Morgunblaðið - 20.10.2001, Blaðsíða 28
LISTIR
28 LAUGARDAGUR 20. OKTÓBER 2001 MORGUNBLAÐIÐ
AÐ öðru jöfnu sækir UglaEgilsdóttir nám í 10. bekkLaugalækjarskóla. Enþennan dag fékk hún frí til
að fara í tvö viðtöl vegna frumsýning-
arinnar. Ugla segir að námið gangi
bærilega, en fari þó eftir árstíma.
„Maður er duglegastur fyrst á vet-
urna, fær þá 9 og 10, en svo getur
hallað undan fæti þegar á skólaárið
líður. Ég missti að vísu af byrjun
vetrarins núna því ég var með vin-
konu minni í fimm vikur í Lyon í
Frakklandi þar sem mamma er í
rannsóknarleyfi frá háskólanum. Það
var rosalega gaman.“
Hún kveðst vera best í málfræði
og bókmenntum, enda þyki henni
þau fög skemmtilegust. Ég er léleg í
fögum sem mér þykir leiðinleg, eins
og að læra utanbókar staðanöfn í
landafræði. Ég bara get ekki munað
svoleiðis.“
Eru krakkarnir í skólanum með-
vituð um að í þeirra hópi núna er
kvikmyndaleikkona?
„Já, flest.“
Þekkja þau bókina Mávahlátur?
„Ég veit það ekki. Sjálf las ég hana
ekki fyrr en ég frétti af leikprufunni.
Mér fannst hún frábær þegar ég var
komin áleiðis inn í hana, ekki kannski
alveg fyrst, en svo lá ég í hláturskasti
yfir mörgum kaflanna.“
Lestu yfirleitt mikið?
„Ég gerði það. Núna les ég í köst-
um. Stundum eina bók á dag, þrjá
daga í röð. Svo kemur leshlé.“
Hvernig bækur lestu?
„Alls konar. Skáldsögur, unglinga-
bækur, fræðslubækur um tauga-
sjúkdómafræði, barnabækur,
stjörnuspeki...“
Fræðslubækur um tauga-
sjúkdómafræði?
„Ég fékk áhuga á henni þegar ég
greindist með vægt „Tourette synd-
rome“ og fannst það svo æðislegt að
ég vildi fræðast um það efni.“
Sól í
vatnsbera
Áttu uppáhaldsbók?
„Lína langsokkur, Peð á plánet-
unni Jörð eftir Olgu Guðrúnu Árna-
dóttur, Oliver Sacks og stjörnuspeki-
bækurnar mínar. Og Mávahlátur,
bæði bók og handrit.“
Trúirðu á stjörnuspeki?
„Ég er ekki búin að ákveða það.
Mér finnst það heldur ekki skipta öllu
máli. Það er bara gaman að þessu.“
Í hvaða stjörnumerki ertu?
„Ég er t.d. með sól, tungl, Merkúr
með Venus og Júpíter í vatnsbera,
Venus í vatnsbera og 8. húsi, Mars í
bogmanni. Svo eru Satúrnus og Úr-
anus kynslóðaplánetur, sem eru mjög
atkvæðamiklar. Ég er mikið með átt-
unda hús og rísandi ljón!“
Hvað þýðir þetta?
„Það er svo rosalega margslungið.
Vatnsberinn er fjarlægur, en ekki
bogmaðurinn og ljónið, svo ég taki
dæmi. Allir eðlisþættir eru í öllu fólki,
bara í misstórum skömmtum. Þetta
eru skemmtilegar sálfræðipælingar,
sem eru góðar fyrir mann þótt þær
séu ekki endilega réttar.“
Hefurðu lengi haft áhuga á leiklist?
„Já. Ég hef leikið í nokkrum aug-
lýsingum og í einhverjum kristileg-
um þáttum í barnasjónvarpinu. Þá
trúði ég reyndar ekki á guð, þannig
að ég hafði frekar takmarkaðan
áhuga á umfjöllunarefninu. Þá var ég
að pæla í að gerast ásatrúar.“
Trúirðu núna á guð?
„Já, en ekki endilega eins og Bibl-
ían er oft túlkuð.“
Hvað olli því að þú skiptir um skoð-
un?
