Morgunblaðið - 07.11.2001, Blaðsíða 6

FRÉTTIR
6 MIÐVIKUDAGUR 7. NÓVEMBER 2001 MORGUNBLAÐIÐ
ORKUVEITU Reykjavíkur verður
breytt í sameignarfélag samkvæmt
samþykkt stjórnar fyrirtækisins og
borgarráðs í gær. Stjórnarformað-
urinn segir að með þessu verði minni
röskun fyrir starfsfólkið en ef Orku-
veitunni yrði breytt í hlutafélag, auk
þess sem lánshæfi fyrirtækisins
haldist óbreytt.
Að sögn Alfreðs Þorsteinssonar,
stjórnarformanns Orkuveitunnar,
koma Akranesveitur, Hafnarfjörður
og Garðabær sem nýir eigendur inn í
fyrirtækið um næstu áramót. „Akra-
nes verður með 5,5 prósent, Hafn-
arfjörður 1 prósent og Garðabær
með 0,5 prósent. Af þessum sökum
er Orkuveitan ekki lengur hrein-
ræktað borgarfyrirtæki og þess
vegna þurfti að breyta því annað-
hvort í hlutafélag eða sameignar-
félag,“ segir Alfreð.
Hann segir borgarlögmann hafa
komist að þeirri niðurstöðu að annað
hvort þessara rekstrarforma myndi
henta. „Ástæðan fyrir því að því er
breytt í sameignarfélag en ekki
hlutafélag er fyrst og fremst sú að
þetta verður minni röskun fyrir
starfsfólkið, sérstaklega vegna líf-
eyrissjóðsréttinda auk þess sem
lánshæfi fyrirtækisins verður
óbreytt.“ Alfreð bendir aukinheldur
á að sameignarfélagsformið sé sama
rekstrarform og Landsvirkjun hef-
ur.
Í greinargerð með tillögunni um
breytingu rekstrarformsins í sam-
eignarfélag segir að þar sem ekki sé
fullkomlega ljóst hvernig lagalegt
umhverfi orkuveitna verði í framtíð-
inni eða hvaða kröfur verði gerðar til
aðskilnaðar í starfseminni sé lagt til
að fara í sameignarfélag þar sem það
félagsform kalli á minnstar breyt-
ingar í umhverfi Orkuveitunnar.
Með sameignarfélagsforminu njóti
Orkuveitan einnig ótakmarkaðrar
ábyrgðar eigenda sinna og því ættu
lánskjör að haldast óbreytt.
Sé horft til skattalegs munar í
rekstri hlutafélaga annars vegar og
sameignarfélags hins vegar er tekju-
skattur á hlutafélög 30 prósent auk
þess sem skattur á arðgreiðslur
nemur 10 prósentum. Í sameignar-
félögum nemur tekjuskatturinn 38
prósentum en skattur á úttektir úr
fyrirtækinu er enginn.
Ekki verra ef vinstri grænum
líkar þetta betur
Aðspurður hvort andstaða Vinstri
grænna við að rekstrarformi Orku-
veitunnar verði breytt í hlutafélag
hafi haft áhrif á þessa niðurstöðu
segir Alfreð: „Ég get nú ekki sagt
það beinlínis vegna þess að þarna
eru ákveðin rök fyrir því að sameign-
arfélagsformið er talið heppilegra.
Ef vinstri grænum líkar það betur þá
er það ekkert verra.“
Alfreð segir að sameining orku-
veitnanna muni taka gildi fyrsta jan-
úar en segir þurfa að setja sérlög um
Orkuveitu Reykjavíkur. Hann hafi
þegar rætt við iðnaðarráðherra um
undirbúning vegna þeirrar lagasetn-
ingar.
Í bókun borgarráðsfulltrúa Sjálf-
stæðisflokksins í borgarráði í gær
segir að það skjóti skökku við að
þegar önnur orkufyrirtæki hafi
breytt yfir í hlutafélagsformið skuli
Orkuveita Reykjavíkur stefna í aðra
átt. „Enginn lagarammi er til um
sameignarfélög og enginn vafi er á
því að það rekstrarform er þyngra í
vöfum og býður ekki upp á sömu
möguleika skilvirkni og gegnsæi og
hlutafélagsformið. Í minnisblaði
borgarlögmanns til borgarstjóra
dags. 3. sept. 2001 kemur fram að
„hlutafélagsformið hefur ótvíræða
kosti þegar til framtíðar er litið“.
Greinilegt er á öllu að Vinstri grænir
hafa náð yfirhöndinni og beygt fram-
sóknarmenn og Samfylkinguna,“
segir í bókuninni.
