Morgunblaðið - 07.11.2001, Blaðsíða 21

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 7. NÓVEMBER 2001 21
Borðapantanir í síma 551 8900
eftir kl. 14 og á netfangi:
kaffi@kaffireykjavik.com
Upplifið
jólastemmningu með
frábærum
listamönnum í hjarta
Reykjavíkur.
23. nóv. Sixties
24. nóv. Sixties
30. nóv. Milljónamæringarnir
1. des. Stuðmenn
7. des. Papar
8. des. Papar
14. des. Hálft í hvoru
15. des. Hálft í hvoru
Dansað fram á nótt
að loknu borðhaldi...
Fóstbræður
flytja syrpur í anda 14 Fóstbræðra,
Reykjavíkursyrpurnar og öll gömlu
góðu lögin.
Föstudaginn 23. nóvember
Laugardaginn 24. nóvember
Laugardaginn 1. desember
Föstudaginn 7. desember
Laugardaginn 8. desember
Jóhann Friðgeir Valdimarsson
ásamt Ólafi Vigni Albertssyni.
Orðstír þessa stórtenórs nær langt
út fyrir landsteinana.
Hann mun syngja fyrir veislugesti
öll kvöldin.
Álftagerðisbræður
Þessa einlægu bræður úr Skagafirði
er óþarft að kynna fyrir landsmönnum.
Þeir eru víðfrægir fyrir glettni og
góðan söng.
Föstudaginn 14. desember
Laugardaginn 15. desember
Söngveisla og jólahlaðborð: Verð kr. 5.850,- Jólahlaðborð: Verð kr. 4.490,-
Glæsilegt
jólahlaðborð
FJÁRÞÖRF Línu.Nets hf. á næstu
árum nemur 600–700 milljónum
króna. Þetta kom fram á blaða-
mannafundi sem haldinn var í gær í
tilefni af því að stjórn Línu.Nets
lagði fram gögn um fjárhagsstöðu
fyrirtækisins og framtíðaráform.
Afhentur var árshlutareikningur
fyrstu níu mánuði ársins 2001 og árs-
reikningur 2000, auk rekstrar- og
fjárhagsáætlunar fyrir árin 2001–
2008. „Við teljum okkur hafa lagt
fram öll þau gögn sem hægt er að
leggja fram og menn þurfa til að átta
sig á stöðu fyrirtækisins,“ sagði Al-
freð Þorsteinsson, stjórnarformaður
Línu.Nets, á blaðamannafundi í gær.
Jafnframt upplýsti Alfreð að fjár-
þörf til að ljúka fjármögnun Línu.-
Nets næmi 600–700 milljónum
króna. „Borgaryfirvöld og Orkuveita
Reykjavíkur munu standa við bakið
á Línu.Neti þar til þessari uppbygg-
ingu er lokið,“ sagði hann en sam-
þykkt var á hluthafafundi nýlega
heimild til 350 milljóna króna nafn-
verðsaukningar hlutafjár. Fram
kom á blaðamannafundinum að ekki
hafi verið tekin ákvörðun um tilhög-
un sölu þess hlutafjár eða um sölu-
verð. Auk hlutafjáraukningarinnar
sagði Alfreð að nú væri verið að
kanna lánamöguleika hjá lífeyris-
sjóðum og öðrum aðilum.
Skuldirnar tæpir 2 milljarðar
Niðurstöður úr níu mánaða upp-
gjöri voru lagðar fram í gær. Rekstr-
artekjur Línu.Nets á tímabilinu
námu 453 milljónum króna, hagnað-
ur fyrir afskriftir og fjármagnsliði
nam 115 milljónum og tap tímabils-
ins nam 151 milljón
króna, eins og áður hef-
ur komið fram í Morg-
unblaðinu.
Eignir félagsins
námu 2.578 milljónum
króna hinn 30. septem-
ber sl. og hafa vaxið um
679 milljónir frá ára-
mótum, mest vegna
519 milljóna króna
eignaaukningar í ljós-
leiðarakerfi fyrirtækis-
ins en ljósleiðarakerfið
er stærsta eign fyrir-
tækisins, nemur ríflega
helmingi eigna.
Skuldir fyrirtækis-
ins námu alls 1.975 milljónum og juk-
ust um 515 milljónir, mest vegna
aukinna skammtímaskulda en þær
námu um 68% heildarskulda. Þá nam
eigið fé 603 milljónum króna og hef-
ur aukist um 164 milljónir frá ára-
mótum, fyrst og fremst vegna 244
milljóna króna bókaðs yfirverðs
hlutafjár. Hlutafé nam rúmum 383
milljónum króna.
Velta fjarskiptamarkaðar
25 milljarðar á árinu
Eiríkur Bragason, framkvæmda-
stjóri Línu.Nets, greindi frá rekstr-
ar- og fjárhagsáætlun félagsins árin
2001–2008 á fundinum. Sagði hann
að gert væri ráð fyrir að heildarvelta
fjarskiptamarkaðarins í ár yrði í
kringum 25 milljarðar króna og
Lína.Net áætli að hún verði a.m.k. 30
milljarðar króna árið 2008. Áætlanir
Línu.Nets geri ráð fyrir að velta fyr-
irtækisins verði um 1 milljarður
króna árið 2008 og
markaðshlutdeild þess
verði því um 3% það ár.
