Morgunblaðið - 16.09.2001, Qupperneq 28

28 SUNNUDAGUR 16. SEPTEMBER 2001 MORGUNBLAÐIÐ
CARL Möller tónlistarmað-ur og kona hans, ÓlöfKristín Magnúsdóttir,búa í myndarlegu ein-býlishúsi, Fjörusteini, við
Lambhaga í Bessastaðahreppi, ekki
langt frá sjónum. Það hljóta að teljast
forréttindi að búa í umhverfi fjarri
borgarsamfélaginu þar sem kyrðin er
ekki rofin t.d. af umferðargný. Úr
stofuglugga blasir við fjallahringur-
inn og handan við túnblettinn er
Skógtjörn og við tjörnina er fjöl-
skrúðugt fuglalíf.
Hljómdiskurinn
Októberlauf með tónlist eftir Carl
Möller kom út á vormánuðum, en
hann inniheldur djasstónlist sem Carl
Möller hefur samið við íslensk ljóð.
Carl Möller vinnur nú að hljómdiski
með útsetningum á íslenskum þjóð-
lögum. Í mars á þessu ári samdi hann
tónlist við bók Jóhanns Hjálmarsson-
ar, Hljóðleikar, sem hefur verið flutt á
Háskólatónleikum í Norræna húsinu.
Carl Möller hefur fengist töluvert við
lagasmíðar á síðustu árum. Hann
samdi t.d. lag við ljóð forsætisráð-
herra Davíðs Oddssonar, „Hin fyrstu
jól“ sem frumflutt var á aðventuhátíð
í Bústaðakirkju árið 1996.
Ég hitti Carl Möller á heimili hans
á góðviðrisdegi um miðjan júlímánuð.
Heimili Carls Möllers er engin und-
antekning frá heimilum tónlistar-
manna þar sem gjarnan er að finna
eitt og annað varðandi atvinnu þeirra
og áhugamál. Í stofu er vandað píanó.
Þar eru hljómflutningstæki, nótna-
bækur og bækur um tónlist og mál-
verk prýða veggi stofunnar. Carl
Möller er höfðingi heima að sækja .Á
meðan við gæddum okkur á smákök-
um og öðrum kræsingum með kaffinu
sagði hann í stuttu máli frá umhverf-
inu, náttúruparadísinni á Álftanesi,
frá vinum sínum, Markúsi, Íkarusi og
Gutta, fjórfætlingum sem bregða
birtu á hvern dag á heimilinu á Álfta-
nesinu.
Ætlaði að læra píanóstillingar
Carl Möller sat í sófa í stofu, horfði
út um stofugluggann og lét hugann
líða til bernskuáranna í Reykjavík á
fimmta og sjötta áratug síðustu aldar.
,,Ég er fæddur í Reykjavík 19.
september 1942 og ólst í Reykjavík.
Foreldrar mínir eru Margrét Jóns-
dóttir frá Stokkseyri og Tage Möller
stórkaupmaður og hljómlistarmaður.
Ég á einn albróður, Jón Möller, tón-
listarmann og einn hálfbróður, Birgi
Möller, fyrrverandi sendiráðsritara.
Það var yndislegt að alast upp í
Reykjavík á þessum árum. Ég átti
heima á Týsgötu 1 fyrstu sex árin.
Þaðan fluttum við inn á Skúlagötu.
Þarna voru kvikmyndahúsin allt í
kring með kúrekmyndum og Chaplin-
myndum. Þetta var löngu fyrir tíma
Sjónvarpsins og það var mikið hlust-
að á útvarpsleikritin og framhalds-
sögurnar í Ríkisútvarpinu.
Ég lauk barnaskólaprófi úr Aust-
urbæjarbarnaskólanum og þaðan fór
ég í Lindargötuskólann og síðar í
kvöldskóla KFUM og í framhaldi af
því kom Sigurður Skúlason magister
mér í gegnum gagnfræðapróf utan
skóla. Hann hjálpaði mér að klára
gagnfræðaskólaprófið og ég á honum
mikið að þakka því að ég var eiginlega
að flosna upp úr skóla of snemma.
Í Iðnskólanum í Reykjavík ætlaði
ég að læra píanóstillingar hjá Pálmari
Ísólfssyni. Ég var ekki lengi í því
námi þar sem fagið krafðist töluverð-
ar leikni í trésmíði sem ekki var fyrir
hendi og líklega hefði ég ekki getað
gert píanóstillingar að ævistarfi .“
Hvenær kviknaði áhugi þinn fyrir
tónlist ?
,,Það var mjög snemma. Ég byrjaði
að læra á píanó sjö eða átta ára hjá
Sigursveini D. Kristinssyni . Það var
löngu áður en Sigursveinn stofnaði
tónlistarskólann sem hann var með
um árabil. Ég var hjá Sigursveini í
einn eða tvo vetur. Ég verð að játa
það hér og nú, hálfri öld síðar, að ég
æfði mig aldrei og þess vegna kom
það mér á óvart þegar Sigursveinn las
mér eitt sinn pistilinn vegna þess að
hann var ekki ánægður og fannst ég
ekki taka námið nógu alvarlega.
