Morgunblaðið - 20.06.2001, Side 1

137. TBL. 89. ÁRG. MIÐVIKUDAGUR 20. JÚNÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 20. JÚNÍ 2001
TVEIR þingmenn úr hægri armi
breska Íhaldsflokksins, Iain Duncan
Smith og David Davis, lýstu yfir
framboði til leiðtogaembættisins í
flokknum í gær. Áður hafði Michael
Portillo, talsmaður flokksins í ríkis-
fjármálum, gefið kost á sér.
Iain Duncan Smith fer með varn-
armál í skuggaráðuneyti Íhalds-
flokksins. Stuðningsmenn hans
höfðu á mánudag greint frá því að
hann myndi gefa kost á sér og hann
tilkynnti síðan formlega um fram-
boðið á fréttamannafundi í London í
gærmorgun.
Duncan Smith er af mörgum álit-
inn leiðtogi hægri armsins í Íhalds-
flokknum og hann er sagður njóta
víðtæks stuðnings meðal Thatcher-
ista. Í yfirlýsingu sinni í gær viður-
kenndi hann að flokkurinn þyrfti að
taka breytingum í takt við nýja tíma,
en varaði við því að snúa baki við
hefðbundnum gildum íhaldsmanna.
Skaut hann þannig á Michael Port-
illo, sem hefur verið boðberi frjáls-
lyndari stefnu.
Duncan Smith er 47 ára gamall,
kvæntur og fjögurra barna faðir.
Hann var kjörinn á þing fyrir Ching-
ford árið 1992, varð skuggaráðherra
almannatrygginga eftir kosningaó-
sigurinn 1997 og talsmaður í varn-
armálum árið 1999. Hann er ein-
dreginn evruandstæðingur, en lagði
í gær áherslu á að Evrópumál mættu
ekki lengur kljúfa flokkinn.
David Davis er minnst þekktur
þeirra sem helst hafa verið orðaðir
við leiðtogastöðuna, en hann til-
kynnti um framboð sitt skömmu eft-
ir að Duncan Smith gaf út yfirlýs-
ingu sína í gærmorgun. Davis hefur
setið á þingi í fjórtán ár, síðustu fjög-
ur árin fyrir kjördæmið Haltemprice
og Howden og gegnt ýmsum trún-
aðarstöðum fyrir Íhaldsflokkinn, þar
á meðal aðstoðarráðherraembættum
í ríkisstjórn Johns Majors 1993-
1997. Hann er efasemdarmaður í
Evrópumálum og hefur talist til
hægri armsins í flokknum. Davis er
53ja ára að aldri, kvæntur og þriggja
barna faðir.
Portillo þykir enn
sigurstranglegastur
Michael Portillo þykir enn líkleg-
astur til að hreppa leiðtogaembættið
en Kenneth Clarke, fyrrverandi fjár-
málaráðherra, nýtur þó meiri vin-
sælda meðal almennra kjósenda.
Clarke hyggst kunngera á næstu
dögum hvort hann gefur kost á sér.
Ann Widdecombe, talsmaður
flokksins í innanríkismálum, til-
kynnti á mánudag að hún færi ekki
fram, þar sem hún hefði ekki hlotið
nægilegan stuðning í þingflokknum.
Leiðtogabaráttan í breska Íhaldsflokknum
Duncan Smith og Dav-
is lýsa yfir framboði
London. AFP, AP, The Daily Telegraph.
RÚSSNESKA nóbelsskáldið Alex-
ander Solzhenítsyn sendi í gær
frá sér nýja bók, sem fjallar um
samskipti Rússa og gyðinga, en
rithöfundurinn hefur oft verið
sakaður um gyðingahatur.
Bókin ber titilinn „Tvö hundr-
uð ár saman“ en fyrsta bindi
hennar, 500 blaðsíður að lengd,
kom í bókaverslanir í Moskvu í
gær.
Í viðtali við vikuritið Mosk-
ovskje Novostí sagði Solzhenítsyn
líklegt að bókin ætti eftir að
valda deilum. Hann kvaðst hafa
freistað þess að gera sagn-
fræðilegum atburðum skil á hlut-
lausan hátt og reynt að komast
hjá því að erta lesendur.
Rithöfundurinn sagði ásakanir
á hendur sér um gyðingahatur
vera ósanngjarnar og kvað þær
settar fram af andstæðingum sín-
um í ófrægingarskyni.
„Margir þeirra, sem réðust
gegn mér notfærðu sér hvað við-
fangsefnið er viðkvæmt, vitandi
að ég lægi þannig vel við höggi,
sérstaklega þar sem ég var bú-
settur í Bandaríkjunum.“
Solzhenítsyn, sem er 82ja ára
að aldri, varð heimskunnur fyrir
gagnrýni sína á Sovétkerfið. Fyr-
ir þær sakir var hann rekinn í út-
legð árið 1974 og bjó í Bandaríkj-
unum næstu tvo áratugi.