Sagðist hann telja að
um fremur svartsýna
tekjuáætlun væri að
ræða.
Í rekstrar- og fjár-
hagsáætluninni kemur
fram að áætlaðar heild-
artekjur fyrirtækisins
árið 2001 nema tæpum
384 milljónum króna.
Gert er ráð fyrir að
tekjurnar verði rúmar
405 milljónir króna árið
2002 en vaxi hratt eftir
það og verði 648 millj-
ónir króna árið 2003. Rekstrartap án
fjármagnsliða er áætlað 222 milljón-
ir í ár og 85 milljónir á næsta ári en
gert er ráð fyrir 108 milljóna króna
hagnaði fyrir fjármagnsliði árið
2003.
Heildartap í ár er áætlað 214 millj-
ónir króna en reiknað er með að fyr-
irtækið skili hagnaði árið 2004, um
15 milljónum króna. Þá er gert ráð
fyrir að veltufé verði orðið jákvætt
um 111 milljónir króna árið 2003 en í
ár verði það neikvætt um 346 millj-
ónir króna. Arðsemi eigin fjár er tal-
in verða neikvæð um 27,6% árið 2002
en verði komin í 30,6% árið 2008.
Samhliða framangreindum gögn-
um um Línu.Net, sem lögð voru
fram í borgarráði í gær, var lögð
fram tillaga meirihluta um að fela
fjárreiðustjóra Reykjavíkurborgar
að afla sambærilegra upplýsinga frá
öllum dóttur- og hlutdeildarfélögum
í eigu Reykjavíkurborgar.
Reikna með 108 millj-
óna kr. hagnaði 2003
Alfreð Þorsteinsson
HÖSKULDUR Ás-
geirsson, framkvæmda-
stjóri Flugstöðvar
Leifs Eiríkssonar hf.,
telur gagnrýni Íslensks
markaðar hf. á mis-
munun í verslunar-
rekstri í Flugstöðinni á
misskilningi byggða.
Hann telur verslanir í
Flugstöðinni hafa svig-
rúm til hagræðingar
líkt og Fríhöfnin.
Í Morgunblaðinu í
gær sagði Orri Vigfús-
son, varaformaður
stjórnar Íslensks mark-
aðar hf. sem rekur
verslun í Flugstöðinni, að Fríhöfnin
nyti einkaleyfis á mikilvægustu
vöruflokkunum án þess að greiða
leigu í samræmi við það og það ork-
aði tvímælis að leyfa slíkt í sam-
keppnisrekstri.
Höskuldur bendir á að fyrir rúmu
ári, 1. október á síðasta ári, tók nýtt
hlutafélag við rekstri Flugstöðvar-
innar og Fríhafnarinnar. „Áður en
þetta hlutafélag var stofnað greiddi
Fríhöfnin leigu og veltugjald til
Flugstöðvarinnar en allur afrakstur
rann til ríkissjóðs. Núna greiðir Frí-
höfnin leigu til Flugstöðvarinnar auk
þess sem allur afrakstur verslunar-
innar rennur beint til Flugstöðvar-
innar þar sem þetta er eitt og sama
félagið. Þetta styrkir verulega rekst-
ur Flugstöðvarinnar.“
Orri benti á í Morgunblaðinu í gær
að rekstrarörðugleikar
verslana í Flugstöðinni
stöfuðu m.a. af fækkun
flugfarþega og tilkomu
Schengen. Erfiðleik-
arnir hefðu þó verið
langvarandi og menn
þyrftu að sameinast
um að bæta ástandið.
Höskuldur tekur
undir að fækkun hafi
orðið á flugfarþegum
en gerir minna úr
áhrifum Schengen.
„Það er ljóst að Íslend-
ingar hafa ferðast
minna vegna sam-
dráttareinkenna í hag-
kerfinu og hver farþegi eyðir minna í
Flugstöðinni. Ég held að það að
skella skuldinni á Schengen sé ekki
rétt.“
Höskuldur tekur einnig undir að
bæta þurfi rekstrarumhverfi versl-
ana í Flugstöðinni. „Það er ljóst að
við munum eiga viðræður við versl-
unarrekendur hér í byggingunni og
vinna með þeim til að finna einhvern
flöt á málinu. Slíkt munum við hins
vegar ekki reka í fjölmiðlum.“
Höskuldur bendir á að afkoma
Fríhafnarinnar hafi verið betri í ár
en í fyrra. „Ástæðan er ýmsar hag-
ræðingaraðgerðir til að auka tekjur
og minnka kostnað. Við höfum gert
sérstakt átak um að semja við birgja
okkar og tekið ýmsa kostnaðarliði til
athugunar. Þetta hefur borið góðan
árangur, segir Höskuldur.“
Framkvæmdastjóri Flugstöðvar
Leifs Eiríkssonar
Svigrúm til
hagræðingar
Höskuldur Ásgeirsson