Morgunblaðið - 20.06.2001, Blaðsíða 29

LISTIR
MORGUNBLAÐIÐ MIÐVIKUDAGUR 20. JÚNÍ 2001 29
ÚTSALA – ÚTSALA
40-80% afsláttur
Dæmi um verð Áður Nú
Dömupeysa 5.200 2.900
Jakkapeysa 3.900 2.300
Yrjótt peysa 4.200 1.900
Rennd peysa 4.100 2.500
Gallajakki 4.400 1.900
„Slinky“- sett 5.900 2.900
Sumarkjóll 3.700 2.200
Sítt pils 3.200 1.900
Dömubuxur 3.600 2.200
og margt margt fleira.
Einnig fatnaður í stærðum 44-52.
Opið frá kl. 10.00 til 18.00
Síðumúla 13, sími 568 2870, 108 Reykjavík.
VEGNA undirbúnings yfirlitssýn-
ingar á Errósafni í Listasafni
Reykjavíkur – Hafnarhúsi verður
safnið lokað til 23. júní en þá verður
yfirlitssýningin opnuð formlega.
Tímabundin
lokun listasafns
STJÓRN Sinfóníuhljóm-
sveitar Íslands hefur
ákveðið að endurráða
Bernharð Wilkinson sem
aðstoðarhljómsveitarstjóra
til eins árs.
Bernharður hefur verið
aðstoðarhljómsveitarstjóri
í tvö ár eða frá september
1999 og hefur nú verið end-
urráðinn til 30. ágúst 2002.
Að þeim tíma liðnum er
ráðgert að staða aðalhljómsveitar-
stjóra verði fyllt og mun þá fara
fram endurmat á stöðu aðstoðar-
hljómsveitarstjóra.
Bernharður segir starfið hafa
gengið vel upp á síðkastið. „Það
getur verið mjög fjöl-
breytilegt; til dæmis
stjórnaði ég nokkrum tón-
leikum á starfsárinu, til að
mynda með ungu fólki og
hljómsveitinni á útskriftar-
tónleikum Tónlistarskólans
í Reykjavík og eins jóla-
tónleikunum.
Svo ég nefni eitthvað al-
veg ólíkt, þá stjórnaði ég
hljómsveitinni á Myrkum
músíkdögum. Upp koma tilvik þar
sem ég tek yfir foræfingar svo sem
á dögunum þegar hljómsveitin
flutti Vorblótið eftir Stravinsky,
þegar Carmen var flutt í Höllinni
og einnig í vetur þegar Ashkenazy
kom og stjórnaði hljómsveitinni.
En það sem er eftirminnilegast eft-
ir þetta starfsár eru síðustu
áskriftartónleikarnir í bláu röðinni.
Það er ekki á hverjum degi sem
maður vinnur með einleikara á
borð við Christian Lindberg. Mað-
urinn er náttúrulega snillingur og
ekki spillti fyrir að tónleikunum var
mjög vel tekið.“
Sinfóníuhljómsveit Íslands hugar að næsta starfsári
Endurráðinn aðstoðar-
hljómsveitarstjóri
Bernharður
Wilkinson
TÓNLEIKAR verða haldnir í Hóla-
dómkirkju á föstudag. Fram koma
Laufey Sigurðardóttir fiðluleikari og
Páll Eyjólfsson gítarleikari. Á efnis-
skrá verða verk m.a. eftir Corelli,
Paganini, Ibert o.fl. Tónleikarnir
hefjast kl. 20 og er aðgangur ókeyp-
is.
Tónleikar
á Hólum
HÉR er komin ein af þeim bókum
sem breyta á lífi þess sem les og til-
einkar sér innihaldið. Á baksíðu segir
m.a.: Sáraeinföld ráð til að bæta
heilsu í dagsins önn. Handhægar
lausnir á augabragði. Nýjustu aðferð-
ir í sjálfsrækt og sjálfsmótun.
Síðasta setningin geymir lykilinn
að uppsetningu bókarinnar. Allar nýj-
ustu aðferðirnar og tískufyrirbrigðin í
líkamsræktar- og lífstílsgeiranum eru
tíndar til og úr verður handhæg og
sannfærandi bók um hvernig byggja
skuli upp líkama og sál til að tryggja
„vellíðan, sjálfsöryggi, útgeislun og
endalaust orkuflæði“ svo nokkur séu
nefnd af þeim orðum sem bregður
hvað oftast fyrir í texta bókarinnar.
Bókin er þannig byggð upp að hún
tekur fyrir einn dag í lífi þess er les.
Byrjað er að morgni, hvernig fara
skuli á fætur og fagna nýjum degi.
