Morgunblaðið - 17.10.2001, Qupperneq 2

FRÉTTIR
2 MIÐVIKUDAGUR 17. OKTÓBER 2001 MORGUNBLAÐIÐ
Fylgstu
með
nýjustu
fréttum
www.mbl.isAtvinnumannsferli Bjarka
Gunnlaugssonar lokið / B3
Sigurganga Hauka og Vals
heldur áfram / B2
4 SÍÐUR
Sérblöð í dag
RÍKISSTJÓRNIN ætlar að beita
sér fyrir því að 2.700 milljarða rík-
isábyrgð vegna trygginga íslensku
flugfélaganna, sem gildir til 25.
október, verði framlengd til ára-
móta.
Alþjóðasamband flugfélaga,
IATA, hefur hvatt öll flugfélög til að
fá framlengingu á ríkisábyrgðum
vegna trygginga þeirra til 1. apríl á
næsta ári. Geir H. Haarde fjármála-
ráðherra lagði fram minnisblað um
málið á fundi ríkisstjórnarinnar í
gærmorgun og var ákveðið að rík-
isstjórnin beitti sér fyrir því að tíma-
bil ríkisábyrgðarinnar yrði fram-
lengt til 31. desember. Hins vegar
segir fjármálaráðherra að allt kapp
sé lagt á að málin leysist með öðrum
hætti löngu fyrir þann tíma og sé
það í samræmi við það sem Evrópu-
sambandið sé að beita sér fyrir.
Í kjölfar árásarinnar á Bandaríkin
11. september sl. sögðu trygginga-
félög upp tryggingum flugfélaga,
ekki síst vegna ótta þeirra við stríðs-
átök og frekari hryðjuverk. 23. sept-
ember sl. ákvað íslenska ríkisstjórn-
in að setja bráðabirgðalög sem
heimiluðu henni að veita ábyrgð á
tryggingum íslenskra flugfélaga.
Ábyrgðin hljóðaði upp á 2.700 millj-
arða króna og gildir til 25. október.
Geir H. Haarde flutti frumvarp til
staðfestingar bráðabirgðalögunum
og er það í efnahags- og viðskipta-
nefnd Alþingis, en nú þarf að flytja
breytingartillögu við frumvarpið um
að breyta dagsetningunni. Afgreiða
verður málið í vikunni því þinghlé
verður í næstu viku.
Guðjón Arngrímsson, upplýsinga-
fulltrúi Flugleiða, segir að ekki sé
búið að leysa tryggingamál flug-
félaga IATA og þótt þokast hafi
áleiðis sé langt í land. Trygging, sem
ekki hafi staðið til boða, sé nú að ein-
hverju leyti í boði en IATA telji að
flugfélögin geti ekki gengið að sett-
um skilyrðum og hafi því hvatt til
áframhaldandi ríkisábyrgðar. For-
seti Alþjóðaflugmálastofnunarinnar
hafi tekið í sama streng og ætli að
senda viðkomandi ríkisstjórnum
áskorun sína skriflega, en 63 ríki
veittu ríkisábyrgð vegna trygginga
viðkomandi flugfélaga.
Ábyrgðartrygging flugfélaga rennur út 25. október
Ríkisábyrgðin fram-
lengd til áramóta
VEL viðraði til útiverka á höfuð-
borgarsvæðinu í gær þótt októ-
bermánuður sé nú meira en
hálfnaður. Sólin varpaði geislum
sínum á menn og vélar sem unnu
af kappi að verkum sínum eins og
sjá má af skuggamyndunum.
Miklar annir hafa verið hjá iðn-
aðarmönnum á höfuðborgarsvæð-
inu að undanförnu, en margt
bendir til þess að heldur minna
verði að gera hjá þeim á næst-
unni. Sama má segja um þá sem
vinna að jarðvinnu.
Morgunblaðið/RAX
Viðrar vel
til útiverka
ALMANNAVARNIR ríkisins og
landlæknisembættið telja afar
litlar líkur á að miltisbrandur
eða aðrar sýkingar berist hingað
til lands með póstsendingum.
Engin ástæða sé fyrir almenning
að breyta daglegum athöfum sín-
um vegna þessa.
Í fréttatilkynningu frá Al-
mannavörnum og landlækni
kemur fram að eigi að síður hafi
margar spurningar borist til
landlæknisembættisins og Al-
mannavarna um málið, en þær
funduðu með ríkislögreglustjóra
í gær til að skilgreina það sem
kalla mætti grunsamlegan póst.
Helstu spurningarnar og svör
við þeim eru á heimsíðu land-
læknis, www.landlaeknir.is og
tenging þangað frá heimasíðu
Almannavarna www.avrik.is.
Þessar upplýsingar verða endur-
skoðaðar eftir þörfum.
Í tilkynningunni er þó áréttað
að berist grunsamlegur póstur
megi hafa eftirfarandi í huga:
„Póstur gæti talist grunsamleg-
ur ef fleira en eitt af eftirfarandi
á við: Sending stíluð á þekkta
einstaklinga eða þekktar stofn-
anir, uppruni óþekktur, viðtak-
andi óljós, sending berst frá
landi þar sem miltisbrandstilvik
hafa komið upp, sendingar velkt-
ar, óhreinar eða einkennilega
stafsettar. Mestu máli skiptir þó
mat viðtakanda sjálfs á eðli
sendingarinnar.
