Morgunblaðið - 27.04.2001, Page 24
ÚR VERINU
24 FÖSTUDAGUR 27. APRÍL 2001 MORGUNBLAÐIÐ
ÚTHAFSKARFAVEIÐIN á
Reykjaneshrygg hefur lítið glæðst
undanfarna daga. Nú eru um 30 er-
lend skip á veiðunum, rétt utan ís-
lensku landhelgislínunnar.
Kristján Helgason, skipstjóri á
togaranum Polar Siglir, sagði í sam-
tali við Morgunblaðið gær að aflinn
væri að jafnaði um eitt tonn á tog-
tímann en færi upp í tvö tonn hjá
einstaka skipum. Hann segir hita-
stig sjávar nokkuð hærra en í fyrra,
karfinn veiðist jafnan í kuldaskilum
en þeirra hafi ekki orðið vart ennþá.
„Skipin hafa flest verið að draga á
sama blettinum og það hefur lítið
verið leitað annarsstaðar. Við höfum
reynt að leita víðar á svæðinu, bæði
innan og utan línunnar, en það virð-
ist allsstaðar vera of hlýr sjór, mun
hlýrri en var á þessu svæði í fyrra.
Það er hinsvegar ekki mikið að
marka, enda erum við eina skipið
sem hefur leitað innan lögsögunnar.
Þetta er eins og leita að saumnál í
heystakki.“
Vantar íslensku skipin
Kristján segir þetta ástand hins-
vegar ekkert óvenjulegt og að því
þurfi enginn að örvænta ennþá. „Það
fékkst hér góður afli á sama tíma í
fyrra en hann er greinilega seinna á
ferðinni í ár. Ég hef nú ekki teljandi
áhyggjur af þessu, aflabrögðin
hljóta að glæðast þegar kemur fram
í maí. Hinsvegar getur leynst karfi
innan lögsögunnar en það er bara of
erfitt fyrir eitt skip að leita að hon-
um. Það er því ekki hægt að segja til
um hvort íslensku skipin eru að
missa af einhverju í verkfallinu. En
vonandi komast þau hingað á
Hrygginn sem fyrst,“ sagði Kristján
skipstjóri.
Ljósmynd/Jón Páll Ásgeirsson
Um 30 erlend skip eru nú að veiðum á Reykjaneshrygg, flest frá Rússlandi, Þýskalandi, Spáni og Noregi.
Enn fremur dræmt
á Hryggnum
FYRSTI aðalfundur Fiskmarkaðar
Íslands var haldinn í Stykkishólmi 20.
apríl sl. Í skýrslu formanns félagsins,
Sigurbjarnar Svavarssonar, kom
fram að Fiskmarkaður Íslands varð
strax við stofnun stærsti fiskmarkað-
ur á Íslandi og má áætla að hlutdeild
hans nemi 36–38% af því magni sem
selt er á fiskmörkuðum hér á landi.
Tilurð Fiskmarkaðar Íslands er til-
komin með sameiningu þriggja
markaða. Í byrjun síðasta árs keypti
Fiskmarkaður Breiðafjarðar öll
hlutabréf Fiskmarkaðs Snæfellsness
og var rekstur þeirra sameinaður. Á
síðari hluta ársins var síðan ákveðið
að sameina Fiskmarkað Breiðafjarð-
ar og Faxamarkað undir nafninu
Fiskmarkaður Íslands. Höfuðstöðvar
félagsins er í Ólafsvík. Fiskmarkað-
urinn starfar á sjö stöðum í Stykk-
ishólmi, Grundarfirði, Ólafsvík, Rifi,
Arnarstapa, Akranesi og Reykjavík.
Afkoma síðasta árs var aðeins
rúmar fjórar milljónir króna og segja
forsvarsmenn félagsins að hún sé alls
ekki vera viðunandi. Rekstrargjöld
bera merki kostnaðar við hinar miklu
sameiningar. Gera varð m.a. starfs-
lokasamninga við framkvæmdastjóra
tveggja félaga. Miðað við hvernig
þetta fyrsta starfsár félagsins byrjar
er útlit fyrir að hluthafar félagsins
muni hafa betri arð af félaginu í ár en
í fyrra.
Í fyrra voru seld 27.571 tonn af
fiski fyrir 3.506 milljónir króna og var
meðalverð 127.20 krónur. Hagnaður
af rekstri nam tæpum 4,2 milljónum
króna. Á aðalfundinum var samþykkt
að greiða 5% arð til hluthafa, en þeir
voru í árslok 229 og átti enginn meira
en 10% hlutafjár. Framkvæmdastjóri
Fiskmarkaðar Íslands er Tryggvi
Leifur Óttarsson.
Morgunblaðið/Gunnlaugur Árnason
Á fyrsta aðalfundi Fiskmarkaðar Íslands var kjörin ný stjórn. Á myndinni eru stjórn og framkvæmdastjóri. Sitj-
andi eru Sigurbjörn Svavarsson formaður og Tryggvi Leifur Óttarsson framkvæmdastjóri og í aftari röð eru
aðrir stjórnarmenn; Sævar Friðþjófsson, Jón Ásbjörnsson, Guðmundur Smári Guðmundsson, Páll Ingólfsson og
Bæring Guðmundsson. Hluthafar eru 229 og á enginn þeirra meira en 10% hlutafjár.
