Morgunblaðið - 12.06.2001, Qupperneq 72

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 12. JÚNÍ 2001 VERÐ Í LAUSASÖLU 165 KR. MEÐ VSK.
Á EYJUNNI Klofningi, rétt vestan við Flatey á Breiða-
firði, er mikil skarfa- og ritubyggð. Þar standa nú yfir
tökur á heimildarmynd um toppskarfinn og heimkynni
hans.
Skarfurinn er stór og mikill fugl eins og sést hér þar
sem Helgi Berg, sem vinnur við gerð myndarinnar,
heldur á tveimur tveggja vikna gömlum skarfsungum,
sem eru engin smásmíði þrátt fyrir ungan aldur.
Morgunblaðið/Friðþjófur
Stórir ungar
JIM Hensel, aðstoðarforstjóri Columbia Vent-
ures, móðurfélags Norðuráls, segir félagið nú
huga að fleiri fjárfestingarkostum en frekari
stækkun álversins á Grundartanga. Hann segir að
þriðji og fjórði áfangi álversins hafi um nokkurt
skeið verið efstir á forgangslista fyrirtækisins, en
vegna óvissu um vilja íslenskra stjórnvalda og raf-
orkusölu séu nú fleiri kostir í myndinni. Hensel
tekur þó fram að nokkur gangur sé í viðræðunum
við íslensk stjórnvöld nú um stundir og meira hafi
þokast á undanförnum vikum en um langa hríð þar
á undan.
Valgerður Sverrisdóttir, iðnaðarráðherra,
gangsetti með formlegum hætti annan áfanga ál-
versins í gær, en við það eykst framleiðslugeta
fyrirtækisins á ársgrundvelli um 50%, eða úr 60
þúsund tonnum í 90 þúsund tonn. Við stækkunina
fjölgar starfsfólki álversins um 50 og útflutnings-
tekjur aukast um tæpa fimm milljarða kr. á ári.
Skýrari mynd um mánaðamót
Viðræður hafa staðið yfir um nokkurt skeið um
þriðja áfanga álversins, stækkun upp í 180 þúsund
tonna ársframleiðslu og Hensel segir að skýrari
mynd af framhaldinu verði að liggja fyrir í lok
mánaðarins.
„Við væntum þess að fyrir lok mánaðarins liggi
fyrir hvað stjórnvöld ætlast fyrir í þessu máli og
hvaða möguleika þau eiga á að koma til móts við
okkur,“ sagði Hensel, sem er stjórnarformaður
Norðuráls, við Morgunblaðið í gær.
Hann lagði áherslu á að enn væri langt í land;
enn væri eftir að semja um raforkuverð sem miklu
skipti um hagkvæmni framkvæmdanna og ekki
væri ljóst hvaða virkjunarkostir séu í boði til að
mæta raforkuþörf vegna stækkunarinnar. Hensel
segir að Columbia Ventures hafi ekki leitað hóf-
anna um uppbyggingu í álframleiðslu annars stað-
ar, en upp á síðkastið hafi fleiri fjárfestingarkostir
komið til umræðu, svo sem á sviði fjarskipta.
Hann segir að framan af hafi stækkun álversins
á Grundartanga notið forgangs í stefnumótun fyr-
irtækisins, en það hafi nú breyst vegna ýmissa
óvissuþátta.
Leitað til þriðja aðila
Hensel upplýsti einnig að Columbia hefði í
hyggju að leita til þriðja aðila um að standa í sam-
einingu að stækkun álversins, verði af henni. „Um
leið og einhver niðurstaða liggur fyrir í viðræðum
okkar við stjórnvöld og Landsvirkjun munum við
ræða við mögulega viðskiptafélaga og leita leiða til
að standa að frekari uppbyggingu á Grundar-
tanga.“
Hensel sagði að margt kæmi til greina í þeim
efnum; mögulegt samstarf við önnur málmfram-
leiðslufyrirtæki eða fagfjárfesta og eins kæmi til
greina að selja hlut í Norðuráli til að styrkja fyr-
irtækið og afla framkvæmdafjár.
Annar áfangi álvers Columbia Ventures á Grundartanga gangsettur í gær
Fyrirtækið skoðar
fleiri fjárfestingarkosti
Morgunblaðið/Árni Sæberg