Hann reyndist ekki síður gagn-
rýninn á sín nýju heimkynni og
snéri aftur til Rússlands árið
1994, eftir fall kommúnismans.
Ný bók eftir
Solzhenítsyn
Fjallar um
samskipti
Rússa og
gyðinga
Moskva, AP.
ALÞJÓÐABANKINN hefur hætt
við að halda árlega ráðstefnu um
þróunarmál í Barcelona á Spáni í
næstu viku, af ótta við að andstæð-
ingar hnattvæðingar og alþjóða-
stofnana efni til óeirða, líkt og í
Gautaborg í síðustu viku. Mun ráð-
stefnan þess í stað fara fram á Net-
inu.
BBC hafði í gær eftir Jean-
Christophe Bas, starfsmanni Al-
þjóðabankans, að umsjónarmenn
ráðstefnunnar hefðu haft áhyggjur
af því að fyrirhugaðar aðgerðir
franskra og spænskra mótmæl-
endahreyfinga snerust upp í of-
beldisfullar óeirðir. Höfðu hreyf-
ingarnar skipulagt eigin fund í
Barcelona, þar sem meðal annars
átti að halda sýndarréttarhöld yfir
Alþjóðabankanum. Bas sagði að
mótmælendur hefðu hafnað boði
bankans um að taka þátt í opnum
umræðum á ráðstefnunni.
Því var gripið til þess ráðs að
færa þróunarráðstefnuna á Netið,
þar sem allir sem þess æskja geta
hlýtt á fyrirlestra og tekið þátt í
umræðum. Ráðstefnan fer fram 25.
og 26. júní á vefslóðinni www.canal-
web.net/cwsite/diffs/w/worldbank.
Ítalska lögreglan býr sig undir
fund G8-ríkjanna í Genúa
Sundurleitir hópar mótmælenda,
sem beina spjótum sínum einna
helst að svonefndri hnattvæðingu,
hafa í vaxandi mæli efnt til óláta á
fundum alþjóðlegra stofnana og
bandalaga. Fyrstu stóru óeirðirnar
voru í Seattle í desember 1999, þeg-
ar Heimsviðskiptastofnunin hélt
þar fund, og nú síðast settu mót-
mælendur allt á annan endann í
Gautaborg um síðustu helgi, þar
sem leiðtogafundur Evrópusam-
bandsins fór fram.
Nokkrar hreyfingar mótmæl-
enda hafa boðað komu sína til Gen-
úa á Ítalíu í lok júlí, í tilefni af fundi
leiðtoga átta helstu iðnríkja heims.
Lögregluyfirvöld á Ítalíu hafa skip-
að þúsundum lögreglumanna og
hermanna í viðbragðsstöðu og
reynt verður að hindra för mót-
mælenda til borgarinnar.
Alþjóðabankinn óttast að andstæðingar hnattvæðingar efni til óeirða
Ráðstefna færð yfir á Netið
OFT hafa gengið sögur um, að
holræsin í New York væru krökk
af krókódílum en ekki virðist vera
mikill fótur fyrir því. Nú þykir
hins vegar sannað, að krókódíll sé
kominn í eitt vatnanna í Miðgarði
eða Central Park.
Síðastliðinn laugardag höfðu 25
manns komið auga á krókódílinn í
Harlem Meer, litlu vatni í norð-
austurhluta garðsins, og er hann
samkvæmt lýsingu allt að 60 cm
langur. Anne Hagan, talsmaður
fyrirtækisins, sem rekur garðinn,
sagði, að einum manni hefði tekist
að ná taki á hala krókódílsins og
koma honum á land en hann hefði
verið fljótur aftur út í vatnið.
Lögreglumenn, sem kallaðir voru
til, sáu líka krókódílinn en hann
hvarf þeim ofan í vatnið, sem er
tæplega þriggja metra djúpt.
Krókódílasögurnar í New York
eru gamlar eða frá því fólk fór
fyrst að fara í frí til Flórída. Það-
an komu sumir með krókódíls-
unga, sem þeir losuðu sig síðan
við þegar þeir urðu of stórir. Sög-
ur hafa líka gengið um sléttuúlfa í
borginni og það var engin missýn-
ing þegar til eins þeirra sást í
Miðgarði fyrir tveimur árum.
Náðist hann eftir mikinn elting-
arleik.
AP
Öryggisvörður í Central Park svipast um eftir krókódílnum í Harlem Meer-vatninu.
Krókódíll
í Miðgarði
New York. AP.
Iain Duncan
Smith
David
Davis