Morgunblaðið - 02.10.2001, Síða 19

LANDIÐ
MORGUNBLAÐIÐ ÞRIÐJUDAGUR 2. OKTÓBER 2001 19
Kosmeta
Síðumúla 17 • Sími 588 3630
Hárið glampar
og glansar
STANGVEIÐIFÉLAG Selfoss lýs-
ir nú eftir stangveiðimönnum,
með flugustangir, sem eru til-
búnir að koma á veiðisvæði félags-
ins í Ölfusá á Selfossi og veiða lax
í klak, nú eftir að veiðitímabilinu
lýkur. Fyrirhugað er síðan að ala
seiði og setja þau næsta vor í kví-
ar á veiðisvæðunum og sleppa
þeim síðan þegar þau eru tilbúin.
Þessar aðgerðir félagsins eru lið-
ur í því að auka laxagengd á veiði-
svæðin og efla stangveiðina.
Ágúst Morthens, kaupmaður í
Veiðisporti á Selfossi, sem hefur
umsjón með veiðisvæðunum á Sel-
fossi, segir að settar hafi verið
laxakistur í ána á veiðisvæðunum
þar sem hægt sé að geyma laxinn
sem veiddur er í klak. Hann sagði
miklar vonir bundnar við þessar
aðgerðir til að efla stangveiðina
en til þess að það gæti orðið þyrfti
að hjálpa ánni.
Alls veiddust í sumar 136 laxar
en í fyrra veiddust ríflega 200.
Ágúst sagði að á einu veiðisvæð-
inu hefðu verið settir út steinar til
þess að fá laxinn til að stöðvast og
svo virtist sem það hefði skilað ár-
angri því laxinn hefði tekið rétt
neðan við steinana. Þeir stang-
veiðimenn sem vilja munda flugu-
stöngina og taka þátt í klakveið-
inni geta haft samband við Ágúst,
sem sagði að laxinn væri nú lagst-
ur á veiðisvæðunum.
Morgunblaðið/Sigurður Jónsson
Ágúst Morthens í Veiðisporti
bendir á eina laxakistuna í Ölf-
usá, á miðsvæðinu á Selfossi.
Veiða lax
á flugu í
klak
Selfoss
VERULEGUR vöxtur varð í Norð-
fjarðará í miklu rigningarveðri sem
gekk yfir um helgina. Við það
grófst undan þeim stöpli brúar-
innar sem skemmdist í vatnavöxt-
unum í lok ágúst og búið var að
gera við til bráðabirgða.
Stöpullinn seig um nokkra senti-
metra og varð að takmarka umferð
yfir brúna við 7 tonna öxulþunga.
Vegagerðin brást skjótt við og hóf
að koma fyrir grjóti við stöpulinn til
að beina vatnsflaumnum frá. Í gær-
kvöldi var brúnni lokað til morguns.
Morgunblaðið/Ágúst Blöndal
Hér má sjá hvernig stöpullinn hefur losnað frá brúargólfinu.
Brúin yfir
Norðfjarðará
skemmist
aftur
Neskaupstaður
VERIÐ er að kanna hvort koma eigi
fyrir fjarfundabúnaði í Grunnskól-
anum á Finnbogastöðum í Árnes-
hreppi. Að sögn Gunnsteins Gísla-
sonar, oddvita í Árneshreppi, er
ekki endanlega ákveðið hvenær eða
hvort af þessu verður en líklegt að
ef af því verður verði það fljótlega.
Inntur eftir því hvaða kennslu-
greinar yrðu þá kenndar með slík-
um hætti segir hann enn eiga eftir
að móta það. Hann segir fimm nem-
endur vera í Grunnskólanum á
Finnbogastöðum. Ekki segir hann
ákveðið hvaðan kennt yrði.
Fjarkennsla hefur farið fram í um
tvö ár í Grunnskólanum á Hólmavík
og gefist mjög vel að sögn skóla-
stjórans Victors Arnar Victorsson-
ar. „Þetta hófst sem tilraun fyrir um
tveimur árum á vegum Sambands
íslenskra sveitarfélaga,“ segir Vic-
tor og bætir við að skólinn fjarkenni
yfir á Broddanes, sem er í um 50 km
fjarlægð. Á þessari önn er það
tungumálakennsla, enska og
danska, sem fer fram með fjar-
kennslu og segir Victor þrjár stúlk-
ur nýta sér þetta í dag. Hann segir
þó breytilegt eftir önnum hvaða
námsgreinar séu kenndar með
þessu hætti.
Hann segir einn aðaltilgang fjar-
kennslunnar vera félagslega þátt-
inn. Aðspurðurhvort Grunnskólinn á
Hólmavík sé eini grunnskólinn sem
bjóði upp á fjarkennslu í dag segist
hann ekki hafa heyrt um annan
grunnskóla og telur það því mjög
líklegt.
Fjarkennsla í grunnskól-
unum tengir byggðirnar
Strandir
UNDANFARIÐ hefur verið unnið
við að steypa upp fjórar brýr í
Fljótsdal á vegum Malarvinnslunnar
á Egilsstöðum. Eru þær yfir Jök-
ulsá, sem er langstærsta brúin,
Hengifossá, Bessastaðaá og Gilsá.
Sigurþór Sigurðsson, fram-
kvæmdastjóri Malarvinnslunnar,
sagði í samtali við Morgunblaðið að á
tæpum þremur sólarhringum yrði
fyrsti áfangi brúar yfir Jökulsá
steyptur upp. Hún verður alls 250
metra löng, en fyrsti áfangi upp-
steypunnar felst í 112 lengdarmetr-
um í brúargólfi. Byrjað er á miðjunni
og þá á endum og fara um 730 rúm-
metrar af steypu í þennan áfanga, en
alls verða þeir 2.063. Hafliði Hjarð-
ar, verkstjóri á staðnum, segir
mannskapinn ná að steypa um 17,5
rúmmetra á klukkustund, en yfir 60
manns koma að verkinu í þessari
lotu og er unnið á vöktum allan sóla-
hringinn.
Steypan í brúna yfir Jökulsá er
flutt um 35 km veg frá steypustöð
Malarvinnslunnar á Egilsstöðum og
fara steypubílarnir í kringum 140
ferðir með steypu.
Samkvæmt útboðsgögnum á Jök-
ulsárbrúin að vera tilbúin 1. júní á
næsta ári. Annar áfangi verksins, 70
lengdarmetrar, er ráðgerður eigi
síðar en í nóvember og þriðji áfangi í
janúar nk. Verklok eru sett á 1. júní
sama ár.
Hengifossár- og Bessastaðaár-
brýr eru tilbúnar, en jafnhliða öðrum
áfanga brúarinnar yfir Jökulsá,
verður farið í byggingu Gilsárbrúar.
Um 270 milljónir króna kostar að
byggja brýrnar fjórar í Fljótsdal.
Brúin yfir Jökulsá í Fljótsdal er
stærsta einstaka verkefni Malar-
vinnslunnar hingað til, en á döfinni
hjá fyrirtækinu er bygging blokkar
og einbýlishúsa í nýju hverfi í Egils-
staðabæ.
Morgunblaðið/Steinunn Ásmunds
Starfsmenn Malarvinnslunnar á Egilsstöðum leggja nótt við dag í upp-
steypu 250 m langrar brúar yfir Jökulsá í Fljótsdal.
Steypa upp fjórar
brýr í sama dalnum
Egilsstaðir