Stjórnvöld /13
FRYSTITOGARINN Júlíus Geir-
mundsson ÍS 270 kom til heimahafn-
ar á Ísafirði á föstudag úr metveiði-
ferð en aflaverðmæti veiðiferð-
arinnar er áætlað um 160 milljónir
króna. Ætla má að hásetahluturinn
eftir veiðiferðina sé u.þ.b. 1,6 millj-
ónir króna. Aflinn fékkst á hinu svo-
kallaða Hampiðjutorgi, djúpt vestur
af Vestfjörðum, og er uppistaða
aflans grálúða. Að sögn Sverris Pét-
urssonar, útgerðarstjóra hjá Hrað-
frystihúsinu Gunnvöru, hófst veiði-
ferðin um leið og verkfalli sjómanna
lauk 16. maí sl. og stóð hún því í 24
sólarhringa. Aflaverðmæti á sólar-
hring var því í kringum 6,7 milljónir
króna. „Það hefur verið mjög góð
grálúðuveiði að undanförnu. Fyrstu
daga veiðiferðarinnar var aflinn það
mikill að skipið var á reki á meðan
aflinn var unninn enda höfðu frysti-
tækin ekki undan. Skipið var lengst
níu klukkustundir samfellt á reki í
veiðiferðinni. Þeir voru að fá allt upp
í 15 tonn í hali en í heildina eru þetta
um það bil 600 tonn upp úr sjó,“ segir
Sverrir.
Skipstjóri á Júlíusi Geirmunds-
syni ÍS er Gunnar Arnórsson.
Mettúr hjá frystitogaranum Júlíusi Geirmundssyni ÍS
160 milljónir á 24 dögum
STARFSMÖNNUM fækkar
um fjórðung, eða úr 270 í 200,
við fyrirhugaða sameiningu
Tæknivals hf. og Aco hf. Í
fréttatilkynningu vegna sam-
einingarinnar segir að starfs-
mannabreytingar séu flestar
um garð gengnar og að þær hafi
ýmist gerst um áramót eða á
fyrstu fjórum mánuðum þessa
árs.
Nefnd, sem stjórnir beggja
félaga skipuðu fulltrúa í, hefur
lagt til að félögin verið samein-
uð og verður sameiningin lögð
fyrir hluthafafund Tæknivals
19. júní en stærstu hluthafar
Aco hafa þegar samþykkt sam-
eininguna. Tillaga verður gerð
um að Tæknival auki hlutafé sitt
og verði sú aukning bæði notuð
til kaupa á öllu hlutafé Aco og til
að selja nýjum aðilum.
Aco og Tæknival
sameinast
Starfs-
mönnum
fækkar um
fjórðung

Tæknival með/23
Í DAG hefst í Þýskalandi sala á
samheitalyfi frá Delta hf., en á mið-
nætti rann út einkaleyfi fyrir of-
næmislyfið Loratadine þar í landi.
Að sögn forstjóra Deltu, Róberts
Wessmanns, er Delta fyrsta fyrir-
tækið til að fá leyfi til sölu á sam-
heitalyfi fyrir Loratadine í Þýska-
landi. Stefnt er að því að
samheitalyfið verði komið í versl-
anir um allt Þýskaland í dag, en í
nótt flugu þangað tvær þotur með
samtals 50 milljónir taflna að and-
virði 340 milljónir íslenskra króna.
Frekari sókn Deltu inn á Þýska-
landsmarkað er áætluð í ágúst, en
þá mun fyrirtækið markaðssetja þar
sýklalyf. Að sögn forstjóra fyrirtæk-
isins eru áætlanir einnig uppi um að
hafin verði sala til Bandaríkjanna
innan tveggja ára. Þar séu gerðar
aðrar kröfur en í Evrópu en fyr-
irtækið hafi byggt verksmiðju sína
með sókn þangað í huga.
Delta fyrst
með sam-
heitalyf til
Þýskalands

Ofnæmistöflur/24
FJÓRAR af stærstu listastofnunum
þjóðarinnar, Listahátíð í Reykjavík,
Þjóðleikhúsið, Sinfóníuhljómsveit
Íslands og Íslenska óperan, hafa
sameinast um uppfærslu á einni af
viðamestu óperum Richards Wagn-
ers, Hollendingnum fljúgandi, á
Listahátíð næsta vor.
Að sögn Þórunnar Sigurðardótt-
ur, listræns stjórnanda Listahátíðar,
er þetta í fyrsta sinn sem ópera eftir
Wagner verður flutt í heild sinni hér-
lendis en á Listahátíð 1996 var flutt
stytt gerð af Niflungahringnum.
Hljómsveitarstjóri og leikstjóri
hafa þegar verið ráðnir og eru báðir
Þjóðverjar, Gregor Bühl mun stýra
hljómsveitinni en Saskia Kuhlmann
sviðsetur.
Hollending-
urinn fljúgandi
á Listahátíð

Hollendingurinn fljúgandi/37
♦ ♦ ♦
♦ ♦ ♦
TVEIR voru fluttir á sjúkrahús eftir
harðan árekstur á mótum Suður-
landsbrautar og Reykjavegar upp úr
klukkan hálfsjö í gærkvöldi. Að sögn
lögreglu eru þeir ekki taldir alvar-
lega slasaðir. Áreksturinn var harð-
ur og var tækjabíll slökkviliðs höf-
uðborgarsvæðisins kallaður út en
hann svo afturkallaður. Fjórir bílar
skemmdust í árekstrinum.
Harður
árekstur