Morgunblaðið - 04.11.2001, Blaðsíða 61

MORGUNBLAÐIÐ SUNNUDAGUR 4. NÓVEMBER 2001 61
Sýnd kl. 12, 2 og 4.
Mán kl. 4. Ísl. tal. Vit 265.
Hvað myndir þú gera ef þú kæmist
að því í dag að þú værir Prinsessa?



Kvikmyndir.is
Sun. 12 og1.45. Ísl. tal. Vit 245Sýnd kl. 10.15. B i. 16. Vit 251
Sexy Beast
Sýnd kl. 10. B. i. 16. Vit 284 Sýnd kl. 8. Vit 287
Sýnd kl. 12, 2, 4 og 6.
Mán kl. 4 og 6. Ísl tal. Vit nr. 292
Sýnd kl. 5.50, 8 og 10.10. Vit 295.
Sýnd kl. 3.30, 5.45 og 8. Vit 289.
FRUMSÝNIG
Þú trúir ekki
þínum eigin
augum!
Hún þekkir andlit hans, hún þekkir snertingu
hans, en hún þekkir ekki sannleikann
Sýnd kl. 6. Vit 278
Allir vilja
þeir sneið af
„glæpakökunni“
Sýnd kl. 8. B. i. 12. Vit 270

Radíó X

HK DV

Kvikmyndir.is
Kvikmyndir.com

Mbl
Nicholas cage Penelope cruz john hurt
Sýnd kl. 5.40, 8 og 10.20. B. i.12. Vit 290.
Sýnd kl. 5.50, 8 og 10.10. Vit 295.
FRUMSÝNIG
Þú trúir ekki
þínum eigin
augum!
Hún þekkir andlit hans, hún þekkir snertingu
hans, en hún þekkir ekki sannleikann
www.skifan.is

SV Mbl
Sýnd kl. 5.50 og 10.30.
Sýnd kl. 3.30, 5.40 og 10.30.
Mán kl. 5.40 og 10.30. Sýnd kl. 3.20 og 8. Mán 8.
Frumsýnig
Sýnd kl. 3.30, 5.45, 8 og 10.15.
Mán kl. 5.45, 8 og 10.15.

