Morgunblaðið - 04.11.2001, Blaðsíða 29

LISTIR
MORGUNBLAÐIÐ SUNNUDAGUR 4. NÓVEMBER 2001 29
Ferðaskrifstofan Embla býður aðeins 20 sæti í þessa glæsilegu
páskaferð- „dvöl í Paradís“ með viðkomu í París á heimleið.
Njótið þægilegs loftslags, hvíldar og lífsins listisemda á Paradise
Cove, 5 stjörnu lúxus gististað, sem á engan sinn líka.
Máritíus er staður hinna vandlátu, sem forðast mergð ferða-
manna og kjósa fagrar hreinar strendur, aðbúnað í hæsta gæða-
flokki og fallegt umhverfi. Framandi mannlíf, líflegir útimarkaðir
og kaffihúsamenning innan seilingar.
Frábær þjónusta um borð í breiðþotum Air
Mauritius, 9 nátta dvöl á Paradise Cove með
morgunverði og veislukvöldverði alla dagana,
íslensk fararstjórn og gisting í miðborg Parísar
í eina nótt.
Hringið og tryggið ykkur sæti!
Máritíus — Perla Indlandshafs
27. mars til 8. apríl – aðeins 5 vinnudagar
Vistvænar Veraldarferðir
Áramótaveisla
í Kraká
Kraká er ein af fegurstu
borgum Evrópu. Öll miðborgin
er friðuð vegna stíls og sögu-
legs gildis og telst sameigin-
legur arfur mannkyns. Í Kraká
er fjöldi fagurra listasafna og
eitt fegursta miðaldatorg sem enn er varðveitt í Evrópu. Einstakt
tækifæri að fagna nýju ári á ógleymanlegan hátt !
Brottför 29. desember – 5 dagar á hreint ótrúlegu verði - aðeins 58. 900 kr.
Innifalið: flug um Kaupmannahöfn til Kraká, gisting í fjórar nætur með morgunverði,
skoðunarferðir og leiðsögn Þorleifs Friðrikssonar. Boðið verður upp á kynnisferðir til
Auschwitz og Zakopane í suður Póllandi.
Jólastemmning í
Kaupmannahöfn
á Aðventu
Helgarferð til Kaupmannahafnar í fylgd
Þorleifs Friðrikssonar sagnfræðings
þann 30. nóvember til 3. desember.
Verð ferðar aðeins: 49. 000 kr. Innifalið í
verðinu er flug, gisting í 3 nætur á Hótel Ópera
með morgunverði, jólahlaðborð í Tivoli, tvær
skoðunarferðir og leiðsögn. FÁ SÆTI LAUS
Paradise Cove
• 45 m2 glæsilega búin herbergi
með sérverönd
• fallegur garður við fagurblátt
sjávarlón
• einkastrendur
• kertaljósakvöldverðir við
undirleik öldunnar
• bátsferðir, kanúar, seglbretti,
sjóskíði, köfun, hjólaleiga,
neðansjávargönguferðir, yoga,
útileikfimi o.fl. Allt frítt
• frábær líkamsræktaraðstaða
• lifandi tónlist og skemmtun á
hverju kvöldi
Skólavörðustígur 38 • 101 Reykjavík • Sími: 511 40 80
Símbréf: 511 40 81 • Netfang: inga@embla.is • Veffang: www.embla.is
Páskar íParadísBJARNI Björgvinsson er grafík-listamaður að upplagi en hér á sinnifyrstu einkasýningu vinnur hann ekkimeð grafíktæknina beint, heldur ská-
skýtur sér inn í flokk grafíklistar með
athyglisverðum hætti og málar með
þrykklitum á pappír. Þannig notast
hann við efni úr grafíklistinni án þess
að þrykkja og með því að kalla verkin
grafíkverk (sem ég er ekki viss um að
hann geri) væri Bjarni að víkka út
skilgreiningu miðilsins.
Verkunum á sýningunni má skipta
í fernt eftir viðfangsefnum þó að öll
séu þau óhlutbundin og unnin með
svipuðum hætti. Verk númer 1–6 falla
þannig saman í flokk og myndir núm-
er 7–9 í annan, en þau eru ögn tján-
ingarríkari en hin fyrrnefndu. Verk
númer 10 og 11 eru hlutbundnustu
verkin á sýningunni. Þar birtist okkur
einhverskonar net og á bakvið er fal-
leg birta. Lokamyndirnar tvær, núm-
er 12 og 13, eru bæði langstærstar á
sýningunni og þær bestu, einkum er
verk númer 12, Án titils, vel unnið og
kraftmikið í anda hins svokallaða
þýska nýja málverks.
Framsetning verkanna er til fyrir-
myndar. Sumar myndir eru rammað-
ar inn með útskornu kartoni þar sem
ramma og gleri er sleppt og annars
staðar hefur listamaðurinn fært verk
frá hvítmáluðum veggnum með því að
setja þau á blindramma. Með því að
mála kantinn á rammanum hvítan fær
hann síðan myndirnar til að svífa að-
eins frá veggnum. Myndirnar sjálfar,
númer 1–6, eru hins vegar lítt spenn-
andi og það er eins og að Bjarni hafi
annaðhvort farið of langt með hverja
mynd eða of skammt.