Bjartari horfur hjá
Fiskmarkaði Íslands
Stykkishólmi. Morgunblaðið.
VIÐSKIPTI
STJÓRN Verðbréfaþings Íslands
hefur fjallað um afkomu Marels hf.
árið 2000 sem tilkynnt var þinginu
12. mars. Afkoman reyndist lakari
en vænta mátti á grundvelli þeirra
upplýsinga sem félagið hafði áður
birt opinberlega og lækkaði verð
hlutabréfa félagsins verulega í kjöl-
far afkomutilkynningarinnar. Í nóv-
ember 2000 bauð Marel út nýtt
hlutafé. Útboðinu lauk 1. desember.
Í útboðs- og skráningarlýsingu
félagsins segir m.a.: „Markmið Mar-
els er að vaxa um að meðaltali a.m.k.
15% milli ára og að rekstrarhagn-
aður fyrir skatta og fjármagnsliði
verði á bilinu 8-12% af veltu. Horfur
eru á að þessi liður verði um 8% á
árinu 2000. Ekki er þó búist við að
markmið um vöxt náist á árinu 2000
eftir 50% innri vöxt á árinu 1999.
Finnur Sveinbjörnsson, fram-
kvæmdastjóri Verðbréfaþings Ís-
lands, segir að frá félaginu hafi eng-
ar vísbendingar borist um að
þessum markmiðum rekstraráætl-
unar yrði ekki náð fyrr en við birt-
ingu afkomufréttarinnar. Af hálfu
Verðbréfaþings hafi því verið talið
nauðsynlegt að kanna málið frá
tveimur sjónarhornum. Í fyrsta lagi
hvernig staðið hafi verið að gerð út-
boðs- og skráningarlýsingarinnar. Í
öðru lagi hvort félaginu hafi borið
skylda til að birta afkomuviðvörun.
Gera ekki athugasemd
við útboðslýsingu
Finnur segir að óskað hafi verið
eftir upplýsingum um það hvernig
staðið var að vinnu við gerð útboðs-
og skráningarlýsingar félagsins.
„Starfsmenn þingsins áttu bæði
fundi og stóðu í bréfaskriftum við
forsvarsmenn Marels og starfsmenn
Búnaðarbankans sem höfðu umsjón
með útboði Marels í nóvember. Ósk-
að var eftir skýringum félagsins á
því ósamræmi sem er milli áætlana
félagsins og afkomu ársins 2000, sér-
staklega í ljósi þess hve langt var lið-
ið á reikningsárið þegar þegar félag-
ið birti útboðs-og skráningarlýsingu.
Fengust þær skýringar að salan
hefði reynst heldur minni en reiknað
var með í áætlun og jafnframt seink-
aði afhendingum, sem leiddi til þess
að minna var tekjufært á árinu 2000.
Verðbréfaþing telur ekki ástæðu til
annars en að ætla að útboðs- og
skráningarlýsing Marels hafi verið
samin af fullum heilindum.
Afkomuviðvörun eðlileg
Hins vegar telur þingið það óvið-
unandi að félagið skyldi ekki birta
upplýsingar um að markmið rekstr-
aráætlunar næðust ekki fyrr en við
birtingu fréttar um afkomu ársins
2000. Að mati þingsins mátti for-
svarsmönnum félagsins vera ljóst
fljótlega eftir að rekstrarárinu 2000
lauk að frávik yrðu. Því er félagið
átalið fyrir að hafa ekki birt afkomu-
viðvörun, skv. 21. gr. reglna þingsins
um upplýsingaskyldu.“
Hörður Arnarson, forstjóri Mar-
els, segist vera mjög hissa á áminn-
ingu Verðbréfaþingsins en að öðru
leyti vilji hann ekki tjá sig sérstak-
lega um málið, því sé nú lokið með
tilkynningu Verðbréfaþingsins.
Aðspurður segir Finnur að frá
árinu 1998 hafi komið upp nokkur
tilvik þar sem Verðbréfaþingið hafi
séð ástæðu til þess að áminna fyr-
irtæki.
Sem dæmi megi nefna að þingið
hafi talið að orðalag í jákvæðri af-
komuviðvörun sem Búnaðarbankinn
birti í desember 1999 hafi ekki verið
nægilega skýrt. „ Í júní 1999 var birt
yfirlýsing vegna reikningsskila Mar-
el og í nóvember 1998 vegna skrán-
ingarlýsingar sem Íslenskar sjávar-
afurðir og Landsbanki Íslands stóðu
að. Þá hafa nokkrir þingaðilar verið
áminntir vegna misbrests á að þeir
tilkynntu um utanþingsviðskipti í
samræmi við reglur þingsins.“
Stjórn Verð-
bréfaþings
áminnir Marel
Afkoman lakari en vænta mátti