„Ég fékk leið á ásatrúnni og fann
ekki fleiri bækur um hana. Þá fór ég
að lesa Biblíuna.“
Öskraði og öskraði
og öskraði
En þú varst búin að lesa Mávahlát-
ur áður en þú fékkst hlutverkið.
Hvernig bar það að?
„Ég var á skrá hjá Casting, sem er
fyrirtæki á sviði leikararáðninga. Það
var hringt í mig og ég beðin að koma í
prufu þar sem ég átti að segja frá
sjálfri mér fyrir framan myndavél.
Þá fór ég að lesa bókina. Tveimur
mánuðum seinna var ég beðin að
koma í aðra prufu, þar sem Ágúst var
og bað mig að lesa úr handritinu.
Viku seinna var hringt og sagt að ég
fengi hlutverkið.“
Langaði þig mikið í hlutverkið?
„Já, rosalega, bæði vegna almenns
áhuga á leiklist og þess að mér þótti
eftir lestur bókarinnar vænt um hana
og persónur hennar. Ég var búin að
pæla svo mikið í henni.“
Varðstu þá mjög glöð þegar þú
fékkst hlutverkið?
„Já, ég öskraði og öskraði og
öskraði.“
Hvað fannst foreldrum þínum?
„Þau voru mjög fegin að Ágúst var
leikstjórinn, því hann er góður og til-
litssamur.“
Hafðirðu pælt mikið í persónu
Öggu?
„Já. Hún er svolítill einfari, á ekki
marga vini, er frekar fjarlæg gagn-
vart fólki og fylgist með því og finnst
ofsalega fyndið að koma fólki úr jafn-
vægi, sérstaklega Freyju (frænku
sinni sem snýr heim að utan). Hún
hefur ekki mikla trú á Freyju.“
Hvað finnst þér um Freyju?
„Hún er skrýtin persóna, skemmd
úr barnæsku, held ég, kannski vegna
eineltis. Þegar fólk gerir á hennar
hlut sér hún ekki aðra leið en hefna
sín og jafnvel drepa viðkomandi.“
Finnst þér þið Agga eiga eitthvað
sameiginlegt?
„Sumt. En hún er mun jarðbundn-
ari og afdráttarlausari en ég; sér um-
hverfið meira sem gott-vont, svart-
hvítt. Og henni finnst allt í lagi að
gera vesen og stressar sig ekki út af
því.“
Ert þú ekki þannig?
„Ja, minna eftir að hafa leikið
svona eins og Agga.“
Hefur þá persónan haft slík áhrif á
þig?
„Allt hefur áhrif á mann, sérstak-
lega þegar maður er 15 ára!“
Hægt á heilastarfseminni
Hélstu að það væri öðruvísi að
leika í bíómynd en raun varð svo á?
„Ég hafði heyrt að þetta væri ofsa-
lega mikil bið, kalt á tökustöðum og
svoleiðis ýkjur. En þegar ég þurfti að
bíða hægði ég bara á heilastarfsem-
inni svo ég fann ekki fyrir henni! Þeg-
ar mér var sagt að nú þyrfti ég að
bíða sagði ég bara: Ókei, þá fer á aft-
ur á klósettið!“
Hvernig hægir maður á heilastarf-
seminni?
„Borða mikið nammi og fara oft á
klósettið. Það er mjög skemmtilegt
þegar maður hefur ekkert að gera.
Þá hægist sjálfkrafa á öllu. Annars
var þetta svo þægilegt vinnuum-
hverfi, allir svo góðir og skemmtileg-
ir. Mikil áhersla lögð á að öllum liði
vel, enda vinnudagarnir langir. Við
vorum eins og ein stór fjölskylda.
Þetta var óskaplega skemmtilegt. Og
eftir svona langan samfelldan tíma í
undirbúningi og tökum, sem stóðu í
sjö vikur, var erfiðast að kveðja alla
og fara aftur í skólann.“
Eignaðistu vini í hópnum?