Litanotkun listamannsins mætti al-
mennt vera djarfari og ákveðnari.
Þessi fyrsta einkasýning Bjarna
hefur yfir sér heildrænan svip og fag-
mannlega er að verki staðið. Hins
vegar finnst mér að listamaðurinn
ætti að reyna að fá meira út úr hverri
mynd í framtíðinni.
MYNDLIST
S ý n i n g a r s a l u r
Í s l e n s k r a r g r a f í k u r
Opið frá kl. 14–18 fimmtudaga–
sunnudaga. Til 4. nóvember.
MÁLVERK
BJARNI BJÖRGVINSSON
Óþrykkt
grafík
Þóroddur Bjarnason
Án titils, Bjarni Björgvinsson.
BJÖRN Bjarnason menntamálaráð-
herra og Skúli Björn Gunnarsson,
forstöðumaður Gunnarsstofnunar,
undirrituðu á föstudag að Skriðu-
klaustri samning um fjárframlög og
gagnkvæmar skyldur sem tryggir
starfsemi stofnunarinnar að Skriðu-
klaustri næstu þrjú ár. Samningur-
inn gildir til ársloka 2004 og gerir
ráð fyrir 10,6 m.kr. framlagi á fjár-
lögum til Gunnarsstofnunar ár hvert
til almenns reksturs og viðhalds
húsa. Auk þess hefur stofnunin um-
sjón með og endurgjaldslaus afnot af
Gunnarshúsi, forstöðumannsbústað
og tilheyrandi lóðum fyrir starfsemi
sína. Gert er ráð fyrir að sértekjur
stofnunarinnar nemi a.m.k. 2 m.kr. á
ári.
Samningur um
Gunnarsstofnun
BAROKK-tónleikar verða haldnir á
Skriðuklaustri í dag, sunnudag, kl.
17. Baráttu-barokksveitin leikur val-
in verk eftir gömlu meistarana.
Sveitina skipa tónlistarkennarar á
Fljótsdalshéraði.
Barokk á
Skriðuklaustri
GEIR Svansson, annar tveggja
sýningarstjóra sýningarinnar
Omdúrman, margmiðlaður Megas í
Nýló, verður með leiðsögn um sýn-
inguna í Nýlistasafninu, Vatnsstíg
3b í dag, sunnudag, kl. 15.
Aðgangur er ókeypis og safnið er
opið frá kl. 12–17.
Leiðsögn um
Omdúrman
EINAR Garibaldi Eiríksson,
myndlistarmaður og prófessor við
LHÍ, heldur fyrirlestur í Listahá-
skóla Íslands, Laugarnesvegi 91,
kl. 12.30 á mánudag.
Skúlína Kjartansdóttir myndlist-
armaður og hönnuður flytur fyr-
irlestur í LHÍ, Skipholti 1, mið-
vikudaginn 7. nóvember kl. 12.30.
Skúlína fjallar um þróun og hönn-
unarferli tölvuleikja en hún starfar
nú sem gæðastjóri hjá tölvuleikja-
fyrirtækinu CCP hf. (www.ccp-
games.com) við gerð fjölþátttöku-
leiksins EVE.
Námskeið um umbrot prent-
gripa hefst mánudaginn 19. nóv-
ember.
Kennd verða undirstöðuatriði
umbrots í QuarkXPress-umbrots-
forritinu. Kennari er Margrét
Rósa Sigurðardóttir prentsmiður.
Námskeið í spuna – list augna-
bliksins hefst mánudaginn 5. októ-
ber. Kennari er Árni Pétur Guð-
jónsson leikari, kennt í húsnæði
Leiklistardeildar LHÍ, Sölvhóls-
götu 13.
Halldór Ásgeirsson myndlistar-
maður varpar ljósi á vinnuaðferðir
sínar auk þess að kynna næstu
verkefni á námskeiði sem hefst
mánudaginn 12. október. Hann
fjallar um þrjá staði þar sem hann
hefur starfað og sýnt list sína á
þessu ári, Ítalíu, Ísland og Japan.
Fyrirlestur og
námskeið í LHÍ
EVA Koch opnar sýningu í GUK
Exhibition Place í dag, sunnudag,
Eva Koch í GUK
kl. 3 á Íslandi og kl. 4 í Danmörku
og Þýskalandi. Hún stundaði
myndlistarnám í Listadeild Há-
skólans í Barcelona til 1989 og síð-
an við Konunglega danska
Listaháskólann í Kaupmannahöfn
til 1992.
Eva hefur haldið fjölda sýninga
á verkum sínum víða um heim og
hlotið margar viðurkenningar.
Sýningarnar í GUK standa í
þrjá mánuði og hefur skapast hefð
fyrir því að þær eru opnar fyrsta
sunnudag hvers mánaðar og á
lokadaginn.
GUK er slóðinni http://www.sim-
net.is/guk.
GUK hefur aðsetur í garðinum
við Ártún 3 á Selfossi, í útihúsi við
Kirkebakken 1 í Lejre í Danmörku
og í eldhúsi í Kestnerstrasse 35 í
Hannover í Þýskalandi sem er
nýtt heimilisfang.
♦ ♦ ♦