Morgunblaðið - 27.04.2001, Qupperneq 20

LANDIÐ
20 FÖSTUDAGUR 27. APRÍL 2001 MORGUNBLAÐIÐ
Borgarnesi - Engin endanleg ákvörð-
un hefur enn verið tekin um það hvort
þjóðvegur 1 um Borgarnes verði
færður til og lagður meðfram Borg-
arnesi eða haldi sér í núverandi legu
með hraðalækkandi aðgerðum og er
hvorugur möguleikinn útilokaður.
Kynningarfundur um málefnið var
haldinn á Hótel Borgarnesi þriðju-
dagskvöldið 24. apríl sl. þar sem
Borgnesingar fjölmenntu til að fræð-
ast um innihald skýrslunnar ,,Þjóð-
vegur 1 um Borgarnes, samanburður
valkosta“. Skýrslan er afrakstur sam-
starfsnefndar bæjarstjórnar Borgar-
byggðar og Vegagerðarinnar, sk.
Borgarnesnefnd, sem tók til starfa
haustið 1999 og lauk nýverið sínum
störfum með útgáfu ofangreindrar
skýrslu. Markmið nefndarinnar var
að athuga helstu valkosti á framtíð-
arlegu Þjóðvegar 1 um Borgarnes.
Samkvæmt skýrslunni er stillt upp
tveimur valkostum, leið A; sem er
lagfæring á núverandi vegi með því
að útbúa hringtorg, þrengingar og
aðrar aðgerðir sem lúta að því að
hægja á umferð og draga úr slysa-
hættu. Þetta nefnist hverfisvæn leið
og jafnframt var fjallað um danskar
fyrirmyndir á þessu sviði. Hin leiðin
B; er að leggja veg í sveig meðfram
ströndinni á uppfyllingu sem gerir
það að verkum að vegfarendur þurfa
ekki að lúta hraðatakmörkunum
nema á hringtorgi við enda Borgar-
fjarðarbrúar. Forsendur við gerð
skýrslunnar tóku mið af áhrifum val-
kostanna á; umferð, umferðarspám,
fólksfjölda, verslun og þjónustu, líf-
ríki og fornleifum.
Mikill munur á kostnaði
Kynning skýrslunnar var í höndum
Guðrúnar Drafnar Gunnarsdóttur og
Arnar Steinars Sigurðssonar frá VST
auk Richards Ólafs Briem frá VA
arkitektum. Þar kom fram að kostn-
aður við leið A er talinn nema ca. 124
milljónum króna en við leið B. 438
milljónum. Hins vegar eru metnar
tekjur af leið A ekki nema 10 milljónir
en af leið B 118 milljónir. Þarna er
lagt til grundvallar; ferðatími, vega-
lengd, óhappatíðni o.s.frv. Skýrsluna
má kynna sér í smáatriðum á heima-
síðu Borgarbyggðar www.borgar-
byggd.is.
Eftir formlega kynningu gafst
fundarmönnum kostur á að koma
með fyrirspurnir og tjá sig um þessar
leiðir eða benda á aðrar leiðir. Skipt-
ar skoðanir komu fram og fannst
mörgum ekki góður kostur að leiða
umferðina framhjá Borgarnesi eins
og leið B felur í sér. Aðrir fundargest-
ir voru á því að slæmt væri kljúfa
bæjarfélagið í tvennt eins og óhjá-
kvæmilega gerist þar sem um þunga
umferðargötu er að ræða. Ræddu
menn ennfremur um lausnir eins og
t.d. undirgöng fyrir gangandi vegfar-
endur. Í lok fundar sagði Stefán
Kalmansson bæjarstjóri búast við því
að framkvæmdir við leið A myndu
hefjast innan tveggja til þriggja ára,
enda þyrfti hvort eð er að ráðast í
endurbætur á núverandi vegi. Hins
vegar væri ljóst að leið B þarf að
komast inn á langtímaáætlun fyrr eða
síðar. Magnús Valur Jóhannsson um-
dæmisstjóri Vegagerðarinnar benti á
að vegaáætlun yrði endurskoðuð
næsta vetur og að mati Vegagerðar-
innar væri óhjákvæmilegt annað en
að hafa aðra leið framhjá Borgarnesi
sé til lengri tíma litið.
Ný skýrsla kynnt um legu þjóðvegar 1 um Borgarnes, þar sem valkostir eru bornir saman
Morgunblaðið/Guðrún Vala
Frá kynningarfundinum um skýrslu þjóðvegar 1 um Borgarnes sem fram fór á Hótel Borgarnesi.
Til greina kemur
að leggja veginn
framhjá bænum
 



 
 
 
 








  