„Jájá, bæði fullorðna og hina stelp-
una, Diljá, sem leikur í myndinni. Á
tökustað hékk uppi listi fyrir hina
fullorðnu til að skrá sig á ef þeir vildu
bjór með matnum. Okkur fannst
ofsalega gaman að skrá nöfnin okkar
þar og óska eftir 60 bjórum. Þá var
skipt um lista og hengt upp blað með
nöfnum allra nema okkar, svo við gát-
um ekki meir.“
Kynntistu eitthvað Þjóðverjunum
sem unnu við myndina (Heino Ferch,
sem leikur Björn Theodór og Peter
Krause tökumanni)?
„Jájá, þeir voru yfirmáta skemmti-
legir.“
Kanntu þýsku?
„Ég lærði eina setningu: Du bist
mein freund.“
Fannst þér þú læra af þessari
reynslu?
„Já. Þetta hefur staðið yfir í eitt ár,
frá því ég var ráðin 13. október í fyrra
og þar til núna. Ég lærði mikið um
kvikmyndir og fullt af proffamáli.“
Til dæmis?
„Til dæmis: Varíkonið mýkir rast
inni á filmunni og síðan eftirá er þetta
náttla sent í labb í blíts bæpass og þar
er það svo unnið til baka.“
Tilhlökkun og kvíði
Langar þig til að gera eitthvað
þessu líkt aftur?
„Ef tækifæri gefst. Ég hefði áhuga
á að læra eitthvað sem snýr að leik-
list, leikhúsi, kvikmyndum og tón-
list.“
Ferðu mikið í leikhús og á bíó?
„Já, eins mikið og ég get. Sérstak-
lega hef ég gaman af alls konar söng-
leikjum, bæði í leikhúsi og bíói. En
annars bara öllu. Ég var mjög hrifin
til dæmis af Vitleysingunum í Hafn-
arfjarðarleikhúsinu, Dancer In the
Dark, The Grinch Who Stole Christ-
mas og Brother Where Art Thou? í
bíó og svo fullt af íslenskum mynd-
um.“
Þú hefur ekki aðeins áhuga á söng-
leikjum – þú ert sjálf í söngleikja-
námi?
„Já, hjá Margréti Eir í söngleikja-
deild Domus Vox. Ég hætti að læra á
fiðlu og langaði að prófa þetta.“
Ertu þá hætt við fiðluna?
„Neinei, ég ætla að kaupa mér raf-
magnsfiðlu og reyna að komast í
hljómsveit; er reyndar með fjögur
hljómsveitarplön í gangi en ég veit
ekki hvað verður úr. Ég get spilað
svolítið á flest hljómahljóðfæri, píanó,
harmonikku o.s.frv.“
Hvernig tónlist er skemmtilegust?
„Ég er alæta – Bach, djass, söng-
leikjatónlist, popp, grísk tónlist, rokk
og rapp. Held upp á Vanessu May,
Lauren Hill, Theodorakis, Ellu Fitz-
gerald o. m. fl.“
Semurðu tónlist?
„Já, ég á bunka af lögum. Stundum
sem ég lög og ætla að semja texta við
og svo sem ég texta og ætla að semja
lög við en það er erfitt að koma hvoru
tveggja saman.“
Þú skrifar þá líka?
„Já, ég skrifa alls konar texta. Á 70
úskrifaðar bækur af bulli, nokkrar
sögubyrjanir upp á eina síðu og fullt
af ljóðum.“
Um hvað skrifarðu?
„Bara fólk, sem ég bý til.“
Og svo dansarðu steppdans líka?
„Já. Á ég að steppa fyrir þig?“
Ugla rís úr sæti sínu í veitingasal
Hótel Borgar og hefur fimlegan
steppdans fyrir framan barinn. Í lok-
in setur hún upp óhugnanlega fótaæf-
ingu, þar sem báðir snúa aftur en
ekki fram.
Þegar hún er sest kveðst hún hafa
lært að steppa af sjálfri sér með því
að horfa á Singing In the Rain og
hlusta á steppið í söngleikjum sem
hún finnur á Netinu.
Þannig að þú getur farið að leika í
dans- og söngvamyndum eins og ekk-
ert sé?
„Ekki eins og ekkert sé.“
En hvernig líður þér núna fyrir
frumsýninguna?
„Ég bæði hlakka til og kvíði fyrir.