Allt er tekið fyrir, hvernig teygja
skuli líkamann og hylla sólina og
klæða sig og er aðallega stuðst við
aldagamlar austrænar kenningar
(Chi Kung og Feng Shui) og er ekki
að efa að er til góðs ef eftir er farið.
Síðan er lagt til atlögu við staðgóðan
og hollan morgunverð og þar á eftir
haldið til vinnu og dagurinn rakinn
með kaflaheitum á borð við Á leið til
vinnu, Vinnuaðstaðan, Minnkaðu
álagið á líkama og sál, Taktu þér hlé,
Að skilja við vinnuna, Tími fyrir þig, Í
lok dagsins. Undirkaflar eru t.d.:
Hrærðu upp í heilsunni, Burt með
kvefið, Bíllinn sem griðastaður, Burt
með ökuæðið, Að öðlast viðurkenn-
ingu, Feimnin sigruð, Stökktu burt
slæmum morgni, Skiptu um skap,
Tíbetskt mataræði, Nuddum hvort
annað, Ofurkynlíf, Skoðaðu sálina.
Ekki er gert ráð fyrir því að lesand-
inn reyni að komast yfir allt sem lagt
er til á einum venjulegum vinnudegi
heldur eru hér fjöldamargar tillögur
að því hvernig hægt er að prjóna sig í
gegnum daginn. Vafalaust má hafa
margvíslegt gagn af þessari bók og
geta líklega flestir fundið í henni eitt-
hvað við sitt hæfi enda er hún greini-
lega samin með það í huga. Margt af
því sem lagt er til er býsna sjálfsagt,
en fyrir þá sem eru að leita sér að
hvatningu til að temja sér heilbrigðari
lífsstíl þá er hér ágætur leiðarvísir.
Bókin er í handhægu kiljubroti og
þjónar vel hlutverki sínu sem hand-
bók, uppsetning er greinargóð og
þýðingin lífleg. Litmyndir af eftir-
sóknarverðum fyrirmyndum, heil-
brigðu og glaðlegu fólki prýða nánast
hverja síðu ásamt leiðbeiningum um
líkamsæfingar og alls kyns uppstill-
ingar blóma og innréttinga í anda
Feng Shui-kenninganna. Þá eru
ónefndar blómadropakenningar,
mantra og tantra, jóga o.fl. o.fl. sem
sagt er frá. Bókin lofar þeim sem tek-
ur sér hana til fyrirmyndar: Meiri
þrótti, betra lífi – allan daginn, alla
daga. Það er ekki ónýtt.
Vellíðan
alla daga
BÆKUR
L í f s s t í l l
eftir Jane Alexander. Þýðing:
Helga Soffía Einarsdóttir. Kápa:
Anna Cynthia Leplar. Umbrot:
Edda hf. 159 bls. Prentað í Singa-
púr. Forlagið - Reykjavík - 2001.
LÁTTU ÞÉR LÍÐA VEL
Hávar Sigurjónsson
KRISTÍN Helga Gunnarsdóttir rit-
höfundur var útnefnd bæjar-
listamaður Garðabæjar árið 2001
við hátíðardagskrá í bænum 17.
júní og þar var henni jafnframt af-
hentur starfsstyrkur.
Kristín Helga hefur sinnt rit-
störfum frá árinu 1998. Hún ólst
upp í Faxatúni í Garðabæ og hefur
búið í Garðabæ að mestu leyti síð-
an. Bækur hennar um Binnu og
Móa eru að hluta til byggðar á að-
stæðum og umhverfi Garðabæjar
um 1970 og endurspegla á vissan
hátt það frelsi sem börn í Garða-
hreppi ólust upp við.
Kristín Helga hefur tekið þátt í
félagsstörfum rithöfunda hefur
m.a. verið ritari í stjórn Íslands-
deildar IBBY (alþjóðasamtökin
Börn og bækur) 1999–2001. Hún
tók sæti í stjórn Rithöfunda-
sambandsins vorið 2001.
Menningarsjóður Garðabæjar
hefur frá árinu 1992 veitt starfs-
styrki til listamanna. Menningar-
málanefnd gerir tillögur til bæj-
arstjórnar um úthlutun og koma
aðeins til greina þeir listamenn sem
búsettir eru í Garðabæ.
Útnefnd
bæjarlista-
maður
Garðabæjar
Ásdís Halla Bragadóttir, bæjarstjóri í Garðabæ, og Kristín Helga Gunn-
arsdóttir bæjarlistamaður að lokinni athöfninni á þjóðhátíðardaginn.
♦ ♦ ♦
♦ ♦ ♦