa,
Ragnari Kristni Kristjánssyni, sem
fram komi í Morgunblaðinu í gær að
Nettó hafi ekki haft samband.
Hannes sagði að það væri rétt að
hann hefði ekki sjálfur persónulega
haft samband við Ragnar enda sner-
ist þetta ekki um hans persónu. Hins
vegar hefðu aðilar frá Nettó nokkr-
um sinnum haft samband og nú síð-
ast Sigmundur Ófeigsson, fram-
kvæmdastjóri fyrir Matbæ, eiganda
Nettó.
„Hann meira að segja heimsótti
hann, skoðaði hjá honum stöðina og
ræddi við hann um kjör. Þá kom
fram að það væri ekki áhugi hjá hon-
um að selja okkur beint heldur yrð-
um við að kaupa í gegnum Sölufélag-
ið. Þannig að það sem hann heldur
fram þarna er bara rangt,“ sagði
Hannes.
Hann sagði að þessi aðili, Flúða-
sveppir, byggi við lögbundna einok-
un í skjóli stjórnvalda. Flúðasveppir
gætu hagað framleiðslu sinni þannig
að erfitt væri fyrir aðra að flyta vör-
una inn en tollur á sveppi væri 7,5%
og síðan kæmi 100 kr. magntollur til
viðbótar á hvert kíló.
Hannes vísaði jafnframt í úrskurð
samkeppnisráðs varðandi kærumál
Félags íslenskra stórkaupmanna
vegna Flúðasveppa, nr. 17 frá 1994.
Þar kæmi fram að Flúðasveppir
hefðu þá eingöngu verið að selja
Sölufélaginu annars vegar og hins
vegar Hagkaupi. Flúðasveppir hefðu
þannig verið að mismuna smásölunni
á þeim tíma og hann vissi ekki til að
það hefði orðið nokkur breyting á í
þeim efnum.
Deildarstjóri Nettóverslana
Nettó hefur
nokkrum sinnum
haft samband
UMBOÐSMAÐUR Alþingis hefur
komist að þeirri niðurstöðu að kæru-
nefnd fjöleignahúsamála hafi verið
óheimilt að vísa frá máli eins íbúðar-
eiganda sem stóð í ágreiningi við sitt
húsfélag. Kærunefndin vísaði frá
beiðni mannsins um álitsgerð vegna
ágreinings hans við húsfélagið. Um-
boðsmaður hefur beint þeim tilmæl-
um til nefndarinnar að hún taki mál
íbúðareigandans til skoðunar að
nýju komi fram ósk um það. Við þá
athugun verði tekið mið af þeim
sjónarmiðum sem koma fram í áliti
umboðsmanns.
Umræddur íbúðareigandi leitaði
til umboðsmanns Alþingis í ágúst
1999 og kvartaði undan frávísun
kærunefndarinnar. Taldi maðurinn
að nefndinni hefði borið að taka
beiðni hans fyrir þar sem hún varð-
aði ágreining um skiptingu sameig-
inlegs kostnaðar og inneign hans í
hússjóði eða leiðbeina honum hefðu
annmarkar verið á málatilbúnaði
hans og gefa honum frest til að bæta
úr þeim áður en hún vísaði beiðni
hans frá.
Um ástæður frávísunar segir m.a.
í bréfi kærunefndar að samkvæmt
lögum um fjöleignarhús hvíli sú
skylda á stjórn húsfélaga að veita
eigendum upplýsingar og skýringar
um öll atriði er varða málefni hús-
félagsins. Hér sé því ekki um að
ræða ágreining sem falli innan verk-
sviðs nefndarinnar heldur atriði sem
beri að leita skýringa á hjá stjórn
húsfélagsins.
Fenginn verði
utanaðkomandi aðili
Síðan segir svo í þessu sama bréfi:
„Vegna ítrekaðra erinda yðar til
nefndarinnar vill nefndin benda á að
komi upp ágreiningur milli eigenda
fjöleignarhúss er rétt að boða til hús-
fundar, ræða málin og reyna að ná
sáttum. Ef eigendur treysta sér ekki
til þess að ræða málin sín á milli
verður að fá utanaðkomandi aðila til
að halda fund með aðilum og reyna
að ná sáttum. Rétt er á slíkum fundi
að bera upp öll þau ágreiningsmál
sem eru á milli aðila og reyna að
finna lausn á þeim.“
Umboðsmaður Alþingis kemst að
þeirri niðurstöðu að erindi íbúðar-
eigandans hafi lotið að ágreiningi um
réttindi og skyldur samkvæmt lög-
um um fjöleignarhús og því hafi
hann með réttu getað óskað álits-
gerðar kærunefndarinnar. Nefnd-
inni hafi borið að leiðbeina honum og
gefa honum frest til að bæta úr ágöll-
um á erindi hans til nefndarinnar,
hafi málatilbúnaður hans ekki verið
fullnægjandi.
Umboðsmaður Alþingis um
kærunefnd fjöleignahúsamála
Nefndinni
óheimilt að vísa
einu máli frá
TAL hefur gengið frá samningi við
Deutsche Telekom um GPRS-reiki-
þjónustu. Samningurinn þýðir að
viðskiptavinir Tals á ferð erlendis
geta innan tíðar verið í þráðlausu
og sítengdu netsambandi með Tal
GPRS/GSM-símtækjum sínum.
„Deutsche Telekom hefur sett
upp miðstöð fyrir GPRS-reikiþjón-
ustu og mun TAL tengjast henni.
Tengimiðstöðin sér síðan um
gagnaflutning á milli Tals og ann-
arra fjarskiptafyrirtækja sem
tengjast Deutsche Telekom. Öll
uppsetning verður gagnsæ fyrir
notandann þannig að hann þarf
ekki að endurstilla GPRS-tækið
þegar hann er að ferðast. Fyrir-
komulagið er því með svipuðum
hætti og þegar ferðast er með
venjulega GSM-síma erlendis,“
segir í frétt frá Tali.
Tal semur um reiki-
þjónustu erlendis