Í bókun meirihlutans segir að í
umsögn borgarlögmanns komi fram
að bæði sameignarfélagsformið og
hlutafélagaformið komi til greina við
breytingu á rekstrarformi Orkuveit-
unnar. Þá er á það bent að rekstr-
arformið sé það sama og Landsvirkj-
un búi við í dag og hafi það reynst
vel.
Orkuveitu Reykjavíkur
breytt í sameignarfélag
Minnihlutinn telur að reksturinn
verða þyngri í vöfum
STJÓRN Orkuveitu Reykjavíkur
samþykkti í gærmorgun að selja
Perluna og var forstjóra fyrirtæk-
isins falið að hefja það söluferli í
samráði við Innkaupastofnun. Al-
freð Þorsteinsson, stjórnarformað-
ur Orkuveitunnar, segir fjár-
sterkan aðila hafa lýst yfir áhuga á
að kaupa Perluna.
Að sögn Alfreðs er tapið á rekstri
Perlunnar meira en 50 milljónir ár-
lega. „Þá hef ég ekki verið að tala
um afskriftir, sem eru 52 milljónir,
þannig að við erum að tala um með-
gjöf upp á yfir 100 milljónir á ári.
Þetta þýðir einn milljarður á 10 ár-
um og það tel ég einfaldlega vera
alltof mikið lagt á skattgreiðendur
í Reykjavík. Þar fyrir utan kostaði
hún 2,5 milljarða.“
Hann segir veitingamenn og
verslunareigendur hafa kvartað við
sig um að það sé óeðlilegt að borgin
sé að stuðla að veitingarekstri og
verslun í Perlunni í samvinnu við
einkaaðila. „Þannig að mér finnst
alveg borðleggjandi að selja Perl-
una,“ segir hann. Alfreð segir að
þegar hafi komið í ljós að áhugi sé
fyrir því að kaupa Perluna. „Það
hafði fasteignasali samband við
mig í dag og sagði að fjársterkur
aðili hefði áhuga á málinu en ég á
eftir að heyra betur um það. Þann-
ig að það er að minnsta kosti einn
aðili búinn að gefa sig fram, ef ekki
fleiri en það verður bara að koma í
ljós.“
Hann telur að söluferlið eigi ekki
að þurfa að taka langan tíma og
segir að þegar verði farið að vinna
að sölunni í samráði við Inn-
kaupastofnun.
Vandræðagangur R-lista
Tillagan um að selja Perluna var
samþykkt með þremur atkvæðum
meirihlutans en tveir fulltrúar
sjálfstæðismanna sátu hjá. Í bókun
þeirra segir að tilgangurinn með
því að selja Perluna sé að beina
augum borgarbúa frá vandræða-
gangi R-listans með fyrirtækið
Lína.Net. Segir í bókuninni að Perl-
an sé meira en vinsæll veitinga-
staður. „Byggingin er orðin öflug
ímynd borgarinnar þar sem veru-
legur hluti starfseminnar er endur-
gjaldslaus þjónusta við erlenda og
innlenda ferðamenn sem leggja leið
sína þangað til að njóta einstaks út-
sýnis. Tillagan endurspeglar lítinn
skilning á mikilvægi ferðamennsk-
unnar í borginni.“
Þá segir að furðulegar yfirlýs-
ingar um kostnað borgarinnar
vegna reksturs Perlunnar séu ekki
á rökum reistar og taki ekki mið af
flóknum og margþættum rekstri
hússins. Segir í niðurlagi bókunar-
innar að sjálfstæðismenn séu ekki
andsnúnir því að Reykjavíkurborg
losi sig við eignir og rekstur sem
aðrir geta sinnt. „Á hinn bóginn
taka sjálfstæðismenn ekki þátt í því
upphlaupi og þeirri sýndar-
mennsku sem býr að baki þessarar
tillögu R-listans.“
Stjórn Orkuveitu Reykjavíkur samþykkir að selja Perluna
Morgunblaðið/RAX
Stjórn Orkuveitu Reykjavíkur ákvað á fundi sínum í gær að selja Perluna í Öskjuhlíð.
Fjársterkir aðilar hafa
sýnt Perlunni áhuga
GUÐMUNDUR Pálsson, sérfræð-
ingur í heimilislækningum, hefur
auglýst einkaþjónustu heimilis-
læknis þar sem hann býðst til að
koma á heimili sjúklinga ef þeir
óska þess. Að sögn hans munu
sjúkratryggingar almannatrygg-
inga ekki taka þátt í kostnaði við
þessa þjónustu og segir hann að til
að byrja með muni hver venjuleg
vitjun á heimili kosta á bilinu fjögur
til fimm þúsund kr.