Hann vildi í upphafi láta mig læra á
blokkflautu og setja mig í barnakór,
en ég hafði engan áhuga á því.“
Faðir þinn var tónlistarmaður.
Spilaði hann eitthvað opinberlega?
,,Hann spilaði á píanó. Hann var
stórkaupmaður og var í innflutningi.
Það var svona eins manns fyrirtæki,
en hann spilaði mikið á böllum í mörg
ár og allt fram til 1970. Hann spilaði
mest í Iðnó og Ingólfskaffi og var þá
með eigin hljómsveit og hann spilaði
einnig mikið hjá Leikfélagi Reykja-
víkur þegar settar voru upp revíur.
Hann varð aldrei kennari minn í mús-
ík.“
En eftir fyrstu tvö árin hjá Sigur-
sveini. Hélstu þá áfram píanónámi?
,,Já, ég fór í tíma til Anníar Leifs,
fyrri konu Jóns Leifs . Hún var með
einkatíma og hún kenndi mér margt
og mikið og eiginlega mest, að öðrum
ólöstuðum. Hún hafði mikla trú á mér
og hún vildi að ég færi til Vínarborgar
og yrði eitt af stóru nöfnunum! Sá
draumur varð ekki að veruleika frek-
ar en aðrir á þessum árum. Eftir að
hafa verið nokkur ár hjá Annie þá tók
ég mér hvíld frá námi um tíma. Ég
byrjaði síðan aftur í tíma hjá Ásgeiri
Beinteinssyni, tólf eða þrettán ára og
þegar ég var fjórtán ára fór ég í tíma
hjá Carl Billich og var hjá honum í
rúmt ár. Þetta var kannski aldrei
neitt markvist tónlistarnám. Annie
kenndi mér strax í upphafi pínulítinn
spuna í músík og ég lærði að semja
örfáa takta sem var góð undirstöðu-
menntun. Foreldrar mínir höfðu
áhuga á því að ég fengi góða menntun
í píanóleik og það hafði auðvitað áhrif
á það sem síðar varð. Það liðu svo
mörg ár þar til ég fór að mennta mig
meira í músík og við komum að því
síðar.“
Atvinnutónlistarmaður
Hvenær byrjaðir þú fyrst að spila í
hljómsveit?
,,Ég byrjaði að spila í unglinga-
hljómsveit veturinn 1958-59. Upphaf-
ið má rekja til þess að ég fór að spila á
stað í Keflavík sem hét Vík, og þá með
hljómsveitinni Fimm í fullu fjöri.
Sumarið ’59 spilum við í Silfurtungl-
inu í Reykjavík. Þetta var á rokkárun-
um og við spilum t.d. öll Buddy Holly-
lögin og Presley-lögin og lögin úr
Kanaútvarpinu og ýmsum óskalaga-
þáttum.“
Þú hefur þá snemma orðið atvinnu-
tónlistarmaður?
,,Já, og ég spilaði með ýmsum
hljómsveitum á þessum árum um og
eftir 1960, t.d. Diskó sextett og þá var
ég farinn að starfa sem atvinnutón-
listarmaður. Þetta voru auðvitað
skemmtileg ár og margs er að minn-
ast.
Árið 1963 byrjaði ég að spila með
Neó tríóinu. Í tríóinu voru Kristinn
Vilhelmsson, Örn Ármannson og Carl
Möller og söngvari var Ragnar
Bjarnason. Við komum fram víða um
land. Það má segja um það tríó að það
hafi ekki starfað í anda Gútemplara
og áfengi var haft þar mikið um hönd.
Síðar á árinu eða um haustið var ég
kominn í hljómsveit Hauks Morthens
Hún vildi að ég færi
til Vínarborgar!
Morgunblaðið/Golli
Carl Möller með heimilishundana, Gutta, Markús og Ikarus.
Carl Möller tónlistarmaður
hefur spilað með mörgum
helstu danshljómsveitum
landsins allt frá því um
1960. Hann hefur fengist
við útsetningar og samið
tónlist t.d. við ljóð ýmissa
þekktra skálda. Ólafur
Ormsson heimsótti Carl
Möller á heimili hans á
Álftanesi og ræddi við hann
um feril hans og það sem
hann er að fást við í dag.
Hljómsveitin Fimm í fullu fjöri árið 1959. Frá vinstri eru Örn Ármannsson,
Alfreð Alfreðsson, Kjartan Norðfjörð, Guðbergur Auðunsson, Carl Möller og
Guðjón Margeirsson.
Hljómsveit Hauks Morthens fyrir framan EXALON á Strikinu í Kaupmannahöfn
árið 1964. Frá vinstri eru Carl Möller, Don Walker, Haukur Morthens, Alfreð
Alfreðsson og Örn Ármannsson.