Morgunblaðið - 04.08.2001, Qupperneq 48

48 LAUGARDAGUR 4. ÁGÚST 2001 MORGUNBLAÐIÐ






 

 


  
 


  

     

  



 BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÁRNI Johnsen teygar beiskan bik-
ar þessa dagana og fær að kenna
harkalega á eigin gjörðum. Hann
er ekki lengur þingmaður og mál
hans til skoðunar hjá þar til bær-
um yfirvöldum. Margir eru til að
draga fram ávirðingar Árna og
vissulega virðist sem hann hafi
lagt þeim ýmislegt til. Hann er þó
fjarri því að vera alvondur, líkt og
sumir vilja meina.
Ég vil minna á að sem þingmað-
ur lagði Árni mörgum góðum mál-
um lið og náði árangri þar sem
aðrir gáfust upp. Hann var stund-
um kallaður fyrirgreiðslupólitíkus,
því Árni vék sér ekki undan að
ganga í verk fyrir umbjóðendur
sína og skjólstæðinga. Setti hrygg
í málin og spúlaði dekkið, svo not-
aðar séu þekktar líkingar úr hans
eigin penna. Fyrirgreiðsla Árna
sneri ekki einvörðungu að meiri-
máttar. Hann var ólatur við að
leggja lið minnimáttar og smæl-
ingjum, sem stóðu höllum fæti
gagnvart miskunnarleysi og kald-
lyndi kerfisins. Hafi hann þökk
fyrir.
Árni var góður vinur föður míns
heitins, Einars J. Gíslasonar.
Pabbi þekkti Árna frá barnæsku
og vissi að í brjósti hans slær við-
kvæmt hjarta, þótt stundum blási
á Stórhöfða. Í minningargrein um
pabba rifjaði Árni það upp hvernig
hann eignaðist rattið (stýrið) úr
Gæfu VE 9, báti þeirra bræðra,
Óskars og Einars í Betel. Pabbi sá
stýrið hjá Árna og var hrifinn af að
rattinu hefði verið bjargað áður en
Gæfan fór á áramótabrennu suður
með sjó. Spurði Árna hvort honum
væri rattið fast í hendi. Árni svar-
aði því til að það væri gott fyrir
brokkgengan mann eins og sig að
hafa hjá sér ratt sem þeir Einar í
Betel og Drottinn hefðu stýrt með
saman. „Addi,“ sagði pabbi og
hugsaði sig um stundarkorn,
„hafðu það.“
Bænir margra umvefja Árna og
fjölskyldu hans á erfiðum dögum –
að hann nái landi úr þessari brælu
og kikni ekki undan álaginu. Árni
hefur áður séð stórsjó og komist í
hann krappan, en alltaf komist í
Friðarhöfn. Mig langaði að minna
strákinn á að rattið er á sínum stað
og Drottinn til í að stýra. Hann
þekkir rétta kúrsinn þegar gefur á
bátinn.
Með kveðju af Kjalarnesi,
GUÐNI EINARSSON,
blaðamaður.
Rattið er á
sínum stað
Frá Guðna Einarssyni:
HLYNUR S. Pálsson, björgunar-
sveitarmaður og skálavörður í
Álftavatni, ritaði bréf til Morgun-
blaðsins sl. sunnudag þar sem
hann spurðist fyrir um símasam-
band á syðra Fjallabaki og Torfa-
jökulssvæðinu.
Það er rétt að á hálendinu nær
kerfið yfir flesta fjallvegi landsins
og unnið er að enn frekari út-
breiðslu NMT-kerfisins. Það eru
einungis liðin 15 ár frá því NMT-
kerfi Símans var tekið í notkun en
það var árið 1986. Á þeim 15 árum
sem liðin eru hefur átt sér stað
mikil uppbygging á NMT-kerfinu.
Í upphafi uppbyggingar kerfisins
var þetta svæði sem Hlynur nefnir
ekki í forgangi. Síðan hefur mikið
vatn runnið til sjávar. Nú er það
hins vegar í skoðun og var farið í
fyrra sumar að leita að ákjósan-
legum stað fyrir NMT-stöð. Eng-
inn einn staður nær að dekka allt
þetta svæði þannig að samband
verði alls staðar öruggt. Verið er
að leita að stað sem tekur sem
mest af því svæði sem er sam-
bandslaust í dag. Fyrirsjáanlegt er
þó að ekki næst að dekka allt þetta
svæði.
Við staðsetningu NMT-stöðva á
hálendinu þarf að taka tillit til
margs. Meðal þess sem taka þarf
tillit til er aðgengi að stöðinni sé
gott þannig að hægt sé að koma
þangað eldsneyti og mögulegt sé
að þjónusta hana á hvaða árstíma
sem er. Einnig þarf að vera hægt
að koma henni í samband við sím-
stöðina í Reykjavík. Til þess þarf
að vera hægt að komast inn á línu-
kerfi Símans eða annarra aðila
sem sem tengjast línukerfi Sím-
ans.
En þess má geta að víða á þessu
svæði er hægt að komast í NMT-
samband ef maður hækkar sig í
landslaginu. Verulegu máli skiptir
hvers konar sími og loftnet eru
notuð. Bestan árangur gefur bíla-
sími sem er 15 W og með góðu
loftneti á toppi bílsins. Ef hand-
sími er notaður í bíl gildir einnig
að gott loftnet bætir verulega
sambandið.
Ein leið til þess að vera í öruggu
sambandi á hálendi Íslands er að
kaupa sér eða leigja gervihnatta-
síma. Um er að ræða kost sem er
eitthvað dýrari heldur en NMT en
sé gervihnattasími eingöngu not-
aður sem öryggistæki ætti þetta
að vera viðráðanlegur kostur.
Með kveðju,
EVA MAGNÚSDÓTTIR,
kynningarfulltrúi Símans.
Svar við fyrirspurn
um símasamband á
syðra Fjallabaki
Frá Evu Magnúsdóttur: