Morgunblaðið - 17.06.2001, Blaðsíða 23

MORGUNBLAÐIÐ SUNNUDAGUR 17. JÚNÍ 2001 23
Áætluð verklok eru í lok september.
Borgarstjórinn
í Reykjavík
PÓSTHÚSSTRÆTIS
ENDURNÝJUN
Þriðjudaginn 19. júní hefjast framkvæmdir
við endurnýjun Pósthússtrætis frá
Kirkjustræti og norður fyrir Austurstræti.
Óhjákvæmilegt er að loka þessum hluta
götunnar fyrir akandi umferð meðan á
framkvæmdum stendur.
Opið mánud. - föstud. 9.00-18.00 • laugard. 10.00-14.00
MÁLARAMEISTARINN
Skútuvogi 6 • sími 568 9045
Opnunartilboð:
• Pallaolía 5 L. 1.750,- kr.
• Bindoplast 10 innimálning 5 L. 1.995,- kr.
ll lí . . , .
i l i i l i . . , .
MÁLARAMEISTARINN flytur!!
„VAKA, félag lýðræðissinnaðra stúd-
enta við Háskóla Íslands, fagnar því
að skipuð hafi verið nefnd sem móta
skal fjölskyldstefnu HÍ. Í ljósi þess að
sífellt fleiri stúdentar eignast börn
ýmist á meðan þeir eru í námi eða áð-
ur en þeir hefja það er ánægjulegt að
skólayfirvöld skuli ætla að koma til
móts við þarfir þessa stækkandi hóps.
Mörg hundruð stúdenta við skólann
eru foreldrar en þrátt fyrir það hefur
hingað til heldur lítil áhersla verið
lögð á þau atriði sem þeir þarfnast til
að geta stundað nám sitt með góðu
móti.
Vaka hefur bent á að nauðsynlegt
sé að við skráningu í námskeið í öllum
deildum skólans liggi fyrir á hvaða
tímum fyrirlestrar og kennslustundir
verði sem og prófdagar. Vaka leggur
einnig áherslu á að stundaskrár taki
mið af þörfum foreldra sem eiga flest-
ir erfitt með að sækja kennslustundir
þegar þeim lýkur ekki fyrr en klukk-
an 18 eins og dæmi eru um, en leik-
skólum er yfirleitt lokað klukkan 17.
Þá telur Vaka að próftími haustannar
sé afar óhagstæður foreldrum en próf
eru þreytt allt til 21. desember.
Fjölskyldumál voru eitt helsta bar-
áttumál Vöku í síðustu kosningum til
Stúdentaráðs og Háskólafundar.
Þess vegna lítur Vaka á tilurð fjöl-
skyldunefndar HÍ sem mikla viður-
kenningu sem og framfaraspor í
hagsmunabaráttu stúdenta.“
Vaka fagnar
því að HÍ móti
fjölskyldu-
stefnu
♦ ♦ ♦
Átak til að
kynna þjóðar-
arf á hálendi
Íslands
HÁLENDIÐ.IS hefur opnað heima-
síðu með sama nafni til að kynna í
máli og myndum þau náttúruverð-
mæti sem fórnað verður komi til
virkjunarframkvæmda norðan
Vatnajökuls. „Markmiðið er að
vernda einstaka náttúruauðlind og að
hvetja almenning til að nýta tímann
til að gera athugasemdir við augljósa
ágalla í skýrslu Landsvirkjunar um
mat á umhverfisáhrifum Kárahnjúka-
virkjunar.
Ljóst er að bein eða óbein umhverf-
isáhrif vegna Kárahnjúkavirkjunar
munu ná til a.m.k. 3.000 ferkílómetra
landsvæðis og á haf út, auk þess sem
hálendið norðan Vatnajökuls yrði
klofið með virkjunarmannvirkjum á
yfir 1.000 ferkílómetra svæði. Í stað
þess að spilla stærstu ósnortnu víð-
ernum V-Evrópu vilja aðstandendur
Hálendis.is að stofnaður verði þjóð-
garður norðan Vatnajökuls.
Hálendið.is starfar náið með Nátt-
úruverndarsamtökum Íslands,
Fuglaverndarfélagi Íslands, Félagi
um verndun hálendis Austurlands og
þeim er vilja vinna að ofangreindum
markmiðum,“ segir í fréttatilkynn-
ingu.