Morgunblaðið - 20.10.2001, Blaðsíða 23

ERLENT
MORGUNBLAÐIÐ LAUGARDAGUR 20. OKTÓBER 2001 23
Kringlunni
Allir
útijakkar
og frakkar
á 20%
Kringlukast
afslætti.
JOHN Ashcroft, dómsmálaráð-
herra Bandaríkjanna, fagnaði í
gær fangelsisdómum yfir fjórum
fylgismönnum hryðjuverkaforingj-
ans Osama bin Ladens fyrir hlut-
deild í sprengjutilræðum við tvö
bandarísk sendiráð árið 1998.
Mennirnir höfðu áður verið
fundnir sekir en dómurinn var
kveðinn upp í fyrradag og hljóðar
hann upp á lífstíðarvist innan fang-
elsismúra. Jafnframt var beiðni um
reynslulausn fyrirfram hafnað.
Ashcroft lýsti dómnum sem
áfangasigri á samtökum bin Lad-
ens, al-Qaeda, og hét því að draga
samstarfsmenn fjórmenninganna
fyrir rétt.
Mennirnir heita Khalfan Khamis
Mohamed, 28 ára Tansaníumaður,
Mohamed Al-’Owhali, 24 ára gam-
all Sádi-Arabi, Mohamed Saddiq
Odeh, 36 ára Jórdani, og Wadih el-
Hage, 41 árs bandarískur ríkis-
borgari, fæddur í Líbanon. Þeir
voru dæmdir fyrir þátt sinn í
sprengjutilræðum árið 1998 við
sendiráð Bandaríkjanna í Dar es
Salam í Tansaníu og Nairóbí í
Kenýa. Alls fórst 231 maður í til-
ræðum þessum.
Mennirnir, sem tengdir eru
hryðjuverkaleiðtoganum Osama
bin Laden, áttu yfir höfði sér
dauðadóma en dómarinn ákvað að
þyrma lífi þeirra, m.a. til að
tryggja að þeir kæmust ekki í tölu
píslarvotta meðal samverkamanna
sinna.
Lífstíðar-
dómar yfir
mönnum
bin Ladens
New York. AP.
DICK Cheney, varaforseti
Bandaríkjanna, ræddi við
fréttamenn þegar hann skoð-
aði aðstæður í rústum World
Trade Center í New York á
fimmtudaginn. Var hann þar í
för með George Pataki, rík-
isstjóra í New York (til hægri)
og Rudolph Giuliani, borg-
arstjóra (lengst til hægri).
Cheney sagði að Bandaríkja-
menn ættu að búa sig undir
fleiri árásir hryðjuverka-
manna, jafnvel þótt aðgerðir
gegn þeim stæðu yfir. „Bar-
áttan getur einungis endað
með því að [hryðjuverkamönn-
um] verði gereytt og Banda-
ríkin og málstaður frelsisins
vinni fullan sigur,“ sagði
Cheney.AP
Cheney
skoðar
rústirnar
BANDARÍSKA varnarmálaráðuneytið hefur
varið milljónum dollara til að koma í veg fyrir að
fjölmiðlar komist yfir nákvæmar ljósmyndir sem
teknar eru úr gervitunglum í einkaeigu og sýna
afleiðingar loftárásanna á Afganistan.
Hermt er að myndir sem teknar eru úr gervi-
tunglinu Íkonos, sem skotið var á braut árið 1999,
séu mun skýrari en myndir njósnahnatta sem
heraflanum stóðu til boða á tímum kalda stríðs-
ins, að því er fram kemur á fréttavef breska
blaðsins The Guardian.
Einkar skýrar myndir sem þegar hafa náðst
frá Afganistan leiða m.a. í ljós hryðjuverkanema
ganga fylktu liði milli þjálfunarbúða í Jalalabad.
Með sömu upplausn og skýrleika væri hægt að
telja lík fallinna eftir loftárásirnar að undan-
förnu.
Samkvæmt bandarískum lögum er varnar-
málaráðuneytinu stætt á að leggja hald á myndir
frá gervitunglum eða stöðva upptökur þeirra
meðan Bandaríkin eiga í styrjaldarátökum, svo
upplýsingar falli ekki í hendur óvinarins. Hefur
ráðuneytið þó ekki beitt því afli sínu ennþá en það
hefur hins vegar kosið að beita viðskiptaafli með
því að kaupa einkarétt að myndunum og koma
þannig í veg fyrir að fjölmiðlar komist yfir þær.
Bandaríski herinn er ekki sagður þurfa á
myndum Íkonosar að halda í þágu baráttu sinnar
gegn hryðjuverkastarfsemi því hann hefur haft
yfir að ráða sex fullkomnum hnöttum á braut sem
fylgst hafa sérstaklega með Afganistan og þeim
sjöunda var skotið á loft um helgina. Fjórir hnatt-
anna, sem nefnast „Skráargötin“, eru sagðir skila
sex til 10 sinnum betri upplausn og nákvæmni en
Íkonos, sem greinir hlut sem er einn metri á
lengd.
Kaupa gervitunglamyndir