Morgunblaðið - 04.11.2001, Blaðsíða 55

FYRIRSÆTAN Waris Dirie frá
Sómalíu er stödd hér á landi en
hún hefur helgað líf sitt barátt-
unni gegn umskurði milljóna
kvenna um heim allan. Nú hefur
JPV-forlag gefið út sjálfsævisögu
hennar Eyðimerkurblómið þar
sem hún lýsir eigin reynslu af
þessum ómanneskjulegu siðvenj-
um.
Waris heldur fyrirlestur um
málefnið í hádeginu á morgun í
Hátíðardal Háskóla Íslands. Hún
segir að ríkisstjórnir og almenn-
ingur um heim allan geti lagt mál-
staðnum lið með því að skrifa bréf
til ríkisstjórna og sendiráða
landa. „Boðskapnum um að um-
skurður sé ekki þolandi verður að
dreifa út um allan heim og meðal
allra stétta,“ sagði hún í viðtali
við Morgunblaðið sl. föstudag.
Morgunblaðið/Þorkell
Waris afhenti forseta Íslands, Ólafi Ragnari Grímssyni,
eintak af bók sinni á föstudaginn.
Eyðimerkur-
blóm á Íslandi
FÓLK Í FRÉTTUM
MORGUNBLAÐIÐ SUNNUDAGUR 4. NÓVEMBER 2001 55
ÞESSI plata er
með þeim sér-
stæðari sem ég
hefi heyrt á árinu,
og hefur maður þó
komist í kynni við
margt furðulegt í
hérlendri útgáfu. Umslagið prýðir
dulúðugur maður; leyndardóms-
fullur einyrki, hálfsorgmæddur til
augnanna. Á bakhlið er önnur
mynd af honum og þar leikur und-
arlega þekkileg brosvipra um varir
hans.
Ég var staddur í Tékklandi á
dögunum og gramsaði þar í gegn-
um rekka með tékkneskum heim-
alningum, staðbundna diska sem
eiga líkast til aldregi eftir að ná
augum eða eyrum hins alþjóðlega
dægurtónlistarmarkaðar. Líkt og
farið er með meirihluta útgáfunnar
hér á landi.
Kosturinn við þetta litla land
okkar er að tiltölulega auðvelt er
fyrir fólk að koma alls kyns tónlist
á framfæri, veri það í plötubúðir
eða þetta blað hérna. Því vegna
smæðar samfélagsins eiga Íslend-
ingar lítið færi á menningarlegri
sérhæfni. Allt landið er því að
þessu leytinu til eins og lítið þorp
og diskar sem gefnir eru út við
þröngan kost eiga það síður á
hættu en ella að grafast undir ein-
hverju flóði. Þetta heldur um leið
fjölbreytni að fólki og augum þess
opnum.
Plata Gissurar er ein fjölmargra
sem græða á þessum eiginleikum.
Í stærra samhengi hefði hún nær
örugglega horfið sjónum snögg-
lega og líkast til ekki fengið um-
fjöllun í jafnstórum miðli og þess-
um.
Á þetta bendi ég vegna þess að
innihaldið hér gerir diskinn vel
verðan athugunar, nokkuð sem
gaman er að segja frá vegna und-
angengins. Hér er á ferðinni
skemmtaraleg dægurtónlist, hvar
Gissur syngur, eða raular, yfir
texta sína (sem ortir voru árið
1975) með mjög svo skrýtinni
röddu. Að mörgu leyti er þetta
hamfarapopp (séríslensk tónlistar-
stefna, stunduð af sérvitrum ein-
herjum sem iðulega gefa út sjálfir)
en það er eitthvað hérna sem lyftir
plötunni frá ýktum furðuverkum
af því taginu; t.a.m. Hamförum
Gunnars heitins Jökuls. Lögin
hérna eru nefnilega mörg hver
melódísk og falleg, þótt umbúð-
irnar um þau séu oft fremur hlá-
legar. Flutningur Gissurar á text-
unum og rabbkennd og eintóna
rödd lyfta lögunum líka hátt yfir
eitthvert meðalmennskulegt moð.
Stundum er eins og Gissur viti
vart hvar hann er staddur er hann
syngur yfir einföldum, casio-legum
lagstúfunum; röddin líkt og forviða
boðflenna; stamandi, fölsk en þó
alltaf einlæg. Það er líka merkilegt
hversu orðin „city“, „people“,
„job“ og „money“ eru Gissuri, af
einhverri ástæðu sem ég kann
ómögulega að nefna, hugleikin.
Allt þetta býr plötunni harm-
ræna áferð sem er einkennilega
heillandi.
The Beginning er fágætur
glaðningur sem, eins og áður seg-
ir, hefði líkast til verið erfiðara að
segja frá öðruvísi en í þessu sér-
íslenska samhengi. Í þessu tilfelli
er því sannarlega styrkur í smæð
þessa samfélags.
Tónlist
Ágætis byrjun
Gissur
The Beginning
Gissur gefur sjálfur út
The Beginning, geisladiskur Gissurar
Björns Eiríkssonar. Lög og textar eftir
Gissur Björn Eiríksson sem einnig stjórn-
aði upptökum. 20,53 mínútur.
Arnar Eggert Thoroddsen
Morgunblaðið/Jim Smart
The Beginning, fyrsta plata
Gissurar Eiríkssonar, er „fágæt-
ur glaðningur“, að mati Arnars
Eggerts Thoroddsen.
Stórhöfða 21, við Gullinbrú, s. 545 5500.
www.flis.is
netfang: flis@flis.is
lím og fúguefni
Derhúfa
aðeins 800 kr.
NETVERSLUN Á mbl.is