Teljist sending grunsamleg
samkvæmt ofanskráðu má setja
hana í loftþéttan, gagnsæjan
plastpoka. Það útilokar að milt-
isbrandur geti borist út í and-
rúmsloftið. Forðast skal að
handleika bréfið með berum
höndum meira en nauðsyn kref-
ur áður en það er sett í plastpok-
ann, en best er að nota hanska
við það. Þvo skal hendur með
heitu vatni og sápu eftir að bréf-
ið er handleikið. Hægt er að nota
poka með loftþéttum plastrenni-
lásum eða venjulegan plastpoka
sem loka má með límbandi.
Auðvelt á að vera að opna
sendinguna inni í loftþéttum
plastpokanum, en gera þarf það
með ýtrustu varúð svo plastpok-
inn rifni ekki. Sé innihaldið með
dufti eða torkennilegum skila-
boðum skal tilkynna það lög-
reglu sem sækir og rannsakar
sendinguna. Því er beint til
stofnana að öryggisfulltrúar eða
aðrir tilgreindir einstaklingar
taki afstöðu til mála af þessu
tagi.
Lögreglan hefur samband við
sóttvarnayfirvöld ef þörf krefur.
Sé erfitt að opna bréfið skal lög-
regla til kölluð og sækir hún þá
bréfið. Bregði svo ólíklega við að
upp komi grunsamlegt tilvik um
mengun er heilbrigðisþjónustan
undir það búin að bregðast við,
t.d. eru lyf við sjúkdómnum í öll-
um byggðum landsins.“
Ólíklegt að
miltisbrandur
berist hingað
UMSÓKNARFRESTUR rann út á
mánudag fyrir þá sauðfjárbændur
sem vildu selja ríkissjóði sauðfjár-
kvóta samkvæmt síðasta búvöru-
samningi. Að sögn Guðmundar Sig-
þórssonar, formanns Fram-
kvæmdanefndar búvörusamninga,
bárust umsóknir frá um 60 bænd-
um sem vildu selja ríkinu um 8.400
ærgildi. Umsóknir hafa þá komið
um sölu á 43.500 ærgildum en á síð-
asta ári seldu nálægt 350 bændur
eða greiðslumarkshafar ríkinu ríf-
lega 35 þúsund ærgildi. Eftir
standa því 1.500 ærgildi en sam-
kvæmt búvörusamningnum, sem
undirritaður var í mars árið 2000,
var miðað við að eftir sölu á 45 þús-
und ærgildum myndi ríkið hætta
kaupunum og viðskipti með
greiðslumark sauðfjár, eða sauð-
fjárkvóta, yrðu gefin frjáls.
Sauðfjárbændur fá í haust 19
þúsund krónur fyrir hvert ærgildi
en í fyrra greiddi ríkið 22 þúsund
fyrir ærgildi. Í fyrra greiddi ríkið
um 770 milljónir fyrir kvótann og
flest bendir til að það greiði um 150
milljónir fyrir kvótann á þessu ári
eða samtals um 900 milljónir króna
á tveimur árum. Þeir sem ætla að
selja á næsta ári fá minna fyrir
hvert ærgildi, eða 16 þúsund krón-
ur.
Hefðu umsóknir borist um sölu á
þeim sauðfjárkvóta sem upp á vant-
aði á þessu ári, um 10 þúsund ær-
gildum, hefðu viðskiptin verið gefin
frjáls um næstu áramót. Guðmund-
ur Sigþórsson telur litlar sem engar
líkur á að þetta uppkaupamarkmið
náist, þrátt fyrir að heimilt sé að
gera samninga til 15. nóvember nk.
Hann sagði að um tíma í haust
hefðu verið komnar umsóknir fyrir
10 þúsund ærgildum en þónokkrir
greiðslumarkshafar dregið um-
sóknir sínar til baka af ýmsum
ástæðum. Meðal skýringa má nefna
að bændur fengu óvænt heyforða
fyrir veturinn sem þeir vildu nýta
og sumir vildu selja kvótann öðrum
en ríkinu, t.d. með skiptum fyrir
mjólkurkvóta.
„Miðað við viðbrögðin á síðasta
ári, þegar ríkið keypti 35 þúsund
ærgildi, bjuggumst við jafnvel við
að markmiðið næðist í ár. Að
nokkru leyti kemur þessi niður-
staða nú okkur á óvart,“ segir Guð-
mundur.
Af þeim um 410 greiðslumarks-
höfum sauðfjár sem selt hafa ríkinu
eru fáir bændur sem eru að bregða
búi, aðallega eru þetta svonefndir
„tómstundabændur“ eða bændur á
blönduðum búum sem eru kannski
alfarið að snúa sér að nautgripa-
rækt eða annarri grein landbúnað-
arins.
Uppkaup ríkisins á sauðfjár-
kvóta klárast ekki í haust
Viðskipti með
kvóta ekki
gefin frjáls