Morgunblaðið - 04.11.2001, Blaðsíða 48
48 SUNNUDAGUR 4. NÓVEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞEGAR ég vaknaði í morgun
(föstudaginn 19. okt.) blasti við mér
heljarinnar grein um blóðbanka
okkar Íslendinga. Ég hafði lengi
hugsað mér að láta gott af mér leiða
og gefa blóð og þar sem ég fann
smá tíma aflögu dreif ég mig af stað
og inn í Blóðbankann.
Ég var ekki fyrr kominn inn en
lítill pési var settur í hendurnar á
mér þar sem útlistað var hverjir
ættu ekki að gefa blóð og þá féllust
mér hendur. Karlmaður sem haft
hefur samfarir við annan karlmann
fær ekki að gefa blóð, stóð skýrt og
greinilega! Ég lét ekki bugast og
kláraði umsóknina og fékk síðan að
tala við hjúkrunarfræðing, því ég
trúði varla mínum eigin augum.
Hún sagði mér að því miður væri
það þannig að hommar væru í meiri
áhættuhópi vegna kynsjúkdóma og
þess vegna mætti ég alls ekki gefa
blóð. Hún þakkaði góðan hug og ég
hvarf á braut.
Bæði reiði og sorg eru mér efst í
huga þessa stundina. Í fyrsta skipti
á ævinni hafði ég orðið fyrir for-
dómum vegna kynhneigðar minnar
og það sagt beint í andlitið á mér.
Að koma út úr skápnum er enda-
laus ótti við höfnun og hræðsla við
að manni verði ekki tekið eins og
hverjum öðrum einstaklingi. Sá ótti
hefur alveg verið ástæðulaus gagn-
vart öllum í mínu lífi, þangað til í
morgun.
Hommar á Íslandi stunda öruggt
kynlíf og er útbreiðsla kynsjúk-
dóma (þar á meðal HIV-veirunnar)
á meðal þeirra á miklu undanhaldi.
Ég leyfi mér að vitna í vefsíðu Sam-
takanna ’78 (samtokin78.is):
„Þegar fyrst var vart við sjúk-
dóminn (eyðni) fyrir tæpum 20 ár-
um voru hommar í meirihluta
þeirra sem smituðust. En með því
að stunda öruggt kynlíf hefur mjög
dregið úr útbreiðslu HIV-veirunnar
meðal þeirra. Á Íslandi eru það
einkum gagnkynhneigðar konur
sem núna greinast með veiruna“!!
Ég skora hér með á yfirmenn
Blóðbankans að endurskoða þessa
afstöðu sína gagnvart hommum á
Íslandi. Að setja alla homma síð-
ustu 20 ára undir sama hatt er ekk-
ert nema örgustu fordómar. Tími er
til kominn að skilja við drauga for-
tíðarinnar og líta á staðreyndir
dagsins í dag svo allir þegnar lands
okkar geti látið gott af sér leiða í
þágu þjóðarinnar, jafnvel þó þeir
tilheyri e.t.v. minnihlutahóp sam-
kynhneigðra.
BJARNI SNÆBJÖRNSSON,
nemi við Háskóla Íslands.
Blóðgjöf ekki
fyrir homma!
Frá Bjarna Snæbjörnssyni:
LÆGSTA mögulega flugfar með
Flugleiðum og SAS frá Keflavík
(KEF) til Bangkok (BKK) í Taílandi
(15 tíma flug, ein millilending) og til
baka aftur kostar ca. kr. 98.700. Með
SAS frá Brussel í Belgíu til
Bangkok (14 tíma flug, ein millilend-
ing) og til baka kostar ca. kr. 60.000
(BEF: 26.770). Með Eva Airways
frá Seattle í USA til Bangkok (16
tíma flug, ein millilending) og til
baka kostar ca. kr. 65.000 (USD
650). Miðabreyting kostar ekkert
hjá Eva Airways (service) en hjá
Flugleiðum ca. kr. 15.000 (USD
150).
Flugleiðir nauða í ferðamannin-
um að greiða flugfargjaldið mörgum
mánuðum fyrir brottför, en hjá hin-
um flugfélögunum greiðir hann mið-
ann með ca. þriggja vikna fyrirvara.
Hér er eitthvað meira en lítið að.
Flugmiðinn frá Íslandi er ca. 58%
dýrari miðað við sama flugtíma.
Í sumar var hækkun hjá Flugleið-
um vegna gengisbreytinga og núna
nýlega vegna hryðjuverkanna í
USA, samtals rúm 11%. Einhvern
veginn læðist að mér sá grunur að
hvert tækifæri sé notað til afsök-
unar á hækkunum. Þó að gengið
styrkist eða eldsneytisverð lækki,
þá skeður ekkert í hina áttina.
Flugfélagið GO hættir flugi til og
frá Íslandi núna í lok október. Fram
að þeim tíma var hægt að panta á
netinu flug KEF-LON-KEF fyrir
kr. 15.550 og með Aeroflot LON-
BKK-LON fyrir ca. kr. 46.800 (USD
468) eða samtals kr. 62.350 fyrir allt
að þriggja mánaða dvöl. Þetta verð-
lag er í samræmi við ofangreind
dæmi. Eftir að GO hættir að fljúga
hingað þarf að greiða fyrir þriggja
mánaða miða KEF-LON-KEF ca.
kr. 60.000, sem er 285% meira en
með GO.
Talað er um að SAS sé með dýr-
ustu fargjöld í Skandinavíu. Af
hverju leita Flugleiðir ekki sam-
starfs með framhaldsflug frá Evr-
ópu við önnur flugfélög í ríkari
mæli? Er ekki hugsanlegt, ef far-
gjöld frá Íslandi til Evrópu yrðu
lækkuð verulega, að sætanýtingin
mundi vega það upp og kannski
meira til? Jafnvel að hægt væri að
auka sætaframboð verulega sem
leiddi af sér færri uppsagnir starfs-
fólks. Það er ekki sjálfgefið að
hækkun fargjalda gefi af sér meiri
veltu (Break Even Point).
Heimildir: Ferðafélagar, www.go-
fly.com, www.icelandair.is, www.-
carlsonwagonlit.com, www.travelo-
city.com.
Ég vænti þess að upplýsinga-
fulltrúi Flugleiða, Guðjón Arn-
grímsson, tjái sig um ofanritað á
sama vettvangi.
GÍSLI ÓSKARSSON,
Hæðargarði 19a,
Reykjavík.
Fargjöld
Flugleiða
Frá Gísla Óskarssyni: