Morgunblaðið - 17.06.2001, Blaðsíða 4

FRÉTTIR
4 SUNNUDAGUR 17. JÚNÍ 2001 MORGUNBLAÐIÐ
ÞÚSUNDIR kvenna á öllum aldri
tóku þátt í Kvennahlaupi ÍSÍ í gær.
Hlaupið var á meira en 100 stöðum,
bæði hér á landi og erlendis.
Aðalhlaupið var ræst í blíðskap-
arveðri í Garðabæ klukkan 14 en
einnig var hlaupið víðsvegar um
land sem og erlendis þar sem ís-
lenskar konur eru staddar.
Meðal þeirra voru um 30 íslensk-
ar konur sem eru á kvennaráð-
stefnunni Konur og lýðræði í Viln-
ius í Litháen. Þær hlupu í gær-
morgun og var vegalengdin ekki
mæld en allar komust í mark þótt
sumar færu sér hægt enda skóbún-
aður frekar ætladur til funda en
hlaups. Einnig var hlaupið í Ung-
verjalandi en þar er kór Víkur-
kirkju á ferð og tóku konurnar í
hópnum sig til og hlupu snemma í
gærmorgun í sól og 25 stiga hita.
Morgunblaðið/Árni Sæberg
Þúsundir kvenna hlupu
hérlendis og erlendis
Morgunblaðið/Urður
SVEITARSTJÓRINN á Hellu,
Guðmundur I. Gunnlaugsson, segir
að jarðskjálftans, sem reið yfir 17.
júní í fyrra, verði ekki minnst form-
lega við hátíðahöldin í dag. Þó segist
hann gera ráð fyrir því að komið
verði inn á það í guðsþjónustu sem
hátíðahöldin hefjast á að vanda að
þakka þá mildi að ekki skyldu verða
alvarleg slys á fólki.
Hann segir jarðskjálftana þó enn
vera ofarlega í huga fólks enda um
geigvænlega atburði að ræða sem
ekki verður svo auðveldlega ýtt frá
sér.
Enn unnið í að bæta fólki tjón
Guðmundur segir að hlutirnir séu
komnir í þokkalegt horf eftir jarð-
skjálftana. „Þetta er samt langt frá
því að vera búið því enn er verið að
vinna í eftirmálunum og fólk að
byggja upp bæði húsin sín og sjálft
sig. En það líður öllum vel og allt er í
þokkalegum gangi,“ segir hann.
Guðmundur segir ennfremur að
nú sjái fyrir endann á þeirri vinnu
sem hafin var við að bæta þeim upp
tjón sem verst urðu úti. „Það kom í
ljós að brunabótamat margra eigna
var gamalt og úrelt og hafði ekki ver-
ið haldið við sem skyldi. Það hefur
verið vinnuhópur að störfum við að
vinna í að milda áhrifin hjá þeim sem
svo var ástatt fyrir og nú er í augsýn
að það takist,“ segir Guðmundur og
bætir við að þær bætur komi frá rík-
isstjórninni.
Hátíðahöldin segir Guðmundur
verða með hefðbundnu sniði. „Þau
hefjast með guðsþjónustu í dvalar-
og öldrunarheimilinu, svo verður
skrúðganga og hátíðahöld í íþrótta-
húsi bæjarins og við sundlaugina.
Við höldum okkar 17. júní með alveg
sama sniði og venjulega,“ segir Guð-
mundur I. Gunnlaugsson, sveitar-
stjóri á Hellu.
Hefðbundin hátíðahöld á þjóðhátíðardaginn á Hellu á Rangárvöllum
Jarðskjálftarnir fyrir ári
enn ofarlega í huga fólks
ÞÆR VORU hressar,
stelpurnar sem voru
á ferðinni með þessa
föngulegu hunda í
Hlíðahverfi í Reykja-
vík fyrir skömmu.
Þær höfðu fengið
leyfi hjá eiganda
hundanna, sem er
ung kona í hverfinu,
til að viðra hundana
og fara með þá í
stuttan göngutúr.
Stelpurnar virtust
ljómandi ánægðar
með verkefnið og fór
vel á með þeim og
hundunum eins og
myndin ber með sér,
enda ekki amalegt
þegar veðrið leikur
bæði við menn og
málleysingja.
Fengu
að passa
hundana
HLUTFALL þeirra sem standa ut-
an stéttarfélaga í fjármálaþjónustu
hefur lækkað á síðustu tveimur ár-
um, en hins vegar hefur hlutfallið
hækkað verulega í hótel- og veit-
ingarekstri þar sem það hefur lengi
verið tiltölulega lágt. Þetta kemur
fram í skýrslu Hagstofunnar um
vinnumarkaðinn á Íslandi 1991–
2000.
Á síðustu árum hafa tvær atvinnu-
greinar skorið sig úr hvað varðar
lágt hlutfall launþega í stéttarfélög-
um, þ.e. hótel- og veitingarekstur og
fasteigna- og viðskiptaþjónusta. Ár-
ið 1999 voru rúmlega 69% launþega í
þessum greinum í stéttarfélögum. Í
fyrra hækkaði hlutfallið í hótel- og
veitingaþjónustu hins vegar úr
69,6% í 82,5%. Aftur á móti hefur
stéttarfélagaaðild þeirra sem starfa
í fjármálaþjónustu lækkað mikið á
síðustu tveimur árum. Hlutfallið var
91,1% árið 1998, en var 77,8% í
fyrra.
83,9% launþega
eru í stéttarfélögum
83,9% landsmanna voru í stéttar-
félögum á síðasta ári, sem er örlítil
aukning frá árinu áður. Hlutfallið
hefur lækkað á síðustu árum, en árið
1993 voru 88% launþega í stéttar-
félögum.
Fleiri konur en karlar voru í stétt-
arfélagi á liðnu ári eða 88,9% á móti
78,8%. Færri eru í stéttarfélagi á
höfuðborgarsvæðinu en á lands-
byggðinni eða 82,1% á móti 87%.
Stéttarfélagsaðild er áberandi
minnst í aldurshópnum 16-24 ára og
voru t.d. 69,4% karlmanna í þessum
aldurshópi í stéttarfélögum.
Um helmingur launþega er aðili
að Alþýðusambandi Íslands og hefur
það hlutfall ekki breyst mikið síð-
ustu fimm árin. 11,4% launþega eru í
BSRB, en hlutfallið var 15,1% árið
1995. Í BHM voru 4,6% launþega í
fyrra, en hlutfallið var 6,5% árið
1995.
17,6% í fleiri en einu starfi
Í skýrslunni kemur fram að í
fyrra gegndu um 17,6% starfandi
fólks á landinu fleiri en einu starfi.
Hlutfallið er hærra meðal kvenna en
karla. Meðallengd vinnuvikunnar á
síðasta ári var svipuð og árið á und-
an eða 43,8 klukkustundir. Í skýrslu
Hagstofunnar kemur fram að starf-
andi fólki á aldrinum 16-74 ára fjölg-
aði um 19.500 manns á árunum 1991
til 2000, úr 136.900 í 156.400. Mest
fjölgaði starfsfólki í þjónustugrein-
um eða úr 87.400 í 107.400.
Fleiri í fjár-
málaþjón-
ustu utan
stéttar-
félaga