 
Bolungarvík - Skólahljómsveit
Mosfellsbæjar, skipuð fjörutíu og
fimm hljóðfæraleikurum, var í
heimsókn í Bolungarvík um sl.
helgi þar sem sveitin lék fyrir
nemendur í grunnskóla Bolung-
arvíkur og í grunnskólanum á
Ísafirði einnig léku Mosfelling-
arnir fyrir utan Gamla apótekið,
menningarhús ungs fólks á Ísa-
firði, á ársafmæli þess sl. föstu-
dag.
Lokatónleikarnir voru svo á
laugardag en þá léku saman í
Víkurbæ í Bolungarvík skóla-
hljómsveit Mosfellsbæjar, Sérsveit
Ísafjarðar og Bolungarvíkur og
blástursveit fjórða bekkjar grunn-
skóla Bolungarvíkur. Að sögn
Birgis D. Sveinssonar, stjórnanda
skólahljómsveitar Mosfellsbæjar
og fyrrverandi skólastjóra Varm-
árskóla, eru um 120 grunn-
skólanemar í Varmárskóla í
þremur skólahjómsveitum undir
hans stjórn. Í Mosfellsbæ hefur á
mörgum undanförnum árum ver-
ið lögð rækt við tónlistarnám inn-
an veggja grunnskólans. Haldið
er úti byrjendadeild, mið-
skóladeild og eldri deild lúðra-
sveita og er komið saman tvisvar
í viku til samæfinga. Liðkað er til
fyrir nemendur til að sækja spila-
tíma innan skólatíma. Á hverju
ári er farið í tónleikaferðir innan-
lands en eldri deildin fer gjarnan
í tónleikaferðir til útlanda þegar
færi gefst. Birgir sagði að ferðin
nú hingað vestur væri auk þess
að vera tónleikaferð ekki síður
farin til að leggja lið uppbygg-
ingu skólalúðrasveita hér fyrir
vestan og í leiðinni að undirbúa
þátttöku í landsmóti skólalúðra-
sveita sem haldið verður í Kefla-
vík dagana 1. til 3. júní nk. en
þar verða samankomnir hátt í
átta hundruð meðlimir skóla-
lúðrasveita víðsvegar af landinu.
Birgir sagði að það hefði svo
sannarlega verið þess virði að
koma hingað vestur, móttökurnar
og gestrisnin sem við höfum notið
bæði hér í Bolungarvík og á Ísa-
firði hafa verið frábærar og fyrir
það erum við þakklát. Húsfyllir
var á tónleikum hjómsveitanna
þriggja og góður rómur gerður
að þeirri hressu og líflegu lúðra-
sveitatónlist sem tónleikagestum
var boðið uppá.
Skóla-
hljómsveit
Mosfells-
bæjar í
heimsókn
Morgunblaðið/Gunnar Hallsson
Tómas Eggertsson, stjórnandi lúðrasveitanna í Bolungarvík og Ísafirði,
Kristinn Níelsson, skólastjóri Tónlistarskóla Ísafjarðar, Soffía Vagns-
dóttir, skólastjóri Tónlistarskóla Bolungarvíkur, og Birgir D. Sveins-
son, stjórnandi skólahljómsveitar Mosfellsbæjar.
Morgunblaðið/Gunnar Hallsson
Skólahljómsveit Mosfellsbæjar ásamt sérsveit Ísafjarðar og Bolungar-
víkur á tónleikum í Víkurbæ í Bolungarvík.
Árneshreppi - Sumardaginn
fyrsta var mikið um að fólk færi
aftur til síns heima eftir
páskafrí með flugi og svo var
líka héðan úr hreppnum. Svo
skemmtilega vildi til að sam-
einað var flug til Bíldudals og
Gjögurs þennan sólardag og
kom stærsta flugvél sem lent
hefur á Gjögurflugvelli ATR 46
sæta vél Flugleiða hingað en Ís-
landsflug hefur flogið á Dornier
19 manna vél eftir að það tók
við flugi aftur af Leiguflugi Ís-
leifs Ottesen á vordögum. Fólki
þótti þetta sniðugt og frábært
að fara með þetta stórri vél í
stað 9 til 12 manna véla hér fyrr
í vetur. Svo kom þessi sama vél
í fyrradag 24–4 í áætlun hingað
á Gjögur og náði þá fréttaritari
þessari mynd af vélinni.
Stærsta flugvél sem lent
hefur á Gjögurflugvelli
Borgarnesi – Það er búið að vera
mikið fjör hjá krökkunum í kór
Grunnskóla Borgarness en þau
settu upp söngleikinn „Rúmbi risa-
eðla“. Söngleikurinn er eftir Sue
Heaser að viðbættum fáeinum per-
sónum og texta eftir Sigríði Jóns-
dóttur og tónlist eftir Birnu Þor-
steinsdóttur. Birna er stjórnandi
kórsins og jafnframt leikstjóri
söngleiksins.
Söngleikurinn fjallar um risaeðl-
ur og menn en til að rugla ekki
áhorfendur er tekið fram að þessar
tvær tegundir hafi ekki verið uppi á
sama tíma.
Risaeðlur í Borgarnesi
Morgunblaðið/Guðrún Vala