Þjónustusvæðið er allt höfuð-
borgarsvæðið að sögn hans.
,,Þetta er viðbót við grunnþjón-
ustuna í heilbrigðiskerfinu þ.e.a.s.
venjulega þjónustu heimilislækna
og sérfræðinga,“ segir Guðmundur.
Hann segir að fólki hafi til þessa
reynst erfitt að fá lækni í heimahús
nema í bráðaþjónustutilvikum þeg-
ar um mikil veikindi er að ræða.
,,Fólk hefur takmarkaðan tíma í dag
og svo eru margir með langvinna
sjúkdóma og eiga erfitt með að
komast til læknis. Það er því
kannski fyrst og fremst verið að
koma til móts við þá hópa sem eiga
erfitt með að komast á heilsugæslu-
stöðvarnar,“ segir Guðmundur.
Hann segir að reynslan verði svo að
skera úr um hvernig þessari þjón-
ustu verði tekið.
,,Við höfum ekkert rætt við
Tryggingastofnun ríkisins um
kostnaðarþátttöku. Það er að sumu
leyti með vilja gert, því ætlunin er
að sjá hvernig þjónustan þróast
fyrstu mánuðina, hvað það er sem
sjúklingarnir vilja helst og reyna að
koma á móts við það. Það er oft
þannig að ef maður fer í hið op-
inbera setur það manni strax skorð-
ur um hvað má og hvað má ekki.
Það var því meiningin að fara hina
leiðina og sjá hvað sjúklingurinn vill
og þróa síðan þjónustna eftir því,“
segir hann.
Margir læknar hafa áhuga
á að bjóða slíka þjónustu
Að sögn Guðmundar hafa all-
margir kollegar hans í læknastétt
sýnt því áhuga að bjóða upp á þjón-
ustu af þessu tagi.
Guðmundur segir að sjúklingar
hafi oft beðið um þjónustu af þessu
tagi en læknar hafi fengið mjög lítið
greitt frá Tryggingastofnun fyrir að
fara í vitjanir. ,,Sjúklingurinn sýnir
þessu áhuga en ríkið er ekki tilbúið
að borga fyrir það,“ segir hann.
Sérfræðingur býður einkaþjón-
ustu í heimilislækningum
Hver vitjun á
heimili kostar
4–5.000 kr.
SKIPTUM á þrotabúi veitingastað-
arins Lille Put við Laugaveg lauk
fyrir nokkru án þess að nokkrar
eignir hefðu fundist upp í kröfur að
fjárhæð tæplega 176 milljónir króna.
Rúnar S. Gíslason, hdl. var skip-
aður skiptastjóri þrotabúsins. Hann
segir að meginhluti krafnanna, um
130 milljónir, sé vegna vangoldinna
opinberra gjalda, einkum virðis-
aukaskatts. Stærstur hluti gjald-
anna hafi verið áætlaður á rekstur
Lille Put eftir að starfsemi lauk. Taf-
ist hafi að birta eigendum Lille Put
gjaldþrotastefnu og í millitíðinni hafi
verið lögð opinber gjöld á rekstur-
inn.
Að sögn Rúnars benda öll gögn til
þess að Lille Put hafi verið lokað um
áramótin 1999 og 2000, a.m.k. séu
engar launakröfur eftir þann tíma.
Hlutafélagið, sem rak staðinn, var
stofnað árið 1998, að því er fram
kemur í Lögbirtingablaðinu, þar
sem tilkynning um skiptalokin birt-
ist.
Forsvarsmaðurinn
fannst ekki
Rúnari hefur reyndar ekki tekist
að ná sambandi við forsvarsmann
Lille Put þrátt fyrir ítrekaðar til-
raunir. Einnig hefur ekki náðst í
mann sem sá um rekstur staðarins,
en sá maður hefur komið nálægt
rekstri fleiri veitingastaða, sem orðið
hafa gjaldþrota.
Skuldir við bankastofnanir nema
um 40 milljónum króna. Eins og áður
sagði fundust engar eignir í búinu en
Lille Put var í leiguhúsnæði. Rúnar
hefur ekki fengið upplýsingar um
greiðslur til leigusala.
Um 1,8 milljónir eru svokallaðar
forgangskröfur sem eru vegna
ógreiddra launa, framlags í lífeyris-
sjóð o.fl.
Nokkur hluti skuldanna er tilkom-
inn vegna veitingastaðar í Keflavík
sem var í svipuðum dúr og Lilleput
og bónstöðvar í Höfðahverfi í
Reykjavík.
Gjaldþrot veitingastaðarins Lille Put
Kröfur námu
176 milljónum