Mest kvíði ég fyrir að sjá sjálfa mig
svona fyrirferðarmikla á tjaldinu. En
það verður gaman að hitta fólkið aft-
ur.“
Myndirðu vilja gera kvikmyndir
sjálf?
„Það gæti alveg verið. Þá gæti ég
gert bíómynd sem sameinaði allt sem
mér finnst skemmtilegt.“
Bíómynd með tónlist, dansi, tauga-
sjúkdómafræði, málfræði, stjörnu-
speki, tónfræði, hljómfræði og fólki,
sem hún býr til sjálf. Sem sagt: Það
yrði óvenjuleg kvikmynd. En Ugla
Egilsdóttir er líka óvenjuleg stúlka.
Ugla er
Agga –
og miklu
meira
Morgunblaðið/Ásdís
Lokaatriði steppdans: Ugla snýr báðum fótum aftur.
Ugla Egilsdóttir, 15 ára, gengur í skóla eins og flestir jafnaldrar hennar. Hún leikur á píanó og fiðlu, dansar steppdans, er í söng-
námi, er áhugamanneskja um stjörnuspeki, taugasjúkdómafræði, málfræði, tónfræði og hljómfræði, öfugt við flesta jafnaldra sína,
skrifar Árni Þórarinsson. Og hún leikur forvitnu stúlkuna Öggu, annað aðalhlutverkið í kvikmyndinni Mávahlátur.
Ágúst Guðmundsson frumsýnir
Mávahlátur í Háskólabíói í kvöld
ath@mbl.is
TÍMAMÓT verða í safnastarfi á Ís-
landi í dag þegar Listasafn Reykja-
víkur kynnir til sögunnar GSM-leið-
sögn um Erró-sýninguna í
Hafnarhúsinu. GSM-leiðsögnin hef-
ur verið þróuð í nánu samstarfi við
Íslandssíma, sem er aðalsamstarfs-
aðili Listasafns Reykjavíkur.
Leiðsögninni má líkja við hljóð-
leiðsögn („audio-guide“) sem er al-
geng víða í söfnum erlendis, en hún
byggist þó á annarri tækni eins og
nafnið gefur til kynna. Gestir safns-
ins hringja í ákveðið númer úr far-
síma sínum og geta þar hlýtt á
kynningu um Erró-sýninguna og
hvernig best sé að fara um hana til
að fá heildstæða mynd af þeirri þró-
un sem orðið hefur á ferli lista-
mannsins. Þá er hægt með ákveðn-
um skipunum að velja um ellefu
umsagnir um verk Errós og ákveðin
tímabil í lífi hans, sem íslenskir
listamenn og listfræðingar hafa
samið og lesið inn.
Þetta nýstárlega samspil tækni
og listar í Listasafni Reykjavíkur
verður í framtíðinni þróað áfram
með öðrum sýningum bæði hvað
varðar framsetningu og tækni.
Fyrst um sinn verður GSM-leið-
sögnin gestum safnsins að kostnað-
arlausu.
Í tilefni þessara tímamóta verður
ókeypis aðgangur fyrir alla gesti
Listasafns Reykjavíkur í Hafnar-
húsinu í dag og boðið upp á ýmsa
skemmtan fyrir fjölskylduna. M.a.
verður yngri gestum safnsins boðið
upp á myndlistar- og tónlistar-
smiðju þar sem unnið verður í anda
verka Errós. Börnin verða aðstoðuð
við að búa til stórt vegglistaverk úr
klippimyndum, og hljóð- og tölvu-
maðurinn Bibbi leikur og vinnur
með börnunum að gerð hljóðverks
sem unnið er upp úr teiknimyndum.
Í útiportinu verður boðið upp á leiki
og ýmsa afþreyingu.
Heimasíða Listasafns Reykjavík-
ur hefur verið endurgerð og verður
opnuð formlega í dag, en þar er m.a.
að finna sýndarferð um Erró-sýn-
inguna í Hafnarhúsinu sem fyrir-
tækið Landmat hefur unnið í sam-
starfi við Listasafn Reykjavíkur.
Slóð síðunnar er www.listasafn-
reykjavikur.is.
Dagskrá Listasafns Reykjavíkur
í Hafnarhúsi stendur kl. 14–18.
GSM-leiðsögn í Hafnarhúsinu