Kvikmyndir.com

ÓHT Rás 2



1/2
DV
E.P.Ó. Kvikmyndir.com

Empire
SV Mbl



DV



Rás 2
Hausverkur
MOULIN
ROUGE!
Sýnd kl. 8.10.
Steve Zahn (Evil Woman), Paul Walker (Fast and the Furious) og Leelee
Sobieski (Eyes Wide Shut) lenda í klóm geðveiks morðingja sem þau
kynnast í gegnum talstöð á ferðalagi. Upphefst nú æsispennandi eltingar-
leikur sem fær hárin til að rísa! Einn óvæntasti spennutryllir ársins!
Sýnd kl. 3.30, 5.45, 8 og 10.10. Mán 5.45, 8 og 10.10.
FYRIR tveimur árum sendibandaríska tríóið RadarBros. frá sér breiðskífunaThe Singing Hatchet sem
þótti mikið afbragð. Á skífunni er
hægfara gítarpopp, sveita- og sýru-
skotið, sem mörgum þótti nýstár-
legt. Þeir sem fróðir eru í rokksög-
unni þekktu þegar áhrif frá gamalli
hljómsveit sem er enn að. Á morgun
kemur út safndiskur með úrvali
verka hljómsveitarinnar, Pink
Floyd, fyrsta almennilega yfirlits-
platan sem hún sendir frá sér á þrjá-
tíu og fimm ára ferli.
Pink Floyd, sem dregur nafn sitt
af blúsmönnunum Pink Anderson og
Floyd Council, varð til í Lundúnum
1965. Leiðtogi sveitarinnar, gít-
arleikari, söngvari og helsti laga-
smiður var Syd Barrett, en aðrir í
sveitinni voru þeir Roger Waters,
sem lék á bassa, Rick Wright, á
hljómborð, og Nick Mason, á
trommur. Framan af lék sveitin
rytmablús áþekkan því sem tíðk-
aðist meðal Breta á þeim tíma, en
Barrett var gefinn fyrir tilrauna-
mennsku, ekki síst eftir að hann tók
að neyta fíkniefna í miklum mæli.
Pink Floyd varð annáluð fyrir lang-
ar lagaflækjur og tónleikar voru
ljósaveislur. Lög Barrets voru sér-
kennilega grípandi og drógu dám af
bresku sveitarokki, ekki síður en
hreinni framúrstefnu, leikhústónlist
og rytmablús.
Illa truflaður á geði
Þegar komið var fram á árið 1967
duldist engum að Barrett var illa
truflaður á geði og ekki hjálpaði dá-
læti hans á lýsergíðsýru en framan
af dró það ekki úr hugmyndaauðgi
hans. Fyrsta smáskífan, Arnold
Lane, kom út það ár og vakti að von-
um mikla athygli. Næsta smáskífa,
See Emily Play, komst á topplistann
í Bretlandi og fyrstu breiðskífunni,
The Piper at the Gates of Dawn, var
vel tekið. Þegar hér var komið sögu
var Barrett aftur á móti orðinn
óstarfhæfur að mestu og þótt þeir
félagar hans hafi reynt að búa svo í
haginn fyrir hann að fá inn nýjan
gítarleikara til að gefa honum kost á
að halda kyrru fyrir í hljóðverinu að
semja lög og stýra upptökum gekk
það ekki upp; ekki var önnur leið fær
en vísa Barrett úr sveitinni 1968.
Gítarleikarinn nýi, Dave Gilmour,
treysti Pink Floyd til muna, en ekki
gat hann tekið að sér lagasmíðarnar.
Waters tók aftur á móti til við að
semja lög og á plötunni tvöföldu
Ummagumma, sem kom út 1969,
mátti vel heyra að hann var sá eini í
sveitinni sem hafði eitthvað fram að
færa, en hver liðsmanna fékk fjórð-
ung plötu til að láta ljós sitt skína.
Eftir það varð ekki aftur snúið, Wat-
ers tók við stjórnvelinum og átti höf-
uðþátt í því að gera Pink Floyd að
vinsælustu hljómsveit heims.
Geimferðir hugmynda
Það tókst þó ekki strax, því næsta
skífa á eftir Ummagumma, Atom
Heart Mother, þótti heldur klén.
Það er þó gaman að geta þess að
áhrif þeirrar plötu eru nokkur í low-
fi-bylgjunni í bandarísku rokki sem
reis fyrir fimm árum eða svo; ef ekki
beint þá í gegnum síur breskar og
bandarískar. Atom Heart Mother
kom út 1970, en næsta plata þar á
eftir, Meddle, er jafnan tekin með
bestu plötum sveitarinnar og er
Floyd-vinum kær þótt glöggt megi
heyra að nokkuð vanti upp á í sam-
þættingu hugmynda; lögin voru ým-
ist geimferðir hugmynda eða breskt
sumarsveitasöngvapopp.
Á Dark Side of the Moon, sem
kom út 1973, var búð að bræða allt
saman, sveitarmenn unnu að segja
alla plötuna í sameiningu, í fyrsta og
síðasta sinn sem það var gert, Wat-
ers stóð sig venju fremur í lagasmíð-
um og textagerð, samdi alla texta og
að sögn tvo þriðju tónlistarinnar og
platan mokseldist. Hún er meðal
annars fræg fyrir það að hafa verið
724 vikur samfellt á Billboard-
breiðskífulistanum bandaríska, 740
vikur alls, en af plötunni hafa selst
um 25 milljón eintök eða svo.
Brestir í samstarfið
Að því er Waters sagði í viðtali
fyrir nokkrum árum var krytur með-
al þeirra félaga þegar platan var
tekin upp, en þegar hún varð svo
gríðarlega vinsæl og hljómsveitin
heimsfræg komu brestir í sam-
starfið. Að hans sögn vildu þeir fé-
lagar hans sigla lygnan sjó, halda sig
við þægilega tónlist og auðselj-
anlega, en á móti varð hann æ ólmari
í að ná til áheyrenda, segja þeim
eitthvað sem gæti haft áhrif á líf
þeirra. Félagar Waters í sveitinni
segjast á móti hafa orðið þreyttir á
alræðistilburðum hans. Næsta plata
á eftir Dark Side of the Moon, Wish
You Were Here, sem kom út 1975,
þykir vel heppnuð og aðgengileg, en
þegar
Animals kom út 1977, var dimm-
ara yfir; textarnir á plötunni eru
óhemju beiskir og beittir og vísa til
þess sem varð á næstu metsöluplötu,
The Wall, sem kom út tveimur árum
síðar.
Waters var allt í öllu á the Wall, er
skrifaður fyrir 22 af 26 lögum, með
Gilmour fyrir þremur og upp-
tökustjóranum Bob Ezrin fyrir einu
lagi. Waters sá plötuna fyrir sér sem
ádeilu á þá persónudýrkun og mark-
aðshyggju sem tröllríður rokkinu,
en varð aðeins til að ýta undir enn
meiri markaðshyggju þegar platan
seldist í milljónaupplagi, en að sögn
seldust af henni milljón eintök á ári í
nokkur ár eftir að hún kom út.
Fyrsta sólóskífa
Rogers Waters
Síðasta plata sem hin eiginlega
Pink Floyd gerði saman var síðan
The Final Cut, en að sögn vildi Wat-
ers taka upp nokkur lög sem urðu
eftir þegar the Wall var sett saman.
Þegar hann síðan fór að vinna í lög-
unum samdi hann nokkur til og úr
varð plata sem sögð hefur verið
fyrsta sólóskífa Rogers Waters ekki
síður en síðasta plata Pink Floyd.
Eftir The Final Cut hugðist Wat-
ers legga sveitina á hilluna, en þeir
félagar hans voru ekki á sama máli
og eftir harkalegar deilur, sem með-
al annars fóru fyrir dómstóla, knúði
Gilmour það í gegn að hann gæti
haldið út hljómsveit með nafni Pink
Floyd með Nick Mason og síðar
Rick Wright, sem hafði verið rekinn
úr sveitinni nokkru áður. Í kjölfarið
hefur sú gerð Pink Floyd síðan sent
frá sér tvær klasturslegar hljóðvers-
plötur og tvær tónleikaskífur en þótt
Waters hafi sent frá sér sólóskífur
sem fengið hafa betri dóma en Pink
Floyd-skífur síðustu ára standa þær
líka nokkuð að baki því besta sem
sveitin gerði saman.
Það má reyndar heyra það á safn-
skífunni sem er kveikja þessara
skrifa, Echoes, sem dregur nafn sitt
af frægu lagi á Meddle, hvernig
sveitin þróaðist frá bilaðri snilldinni
í Syd Barrett í djúpar pælingar Rog-
ers Waters og loks í hreinræktaða
yfirborðsmennsku Davids Gilmours.
Tónlist á sunnudegi
Árni Matthíasson
Fyrsta yfirlitsplatan
Breska hljómsveitin Pink Floyd sendir á morgun
frá sér safnplötu með yfirliti yfir 35 ára feril.
Árni Matthíasson spáir í sögu sveitarinnar.